Read in తెలుగు / ಕನ್ನಡ / தமிழ் / देवनागरी / English (IAST)
hriyā lakṣmyā vallyā surapr̥tanayā:’:’liṅgitatanuḥ
mayūrārūḍhō:’yaṁ śivavadanapaṅkēruharaviḥ |
ṣaḍāsyō bhaktānāmacalahr̥divāsaṁ pratanavai
itīmaṁ buddhiṁ drāgacalanilayaḥ sañjanayati || 1 ||
smitanyakkr̥tēnduprabhākundapuṣpaṁ
sitābhrāgarupraṣṭhagandhānuliptam |
śritāśēṣalōkēṣṭadānāmaradruṁ
sadā ṣaṇmukhaṁ bhāvayē hr̥tsarōjē || 2 ||
śarīrēndriyādāvahambhāvajātān
ṣaḍūrmīrvikārāṁśca śatrūnnihantum |
natānāṁ dadhē yastamāsyābjaṣaṭkaṁ
sadā ṣaṇmukhaṁ bhāvayē hr̥tsarōjē || 3 ||
aparṇākhyavallīsamāślēṣayōgāt
purā sthāṇutō yō:’janiṣṭāmarārtham |
viśākhaṁ nagē vallikā:’:’liṅgitaṁ taṁ
sadā ṣaṇmukhaṁ bhāvayē hr̥tsarōjē || 4 ||
gukārēṇa vācyaṁ tamō bāhyamantaḥ
svadēhābhayā jñānadānēna hanti |
ya ēnaṁ guhaṁ vēdaśīrṣaikamēyaṁ
sadā ṣaṇmukhaṁ bhāvayē hr̥tsarōjē || 5 ||
yataḥ karmamārgō bhuvi khyāpitastaṁ
svanr̥tyē nimittasya hētuṁ viditvā |
vahatyādarānmēghanādānulāsī
sadā ṣaṇmukhaṁ bhāvayē hr̥tsarōjē || 6 ||
kr̥pāvārirāśirnr̥ṇāmāstikatvaṁ
dr̥ḍhaṁ kartumadyāpi yaḥ kukkuṭādīn |
bhr̥śaṁ pācitān jīvayanrājatē taṁ
sadā ṣaṇmukhaṁ bhāvayē hr̥tsarōjē || 7 ||
bhujaṅgaprayātēna vr̥ttēna kluptāṁ
stutiṁ ṣaṇmukhasyādarādyē paṭhanti |
suputrāyurārōgyasampadviśiṣṭān
karōtyēva tān ṣaṇmukhaḥ sadvidagryān || 8 ||
iti śrīśr̥ṅgēri śāradāpīṭha jagadguru śrīcandraśēkharabhāratī svāmibhiḥ viracitaṁ śrīṣaṇmukha bhujaṅga stutiḥ |
See more śrī subrahmaṇya stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
