Read in తెలుగు / ಕನ್ನಡ / தமிழ் / English (IAST)
సప్తపఞ్చాశత్తమదశకమ్ (౫౭) – ప్రలంబాసురవధమ్
రామసఖః క్వాపి దినే కామద భగవన్ గతో భవాన్విపినమ్ |
సూనుభిరపి గోపానాం ధేనుభిరభిసంవృతో లసద్వేషః || ౫౭-౧ ||
సన్దర్శయన్బలాయ స్వైరం వృన్దావనశ్రియం విమలామ్ |
కాణ్డీరైః సహ బాలైర్భాణ్డీరకమాగమో వటం క్రీడన్ || ౫౭-౨ ||
తావత్తావకనిధన-స్పృహయాలుర్గోపమూర్తిరదయాలుః |
దైత్యః ప్రలంబనామా ప్రలంబబాహుం భవన్తమాపేదే || ౫౭-౩ ||
జానన్నప్యవిజానన్నివ తేన సమం నిబద్ధసౌహార్దః |
వటనికటే పటుపశుపవ్యాబద్ధం ద్వన్ద్వయుద్ధమారబ్ధాః || ౫౭-౪ ||
గోపాన్విభజ్య తన్వన్సఙ్ఘం బలభద్రకం భవత్కమపి |
త్వద్బలభీతం దైత్యం త్వద్బలగతమన్వమన్యథా భగవన్ || ౫౭-౫ ||
[** త్వద్బలభీరుం **]
కల్పితవిజేతృవహనే సమరే పరయూథగం స్వదయితతరమ్ |
శ్రీదామానమధత్థాః పరాజితో భక్తదాసతాం ప్రథయన్ || ౫౭-౬ ||
ఏవం బహుషు విభూమన్ బాలేషు వహత్సు వాహ్యమానేషు |
రామవిజితః ప్రలంబో జహార తం దూరతో భవద్భీత్యా || ౫౭-౭ ||
త్వద్దూరం గమయన్తం తం దృష్ట్వా హలిని విహితగరిమభరే |
దైత్యః స్వరూపమాగాద్యద్రూపాత్స హి బలోఽపి చకితోఽభూత్ || ౫౭-౮ ||
ఉచ్చతయా దైత్యతనోస్త్వన్ముఖమాలోక్య దూరతో రామః |
విగతభయో దృఢముష్ట్యా భృశదుష్టం సపది పిష్టవానేనమ్ || ౫౭-౯ ||
హత్వా దానవవీరం ప్రాప్తం బలమాలిలిఙ్గిథ ప్రేమ్ణా |
తావన్మిలతోర్యువయోః శిరసి కృతా పుష్పవృష్టిరమరగణైః || ౫౭-౧౦ ||
ఆలంబో భువనానాం ప్రాలంబం నిధనమేవమారచయన్ |
కాలం విహాయ సద్యో లోలంబరుచే హరే హరేః క్లేశాన్ || ౫౭-౧౧ ||
ఇతి సప్తపఞ్చాశత్తమదశకం సమాప్తం
సంపూర్ణ శ్రీమన్నారాయణీయం (౧౦౦ దశకాలు) చూడండి.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
