Read in తెలుగు / ಕನ್ನಡ / தமிழ் / देवनागरी / English (IAST)
ఘోరరూపే మహారావే సర్వశత్రుభయంకరి |
భక్తేభ్యో వరదే దేవి త్రాహి మాం శరణాగతమ్ || ౧ ||
సురాఽసురార్చితే దేవి సిద్ధగంధర్వసేవితే |
జాడ్యపాపహరే దేవి త్రాహి మాం శరణాగతమ్ || ౨ ||
జటాజూటసమాయుక్తే లోలజిహ్వాన్తకారిణీ |
ద్రుతబుద్ధికరే దేవి త్రాహి మాం శరణాగతమ్ || ౩ ||
సౌమ్యక్రోధధరే రూపే చండరూపే నమోఽస్తు తే |
సృష్టిరూపే నమస్తుభ్యం త్రాహి మాం శరణాగతమ్ || ౪ ||
జడానాం జడతాం హన్తి భక్తానాం భక్తవత్సలా |
మూఢతాం హర మే దేవి త్రాహి మాం శరణాగతమ్ || ౫ ||
హ్రూం హ్రూంకరమయే దేవి బలిహోమప్రియే నమః |
ఉగ్రతారే నమో నిత్యం త్రాహి మాం శరణాగతమ్ || ౬ ||
బుద్ధిం దేహి యశో దేహి కవిత్వం దేహి దేవి మే |
మూఢత్వం చ హరేర్దేవి త్రాహి మాం శరణాగతమ్ || ౭ ||
ఇన్ద్రాదివిలసద్వన్ద్వవన్దితే కరుణామయి |
తారే తారధినాథాస్యే త్రాహి మాం శరణాగతమ్ || ౮ ||
అష్టమ్యాం చ చతుర్దశ్యాం నవమ్యాం యః పఠేన్నరః |
షణ్మాసైః సిద్ధిమాప్నోతి నాఽత్ర కార్యా విచారణా || ౯ ||
మోక్షార్థీ లభతే మోక్షం ధనార్థీ లభతే ధనమ్ |
విద్యార్థీ లభతే విద్యాం తర్కవ్యాకరణాదికమ్ || ౧౦ ||
ఇదం స్తోత్రం పఠేద్యస్తు సతతం శ్రద్ధయాన్వితః |
తస్య శత్రుః క్షయం యాతి మహాప్రజ్ఞా ప్రజాయతే || ౧౧ ||
పీడాయాం వాపి సంగ్రామే జాడ్యే దానే తథా భయే |
య ఇదం పఠతి స్తోత్రం శుభం తస్య న సంశయః || ౧౨ ||
ఇతి ప్రణమ్య స్తుత్వా చ యోనిముద్రాం ప్రదర్శయేత్ ||
ఇతి శ్రీ నీలసరస్వతీ స్తోత్రమ్ ||
మరిన్ని దశమహావిద్యా స్తోత్రాలు చూడండి.
గమనిక: ఇటివలి ప్రచురణలు "శ్రీ కృష్ణ స్తోత్రనిధి" మరియు "శ్రీ ఆంజనేయ స్తోత్రనిధి"
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
నమస్తే జి నీల సరస్వతి స్తోత్రం ఎలా చదవాలి నియమాలు తెలియజేయగలరు బుధ మహా దశ జరుగుచున్నది కావున తెలియజేయండి నియమాలు