Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “నవగ్రహ స్తోత్రనిధి” పారాయణ గ్రంథములో కూడా ఉన్నది. Click here to buy.]
అస్య శ్రీ కేతుస్తోత్రస్య వామదేవ ఋషిః, అనుష్టుప్ ఛందః, కేతుర్దేవతా, శ్రీ కేతుగ్రహ ప్రసాదసిద్ధ్యర్థే జపే వినియోగః |
గౌతమ ఉవాచ |
మునీంద్ర సూత తత్త్వజ్ఞ సర్వశాస్త్రవిశారదః |
సర్వరోగహరం బ్రూహి కేతోః స్తోత్రమనుత్తమమ్ || ౧ ||
సూత ఉవాచ |
శృణు గౌతమ వక్ష్యామి స్తోత్రమేతదనుత్తమమ్ |
గుహ్యాద్గుహ్యతమం కేతోః బ్రహ్మణా కీర్తితం పురా || ౨ ||
ఆద్యః కరాళవదనో ద్వితీయో రక్తలోచనః |
తృతీయః పింగళాక్షశ్చ చతుర్థో జ్ఞానదాయకః || ౩ ||
పంచమః కపిలాక్షశ్చ షష్ఠః కాలాగ్నిసన్నిభః |
సప్తమో హిమగర్భశ్చ ధూమ్రవర్ణోఽష్టమస్తథా || ౪ ||
నవమః కృత్తకంఠశ్చ దశమో నరపీడకః |
ఏకాదశస్తు శ్రీకంఠః ద్వాదశస్తు గదాయుధః || ౫ ||
ద్వాదశైతే మహాక్రూరాః సర్వోపద్రవకారకాః |
పర్వకాలే పీడయంతి దివాకరనిశాకరౌ || ౬ ||
నామద్వాదశకం స్తోత్రం కేతోరేతన్మహాత్మనః |
పఠంతి యేఽన్వహం భక్త్యా తేభ్యః కేతుః ప్రసీదతి || ౭ ||
కుళుత్థధాన్యే విలిఖేత్ షట్కోణం మండలం శుభమ్ |
పద్మమష్టదళం తత్ర విలిఖేచ్చ విధానతః || ౮ ||
నీలం ఘటం చ సంస్థాప్య దివాకరనిశాకరౌ |
కేతుం చ తత్ర నిక్షిప్య పూజయిత్వా విధానతః || ౯ ||
స్తోత్రమేతత్ పఠిత్వా చ ధ్యాయేత్ కేతుం వరప్రదమ్ |
బ్రహ్మణం శ్రోత్రియం శాంతం పూజయిత్వా కుటుంబినమ్ || ౧౦ ||
కేతోః కరాళవక్త్రస్య ప్రతిమాం వస్త్రసంయుతామ్ |
కుంభాదిభిశ్చ సంయుక్తాం చిత్రాధారే ప్రదాపయేత్ || ౧౧ ||
దానేనానేన సుప్రీతః కేతుః స్యాత్తస్య సౌఖ్యదః |
వత్సరం ప్రయతో భూత్వా పూజయిత్వా విధానతః || ౧౨ ||
మూలమష్టోత్తరశతం యే జపంతి నరోత్తమాః |
తేషాం కేతుప్రసాదేన న కదాచిద్భయం భవేత్ || ౧౩ ||
ఇతి శ్రీ కేతు ద్వాదశనామ స్తోత్రమ్ |
గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.
నవగ్రహ స్తోత్రనిధి
(నిత్య పారాయణ గ్రంథము)
మరిన్ని నవగ్రహ స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
