Read in తెలుగు / ಕನ್ನಡ / தமிழ் / देवनागरी / English (IAST)
ప్రార్థనా |
బ్రహ్మాణీ కమలేందుసౌమ్యవదనా మాహేశ్వరీ లీలయా
కౌమారీ రిపుదర్పనాశనకరీ చక్రాయుధా వైష్ణవీ |
వారాహీ ఘనఘోరఘర్ఘరముఖీ చైంద్రీ చ వజ్రాయుధా
చాముండా గణనాథరుద్రసహితా రక్షంతు నో మాతరః ||
బ్రాహ్మీ –
హంసారూఢా ప్రకర్తవ్యా సాక్షసూత్రకమండలుః |
స్రువం చ పుస్తకం ధత్తే ఊర్ధ్వహస్తద్వయే శుభా || ౧ ||
బ్రాహ్మ్యై నమః |
మాహేశ్వరీ –
మాహేశ్వరీ ప్రకర్తవ్యా వృషభాసనసంస్థితా |
కపాలశూలఖట్వాంగవరదా చ చతుర్భుజా || ౨ ||
మాహేశ్వర్యై నమః |
కౌమారీ –
కుమారరూపా కౌమారీ మయూరవరవాహనా |
రక్తవస్త్రధరా తద్వచ్ఛూలశక్తిగదాధరా || ౩ ||
కౌమార్యై నమః |
వైష్ణవీ –
వైష్ణవీ విష్ణుసదృశీ గరుడోపరి సంస్థితా |
చతుర్బాహుశ్చ వరదా శంఖచక్రగదాధరా || ౪ ||
వైష్ణవ్యై నమః |
వారాహీ –
వారాహీం తు ప్రవక్ష్యామి మహిషోపరి సంస్థితామ్ |
వరాహసదృశీ ఘంటానాదా చామరధారిణీ || ౫ ||
గదాచక్రధరా తద్వద్దానవేంద్రవిఘాతినీ |
లోకానాం చ హితార్థాయ సర్వవ్యాధివినాశినీ || ౬ ||
వారాహ్యై నమః |
ఇంద్రాణీ –
ఇంద్రాణీ త్వింద్రసదృశీ వజ్రశూలగదాధరా |
గజాసనగతా దేవీ లోచనైర్బహుభిర్వృతా || ౭ ||
ఇంద్రాణ్యై నమః |
చాముండా –
దంష్ట్రాలా క్షీణదేహా చ గర్తాక్షా భీమరూపిణీ |
దిగ్బాహుః క్షామకుక్షిశ్చ ముసలం చక్రమార్గణౌ || ౮ ||
అంకుశం బిభ్రతీ ఖడ్గం దక్షిణేష్వథ వామతః |
ఖేటం పాశం ధనుర్దండం కుఠారం చేతి బిభ్రతీ || ౯ ||
చాముండా ప్రేతగా రక్తా వికృతాస్యాహిభూషణా |
ద్విభుజా వా ప్రకర్తవ్యా కృత్తికాకార్యరన్వితా || ౧౦ ||
చాముండాయై నమః |
ఇతి సప్తమాతృకా స్తోత్రమ్ |
మరిన్ని దేవీ స్తోత్రాలు చూడండి.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
