Sri Kalika Ashtakam – శ్రీ కాళికాష్టకం


[గమనిక: ఈ స్తోత్రము “శ్రీ కాళికా స్తోత్రనిధి” పారాయణ గ్రంథములో కూడా ఉన్నది. Click here to buy.]

ధ్యానమ్ –
గలద్రక్తముండావళీకంఠమాలా
మహాఘోరరావా సుదంష్ట్రా కరాళా |
వివస్త్రా శ్మశానాలయా ముక్తకేశీ
మహాకాలకామాకులా కాళికేయమ్ || ౧ ||

భుజేవామయుగ్మే శిరోఽసిం దధానా
వరం దక్షయుగ్మేఽభయం వై తథైవ |
సుమధ్యాఽపి తుంగస్తనా భారనమ్రా
లసద్రక్తసృక్కద్వయా సుస్మితాస్యా || ౨ ||

శవద్వంద్వకర్ణావతంసా సుకేశీ
లసత్ప్రేతపాణిం ప్రయుక్తైకకాంచీ |
శవాకారమంచాధిరూఢా శివాభి-
-శ్చతుర్దిక్షుశబ్దాయమానాఽభిరేజే || ౩ ||

స్తుతిః –
విరంచ్యాదిదేవాస్త్రయస్తే గుణాస్త్రీన్
సమారాధ్య కాళీం ప్రధానా బభూవుః |
అనాదిం సురాదిం మఖాదిం భవాదిం
స్వరూపం త్వదీయం న విందంతి దేవాః || ౧ ||

జగన్మోహినీయం తు వాగ్వాదినీయం
సుహృత్పోషిణీ శత్రుసంహారణీయమ్ |
వచస్తంభనీయం కిముచ్చాటనీయం
స్వరూపం త్వదీయం న విందంతి దేవాః || ౨ ||

ఇయం స్వర్గదాత్రీ పునః కల్పవల్లీ
మనోజాస్తు కామాన్ యథార్థం ప్రకుర్యాత్ |
తథా తే కృతార్థా భవంతీతి నిత్యం
స్వరూపం త్వదీయం న విందంతి దేవాః || ౩ ||

సురాపానమత్తా సుభక్తానురక్తా
లసత్పూతచిత్తే సదావిర్భవత్తే |
జపధ్యానపూజాసుధాధౌతపంకా
స్వరూపం త్వదీయం న విందంతి దేవాః || ౪ ||

చిదానందకందం హసన్మందమందం
శరచ్చంద్రకోటిప్రభాపుంజబింబమ్ |
మునీనాం కవీనాం హృది ద్యోతయంతం
స్వరూపం త్వదీయం న విందంతి దేవాః || ౫ ||

మహామేఘకాళీ సురక్తాపి శుభ్రా
కదాచిద్విచిత్రాకృతిర్యోగమాయా |
న బాలా న వృద్ధా న కామాతురాపి
స్వరూపం త్వదీయం న విందంతి దేవాః || ౬ ||

క్షమస్వాపరాధం మహాగుప్తభావం
మయా లోకమధ్యే ప్రకాశీకృతం యత్ |
తవ ధ్యానపూతేన చాపల్యభావాత్
స్వరూపం త్వదీయం న విందంతి దేవాః || ౭ ||

యది ధ్యానయుక్తం పఠేద్యో మనుష్య-
-స్తదా సర్వలోకే విశాలో భవేచ్చ |
గృహే చాష్టసిద్ధిర్మృతే చాపి ముక్తిః
స్వరూపం త్వదీయం న విందంతి దేవాః || ౮ ||

ఇతి శ్రీమచ్ఛంకరాచార్య విరచితం శ్రీ కాళికాష్టకమ్ ||


గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.

శ్రీ కాళికా స్తోత్రనిధి

(నిత్య పారాయణ గ్రంథము)

Click here to buy


మరిన్ని శ్రీ కాళికా స్తోత్రాలు చూడండి. మరిన్ని దశమహావిద్యా స్తోత్రాలు చూడండి.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed