Read in తెలుగు / ಕನ್ನಡ / தமிழ் / English (IAST)
ద్విచత్వారింశదశకమ్ (౪౨) – శకటాసురవధమ్ |
కదాపి జన్మర్క్షదినే తవ ప్రభో నిమన్త్రితజ్ఞాతివధూమహీసురా |
మహానసస్త్వాం సవిధే నిధాయ సా మహానసాదౌ వవృతే వ్రజేశ్వరీ || ౪౨-౧ ||
తతో భవత్త్రాణనియుక్తబాలక-ప్రభీతిసఙ్క్రన్దనసఙ్కులారవైః |
విమిశ్రమశ్రావి భవత్సమీపతః పరిస్ఫుటద్దారుచటచ్చటారవః || ౪౨-౨ ||
తతస్తదాకర్ణనసంభ్రమశ్రమ-ప్రకమ్పివక్షోజభరా వ్రజాఙ్గనాః |
భవన్తమన్తర్దదృశుః సమన్తతో వినిష్పతద్దారుణదారుమధ్యగమ్ || ౪౨-౩ ||
శిశోరహో కిం కిమభూదితి ద్రుతం ప్రధావ్య నన్దః పశుపాశ్చ భూసురాః |
భవన్తమాలోక్య యశోదయా ధృతం సమాశ్వసన్నశ్రుజలార్ద్రలోచనాః || ౪౨-౪ ||
కస్కో ను కౌతస్కుత ఏష విస్మయో విశఙ్కటం యచ్ఛకటం విపాటితమ్ |
న కారణం కిఞ్చిదిహేతి తే స్థితాః స్వనాసికాదత్తకరాస్త్వదీక్షకాః || ౪౨-౫ ||
కుమారకస్యాస్య పయోధరార్థినః ప్రరోదనే లోలపదాంబుజాహతమ్ |
మయా మయా దృష్టమనో విపర్యగాదితీశ తే పాలకబాలకా జగుః || ౪౨-౬ ||
భియా తదా కిఞ్చిదజానతామిదం కుమారకాణామతిదుర్ఘటం వచః |
భవత్ప్రభావావిదురైరితీరితం మనాగివాశఙ్క్యత దృష్టపూతనైః || ౪౨-౭ ||
ప్రవాలతామ్రం కిమిదం పదం క్షతం సరోజరమ్యౌ ను కరౌ విరోజితౌ |
ఇతి ప్రసర్పత్కరుణాతరఙ్గితా-స్త్వదఙ్గమాపస్పృశురఙ్గనాజనాః || ౪౨-౮ ||
అయే సుతం దేహి జగత్పతేః కృపాతరఙ్గపాతాత్పరిపాతమద్య మే |
ఇతి స్మ సఙ్గృహ్య పితా త్వదఙ్గకం ముహుర్ముహుః శ్లిష్యతి జాతకణ్టకః || ౪౨-౯ ||
అనోనిలీనః కిల హన్తుమాగతః సురారిరేవం భవతా విహింసితః |
రజోఽపి నో దృష్టమముష్య తత్కథం స శుద్ధసత్త్వే త్వయి లీనవాన్ధ్రువమ్ || ౪౨-౧౦ ||
ప్రపూజితైస్తత్ర తతో ద్విజాతిభిర్విశేషతో లంభితమఙ్గలాశిషః |
వ్రజం నిజైర్బాల్యరసైర్విమోహయన్మరుత్పురాధీశ రుజాం జహీహి మే || ౪౨-౧౧ ||
ఇతి ద్విచత్వారింశదశకం సమాప్తమ్ |
సంపూర్ణ శ్రీమన్నారాయణీయం (౧౦౦ దశకాలు) చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
