Read in తెలుగు / ಕನ್ನಡ / தமிழ் / देवनागरी / English (IAST)
mayūrācalāgrē sadāraṁ vasantaṁ
mudāraṁ dadānaṁ natēbhyō varāṁśca |
dadhānaṁ karāmbhōjamadhyē ca śaktiṁ
sadā ṣaṇmukhaṁ bhāvayē hr̥tsarōjē || 1 ||
girīśāsyavārāśipūrṇēndubimbaṁ
kuraṅgāṅkadhikkārivaktrāravindam |
surēndrātmajācittapāthōjabhānuṁ
sadā ṣaṇmukhaṁ bhāvayē hr̥tsarōjē || 2 ||
natānāṁ hi rājñāṁ guṇānāṁ ca ṣaṇṇāṁ
kr̥pābhāratō yō drutaṁ bōdhanāya |
ṣaḍāsyāmbujātānyagr̥hṇātparaṁ taṁ
sadā ṣaṇmukhaṁ bhāvayē hr̥tsarōjē || 3 ||
purā tārakaṁ yō vijityājimadhyē
surānduḥkhamuktāṁścakārāśu mōdāt |
tamānandakandaṁ kr̥pāvārirāśiṁ
sadā ṣaṇmukhaṁ bhāvayē hr̥tsarōjē || 4 ||
śarāṇāṁ vanē jātamēnaṁ hi bālaṁ
yataḥ kr̥ttikāḥ pāyayanti sma dugdham |
tataḥ kārtikēyaṁ vadantīha yaṁ taṁ
sadā ṣaṇmukhaṁ bhāvayē hr̥tsarōjē || 5 ||
harantaṁ ca bāḍhaṁ tamō hārdagāḍhaṁ
gavānādyayā cātimōdēna līḍham |
surēndrasya putryā ca gāḍhōpagūḍhaṁ
sadā ṣaṇmukhaṁ bhāvayē hr̥tsarōjē || 6 ||
iyaṁ ṣaṭpadī yasya vaktrāravindē
vihāraṁ karōtyādarānnityamēva |
ṣaḍāsyaḥ kr̥pātaḥ samastāśca vidyā
vitīryāśu tasmai svabhaktiṁ dadāti || 7 ||
iti śrīśr̥ṅgērijagadguru śrīsaccidānanda śivābhinavanr̥siṁhabhāratī svāmibhiḥ viracitaṁ śrī ṣaṇmukha ṣaṭpadī stavaḥ |
See more śrī subrahmaṇya stōtrāṇi for chanting.
గమనిక: రాబోయే ధనుర్మాసం సందర్భంగా "శ్రీ కృష్ణ స్తోత్రనిధి" ముద్రించుటకు ఆలోచన చేయుచున్నాము. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
