Sri Datta Stavaraja – శ్రీ దత్త స్తవరాజః


[గమనిక: ఈ స్తోత్రము “శ్రీ దత్తాత్రేయ స్తోత్రనిధి” పారాయణ గ్రంథములో కూడా ఉన్నది. Click here to buy.]

శ్రీశుక ఉవాచ |
మహాదేవ మహాదేవ దేవదేవ మహేశ్వర |
దత్తాత్రేయస్తవం దివ్యం శ్రోతుమిచ్ఛామ్యహం ప్రభో || ౧ ||

తదస్య వద మాహాత్మ్యం దేవదేవ దయానిధే |
దత్తాత్పరతరం నాస్తి పురా వ్యాసేన కీర్తితమ్ || ౨ ||

జగద్గురుర్జగన్నాథో గీయతే నారదాదిభిః |
తత్సర్వం బ్రూహి మే దేవ కరుణాకర శంకర || ౩ ||

శ్రీమహాదేవ ఉవాచ |
శృణు వ్యాసాత్మజాత త్వం గుహ్యాద్గుహ్యతరం మహత్ | [దివ్యం]
యస్య స్మరణమాత్రేణ ముచ్యతే సర్వబంధనాత్ || ౪ ||

దత్తం సనాతనం బ్రహ్మ నిర్వికారం నిరంజనమ్ |
ఆదిదేవం నిరాకారం వ్యక్తం గుణవివర్జితమ్ || ౫ ||

నామరూపక్రియాతీతం నిఃసంగం దేవవందితమ్ |
నారాయణం శివం శుద్ధం దృశ్యదర్శనవర్జితమ్ || ౬ ||

పరేశం పార్వతీకాంతం రమాధీశం దిగంబరమ్ |
నిర్మలో నిత్యతృప్తాత్మా నిత్యానందో మహేశ్వరః || ౭ ||

బ్రహ్మా విష్ణుః శివః సాక్షాద్గోవిందో గతిదాయకః |
పీతాంబరధరో దేవో మాధవః సురసేవితః || ౮ ||

మృత్యుంజయో మహారుద్రః కార్తవీర్యవరప్రదః |
ఓమిత్యేకాక్షరం బీజం క్షరాక్షరపదం హరిః || ౯ ||

గయా కాశీ కురుక్షేత్రం ప్రయాగం బద్రికాశ్రమమ్ |
ఏతత్సర్వం కృతం తేన దత్త ఇత్యక్షరద్వయమ్ || ౧౦ ||

గోమతీ జాహ్నవీ భీమా గండకీ చ సరస్వతీ |
ఏతత్సర్వం కృతం తేన దత్త ఇత్యక్షరద్వయమ్ || ౧౧ ||

సరయూస్తుంగభద్రా చ యమునా పయవాహినీ | [జల]
ఏతత్సర్వం కృతం తేన దత్త ఇత్యక్షరద్వయమ్ || ౧౨ ||

తామ్రపర్ణీ ప్రణీతా చ గౌతమీ తాపనాశినీ |
ఏతత్సర్వం కృతం తేన దత్త ఇత్యక్షరద్వయమ్ || ౧౩ ||

నర్మదా సింధు కావేరీ కృష్ణవేణీ తథైవ చ |
ఏతత్సర్వం కృతం తేన దత్త ఇత్యక్షరద్వయమ్ || ౧౪ ||

అవంతీ ద్వారకా మాయా మల్లినాథస్య దర్శనమ్ |
ఏతత్సర్వం కృతం తేన దత్త ఇత్యక్షరద్వయమ్ || ౧౫ ||

ద్వాదశ జ్యోతిర్లింగాని వారాహే పుష్కరే తథా |
ఏతత్సర్వం కృతం తేన దత్త ఇత్యక్షరద్వయమ్ || ౧౬ ||

జ్వాలాముఖీ హింగులా చ సప్తశృంగస్తథైవ చ |
ఏతత్సర్వం కృతం తేన దత్త ఇత్యక్షరద్వయమ్ || ౧౭ ||

అయోధ్యా మథురా కాంచీ రేణుకా సేతుబంధనమ్ |
ఏతత్సర్వం కృతం తేన దత్త ఇత్యక్షరద్వయమ్ || ౧౮ ||

అహోబిలం త్రిపథగాం గంగా సాగరమేవ చ |
ఏతత్సర్వం కృతం తేన దత్త ఇత్యక్షరద్వయమ్ || ౧౯ ||

కరవీరమహాస్థానం రంగనాథం తథైవ చ |
ఏతత్సర్వం కృతం తేన దత్త ఇత్యక్షరద్వయమ్ || ౨౦ ||

ఏకాదశీవ్రతం చైవ అష్టాంగైర్యోగసాధనమ్ |
ఏతత్సర్వం కృతం తేన దత్త ఇత్యక్షరద్వయమ్ || ౨౧ ||

శాకంభరీ చ మూకాంబా కార్తికస్వామిదర్శనమ్ |
ఏతత్సర్వం కృతం తేన దత్త ఇత్యక్షరద్వయమ్ || ౨౨ ||

వ్రతం నిష్ఠా తపో దానం సామగానం తథైవ చ |
ఏతత్సర్వం కృతం తేన దత్త ఇత్యక్షరద్వయమ్ || ౨౩ ||

ముక్తిక్షేత్రం చ కామాక్షీ తులజా సిద్ధిదేవతా |
ఏతత్సర్వం కృతం తేన దత్త ఇత్యక్షరద్వయమ్ || ౨౪ ||

అన్నహోమాదికం దానం మేదిన్యశ్వ గజాన్ వృషాన్ |
ఏతత్సర్వం కృతం తేన దత్త ఇత్యక్షరద్వయమ్ || ౨౫ ||

మాఘకార్తికయోః స్నానం సన్యాసం బ్రహ్మచర్యకమ్ |
ఏతత్సర్వం కృతం తేన దత్త ఇత్యక్షరద్వయమ్ || ౨౬ ||

అశ్వమేధసహస్రాణి మాతాపితృప్రపోషణమ్ |
ఏతత్సర్వం కృతం తేన దత్త ఇత్యక్షరద్వయమ్ || ౨౭ ||

అమితం పోషణం పుణ్యముపకారం తథైవ చ |
ఏతత్సర్వం కృతం తేన దత్త ఇత్యక్షరద్వయమ్ || ౨౮ ||

జగన్నాథం చ గోకర్ణం పాండురంగం తథైవ చ |
ఏతత్సర్వం కృతం తేన దత్త ఇత్యక్షరద్వయమ్ || ౨౯ ||

సర్వదేవనమస్కారః సర్వే యజ్ఞాః ప్రకీర్తితాః |
ఏతత్సర్వం కృతం తేన దత్త ఇత్యక్షరద్వయమ్ || ౩౦ ||

శాస్త్రషట్కం పురాణాని అష్టౌ వ్యాకరణాని చ |
ఏతత్సర్వం కృతం తేన దత్త ఇత్యక్షరద్వయమ్ || ౩౧ ||

సావిత్రీ ప్రణవం జప్త్వా చతుర్వేదాంశ్చ పారగాః |
ఏతత్సర్వం కృతం తేన దత్త ఇత్యక్షరద్వయమ్ || ౩౨ ||

కన్యాదానాని పుణ్యాని వానప్రస్థస్య పోషణమ్ |
ఏతత్సర్వం కృతం తేన దత్త ఇత్యక్షరద్వయమ్ || ౩౩ ||

వాపీ కూప తటాకాని కాననారోపణాని చ |
ఏతత్సర్వం కృతం తేన దత్త ఇత్యక్షరద్వయమ్ || ౩౪ ||

అశ్వత్థ తులసీ ధాత్రీ సేవతే యో నరః సదా |
ఏతత్సర్వం కృతం తేన దత్త ఇత్యక్షరద్వయమ్ || ౩౫ ||

శివం విష్ణుం గణేశం చ శక్తిం సూర్యం చ పూజనమ్ |
ఏతత్సర్వం కృతం తేన దత్త ఇత్యక్షరద్వయమ్ || ౩౬ ||

గోహత్యాదిసహస్రాణి బ్రహ్మహత్యాస్తథైవ చ |
ప్రాయశ్చిత్తం కృతం తేన దత్త ఇత్యక్షరద్వయమ్ || ౩౭ ||

స్వర్ణస్తేయం సురాపానం మాతుర్గమనకిల్బిషమ్ |
ముచ్యతే సర్వపాపేభ్యో దత్త ఇత్యక్షరద్వయమ్ || ౩౮ ||

స్త్రీహత్యాదికృతం పాపం బాలహత్యాస్తథైవ చ |
ముచ్యతే సర్వపాపేభ్యో దత్త ఇత్యక్షరద్వయమ్ || ౩౯ ||

ప్రాయశ్చిత్తం కృతం తేన సర్వపాపప్రణాశనమ్ |
బ్రహ్మత్వం లభతే జ్ఞానం దత్త ఇత్యక్షరద్వయమ్ || ౪౦ ||

కలిదోషవినాశార్థం జపేదేకాగ్రమానసః |
శ్రీగురుం పరమానందం దత్త ఇత్యక్షరద్వయమ్ || ౪౧ ||

దత్త దత్త ఇదం వాక్యం తారకం సర్వదేహినామ్ |
శ్రద్ధాయుక్తో జపేన్నిత్యం దత్త ఇత్యక్షరద్వయమ్ || ౪౨ ||

కేశవం మాధవం విష్ణుం గోవిందం గోపతిం హరిమ్ |
గురూణాం పఠ్యతే నిత్యం తత్సర్వం చ శుభావహమ్ || ౪౩ ||

నిరంజనం నిరాకారం దేవదేవం జనార్దనమ్ |
మాయాముక్తం జపేన్నిత్యం పావనం సర్వదేహినామ్ || ౪౪ ||

ఆదినాథం సురశ్రేష్ఠం కృష్ణం శ్యామం జగద్గురుమ్ |
సిద్ధరాజం గుణాతీతం రామం రాజీవలోచనమ్ || ౪౫ ||

నారాయణం పరం బ్రహ్మ లక్ష్మీకాంతం పరాత్పరమ్ |
అప్రమేయం సురానందం నమో దత్తం దిగంబరమ్ || ౪౬ ||

యోగిరాజోఽత్రివరదః సురాధ్యక్షో గుణాంతకః |
అనసూయాత్మజో దేవో దేవతాగతిదాయకః || ౪౭ ||

గోపనీయం ప్రయత్నేన అయం సురమునీశ్వరైః |
సమస్తఋషిభిః సర్వైః భక్త్యా స్తుత్వా మహాత్మభిః || ౪౮ ||

నారదేన సురేంద్రేణ సనకాద్యైర్మహాత్మభిః |
గౌతమేన చ గార్గేణ వ్యాసేన కపిలేన చ || ౪౯ ||

వామదేవేన దక్షేణ అత్రి భార్గవ ముద్గలైః |
వసిష్ఠప్రముఖైః సర్వైః గీయతే సర్వదాదరాత్ || ౫౦ ||

వినాయకేన రుద్రేణ మహాసేనేన వై సదా |
మార్కండేయేన ధౌమ్యేన కీర్తితం స్తవముత్తమమ్ || ౫౧ ||

మరీచ్యాదిమునీంద్రైశ్చ శుకకర్దమసత్తమైః |
అంగిరాకృత పౌలస్త్య భృగు కశ్యప జైమినీ || ౫౨ ||

గురోః స్తవమధీయానో విజయీ సర్వదా భవేత్ |
గురోః సాయుజ్యమాప్నోతి గురోర్నామ పఠేద్బుధః || ౫౩ ||

గురోః పరతరం నాస్తి సత్యం సత్యం న సంశయః |
గురోః పాదోదకం పీత్వా గురోర్నామ సదా జపేత్ || ౫౪ ||

తేఽపి సన్న్యాసినో జ్ఞేయాః ఇతరే వేషధారిణః |
గంగాద్యాః సరితః సర్వే గురోః పాదాంబుజే సదా || ౫౫ ||

గురుస్తవం న జానాతి గురునామ ముఖే న హి |
పశుతుల్యం విజానీయాత్ సత్యం సత్యం మహామునే || ౫౬ ||

ఇదం స్తోత్రం మహద్దివ్యం స్తవరాజం మనోహరమ్ |
పఠనాచ్ఛ్రవణాద్వాపి సర్వాన్ కామానవాప్నుయాత్ || ౫౭ ||

ఇతి శ్రీరుద్రయామలే శ్రీమన్మహాదేవశుకసంవాదే శ్రీ దత్తాత్రేయ స్తవరాజః |


గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.

శ్రీ దత్తాత్రేయ స్తోత్రనిధి

(నిత్య పారాయణ గ్రంథము)

Click here to buy


మరిన్ని శ్రీ దత్తాత్రేయ స్తోత్రాలు చూడండి.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

One thought on “Sri Datta Stavaraja – శ్రీ దత్త స్తవరాజః

స్పందించండి

error: Not allowed