Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ కాళికా స్తోత్రనిధి” పారాయణ గ్రంథములో కూడా ఉన్నది. Click here to buy.]
అస్య శ్రీ కాళికార్గళ స్తోత్రస్య భైరవ ఋషిరనుష్టుప్ ఛందః శ్రీకాళికా దేవతా మమ సర్వసిద్ధిసాధనే వినియోగః |
ఓం నమస్తే కాళికే దేవి ఆద్యబీజత్రయ ప్రియే |
వశమానయ మే నిత్యం సర్వేషాం ప్రాణినాం సదా || ౧ ||
కూర్చయుగ్మం లలాటే చ స్థాతు మే శవవాహినా |
సర్వసౌభాగ్యసిద్ధిం చ దేహి దక్షిణ కాళికే || ౨ ||
భువనేశ్వరి బీజయుగ్మం భ్రూయుగే ముండమాలినీ |
కందర్పరూపం మే దేహి మహాకాలస్య గేహిని || ౩ ||
దక్షిణే కాళికే నిత్యే పితృకాననవాసిని |
నేత్రయుగ్మం చ మే దేహి జ్యోతిరాలేపనం మహత్ || ౪ ||
శ్రవణే చ పునర్లజ్జాబీజయుగ్మం మనోహరమ్ |
మహాశ్రుతిధరత్వం చ మే దేహి ముక్త కుంతలే || ౫ ||
హ్రీం హ్రీం బీజద్వయం దేవి పాతు నాసాపుటే మమ |
దేహి నానావిధి మహ్యం సుగంధిం త్వం దిగంబరే || ౬ ||
పునస్త్రిబీజప్రథమం దంతోష్ఠరసనాదికమ్ |
గద్యపద్యమయీం వాజీం కావ్యశాస్త్రాద్యలంకృతామ్ || ౭ ||
అష్టాదశపురాణానాం స్మృతీనాం ఘోరచండికే |
కవితా సిద్ధిలహరీం మమ జిహ్వాం నివేశయ || ౮ ||
వహ్నిజాయా మహాదేవి ఘంటికాయాం స్థిరా భవ |
దేహి మే పరమేశాని బుద్ధిసిద్ధిరసాయకమ్ || ౯ ||
తుర్యాక్షరీ చిత్స్వరూపా కాళికా మంత్రసిద్ధిదా |
సా చ తిష్ఠతు హృత్పద్మే హృదయానందరూపిణీ || ౧౦ ||
షడక్షరీ మహాకాళీ చండకాళీ శుచిస్మితా |
రక్తాసినీ ఘోరదంష్ట్రా భుజయుగ్మే సదాఽవతు || ౧౧ ||
సప్తాక్షరీ మహాకాళీ మహాకాలరతోద్యతా |
స్తనయుగ్మే సూర్యకర్ణో నరముండసుకుంతలా || ౧౨ ||
తిష్ఠ స్వజఠరే దేవి అష్టాక్షరీ శుభప్రదా |
పుత్రపౌత్రకలత్రాది సుహృన్మిత్రాణి దేహి మే || ౧౩ ||
దశాక్షరీ మహాకాళీ మహాకాలప్రియా సదా |
నాభౌ తిష్ఠతు కల్యాణీ శ్మశానాలయవాసినీ || ౧౪ ||
చతుర్దశార్ణవా యా చ జయకాళీ సులోచనా |
లింగమధ్యే చ తిష్ఠస్వ రేతస్వినీ మమాంగకే || ౧౫ ||
గుహ్యమధ్యే గుహ్యకాళీ మమ తిష్ఠ కులాంగనే |
సర్వాంగే భద్రకాళీ చ తిష్ఠ మే పరమాత్మికే || ౧౬ ||
కాళి పాదయుగే తిష్ఠ మమ సర్వముఖే శివే |
కపాలినీ చ యా శక్తిః ఖడ్గముండధరా శివా || ౧౭ ||
పాదద్వయాంగుళిష్వంగే తిష్ఠ స్వపాపనాశిని |
కుల్లాదేవీ ముక్తకేశీ రోమకూపేషు వై మమ || ౧౮ ||
తిష్ఠతు ఉత్తమాంగే చ కురుకుల్లా మహేశ్వరీ |
విరోధినీ విరోధే చ మమ తిష్ఠతు శంకరీ || ౧౯ ||
విప్రచిత్తే మహేశాని ముండధారిణి తిష్ఠ మామ్ |
మార్గే దుర్మార్గగమనే ఉగ్రా తిష్ఠతు సర్వదా || ౨౦ ||
ప్రభాదిక్షు విదిక్షు మామ్ దీప్తాం దీప్తం కరోతు మామ్ |
నీలాశక్తిశ్చ పాతాళే ఘనా చాకాశమండలే || ౨౧ ||
పాతు శక్తిర్బలాకా మే భువం మే భువనేశ్వరీ |
మాత్రా మమ కులే పాతు ముద్రా తిష్ఠతు మందిరే || ౨౨ ||
మితా మే యోగినీ యా చ తథా మిత్రకులప్రదా |
సా మే తిష్ఠతు దేవేశి పృథివ్యాం దైత్యదారిణీ || ౨౩ ||
బ్రాహ్మీ బ్రహ్మకులే తిష్ఠ మమ సర్వార్థదాయినీ |
నారాయణీ విష్ణుమాయా మోక్షద్వారే చ తిష్ఠ మే || ౨౪ ||
మాహేశ్వరీ వృషారూఢా కాశికాపురవాసినీ |
శివతాం దేహి చాముండే పుత్రపౌత్రాది చానఘే || ౨౫ ||
కౌమారీ చ కుమారాణాం రక్షార్థం తిష్ఠ మే సదా |
అపరాజితా విశ్వరూపా జయే తిష్ఠ స్వభావినీ || ౨౬ ||
వారాహీ వేదరూపా చ సామవేదపరాయణా |
నారసింహీ నృసింహస్య వక్షఃస్థలనివాసినీ || ౨౭ ||
సా మే తిష్ఠతు దేవేశి పృథివ్యాం దైత్యదారిణీ |
సర్వేషాం స్థావరాదీనాం జంగమానాం సురేశ్వరీ || ౨౮ ||
స్వేదజోద్భిజాండజానాం చరాణాం చ భయాదికమ్ |
వినాశ్యాప్యభిమతిం చ దేహి దక్షిణ కాళికే || ౨౯ ||
య ఇదం చార్గళం దేవి యః పఠేత్కాళికార్చనే |
సర్వసిద్ధిమవాప్నోతి ఖేచరో జాయతే తు సః || ౩౦ ||
ఇతి శ్రీ కాళీ అర్గళ స్తోత్రమ్ |
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ కాళికా స్తోత్రనిధి
(నిత్య పారాయణ గ్రంథము)
మరిన్ని శ్రీ కాళికా స్తోత్రాలు చూడండి. మరిన్ని దశమహావిద్యా స్తోత్రాలు చూడండి.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
