Read in తెలుగు / ಕನ್ನಡ / தமிழ் / देवनागरी / English (IAST)
|| rāvaṇamanyuśalyāviṣkāraḥ ||
atikāyaṁ hataṁ śrutvā lakṣmaṇēna mahaujasā |
udvēgamagamadrājā vacanaṁ cēdamabravīt || 1 ||
dhūmrākṣaḥ paramāmarṣī dhanvī śastrabhr̥tāṁ varaḥ |
akampanaḥ prahastaśca kumbhakarṇastathaiva ca || 2 ||
ētē mahābalā vīrā rākṣasā yuddhakāṅkṣiṇaḥ |
jētāraḥ parasainyānāṁ parairnityāparājitāḥ || 3 ||
nihatāstē mahāvīryā rāmēṇākliṣṭakarmaṇā |
rākṣasāḥ sumahākāyā nānāśastraviśāradāḥ || 4 ||
anyē ca bahavaḥ śūrā mahātmānō nipātitāḥ |
prakhyātabalavīryēṇa putrēṇēndrajitā mama || 5 ||
yau hi tau bhrātarau vīrau baddhau dattavaraiḥ śaraiḥ |
yanna śakyaṁ suraiḥ sarvairasurairvā mahābalaiḥ || 6 ||
mōktuṁ tadbandhanaṁ ghōraṁ yakṣagandharvakinnaraiḥ |
tanna jānē prabhāvairvā māyayā mōhanēna vā || 7 ||
śarabandhādvimuktau tau bhrātarau rāmalakṣmaṇau |
yē yōdhā nirgatāḥ śūrā rākṣasā mama śāsanāt || 8 ||
tē sarvē nihatā yuddhē vānaraiḥ sumahābalaiḥ |
taṁ na paśyāmyahaṁ yuddhē yō:’dya rāmaṁ salakṣmaṇam || 9 ||
śāsayētsabalaṁ vīraṁ sasugrīvavibhīṣaṇam |
ahō nu balavānrāmō mahadastrabalaṁ ca vai || 10 ||
yasya vikramamāsādya rākṣasā nidhanaṁ gatāḥ |
taṁ manyē rāghavaṁ vīraṁ nārāyaṇamanāmayam || 11 ||
tadbhayāddhi purī laṅkā pihitadvāratōraṇā |
apramattaiśca sarvatra guptai rakṣyā purī tviyam || 12 ||
aśōkavanikāyāṁ ca yatra sītā:’bhirakṣyatē |
niṣkrāmō vā pravēśō vā jñātavyaḥ sarvathaiva naḥ || 13 ||
yatra yatra bhavēdgulmastatra tatra punaḥ punaḥ |
sarvataścāpi tiṣṭhadhvaṁ svaiḥ svaiḥ parivr̥tā balaiḥ || 14 ||
draṣṭavyaṁ ca padaṁ tēṣāṁ vānarāṇāṁ niśācarāḥ |
pradōṣē vā:’rdharātrē vā pratyūṣē vā:’pi sarvataḥ || 15 ||
nāvajñā tatra kartavyā vānarēṣu kadācana |
dviṣatāṁ balamudyuktamāpatatkiṁ sthitaṁ sadā || 16 ||
tatastē rākṣasāḥ sarvē śrutvā laṅkādhipasya tat |
vacanaṁ sarvamātiṣṭhanyathāvattu mahābalāḥ || 17 ||
sa tānsarvānsamādiśya rāvaṇō rākṣasādhipaḥ |
manyuśalyaṁ vahandīnaḥ pravivēśa svamālayam || 18 ||
tataḥ sa sandīpitakōpavahniḥ
niśācarāṇāmadhipō mahābalaḥ |
tadēva putravyasanaṁ vicintayan
muhurmuhuścaiva tadā vyaniśvasat || 19 ||
ityārṣē śrīmadrāmāyaṇē vālmīkīyē ādikāvyē yuddhakāṇḍē dvisaptatitamaḥ sargaḥ || 72 ||
yuddhakāṇḍa trisaptatitamaḥ sargaḥ (73) >>
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē yuddhakāṇḍa for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
