Read in తెలుగు / ಕನ್ನಡ / தமிழ் / देवनागरी / English (IAST)
॥ ராவணமந்யுஶல்யாவிஷ்கார꞉ ॥
அதிகாயம் ஹதம் ஶ்ருத்வா லக்ஷ்மணேந மஹௌஜஸா ।
உத்³வேக³மக³மத்³ராஜா வசநம் சேத³மப்³ரவீத் ॥ 1 ॥
தூ⁴ம்ராக்ஷ꞉ பரமாமர்ஷீ த⁴ந்வீ ஶஸ்த்ரப்⁴ருதாம் வர꞉ ।
அகம்பந꞉ ப்ரஹஸ்தஶ்ச கும்ப⁴கர்ணஸ்ததை²வ ச ॥ 2 ॥
ஏதே மஹாப³லா வீரா ராக்ஷஸா யுத்³த⁴காங்க்ஷிண꞉ ।
ஜேதார꞉ பரஸைந்யாநாம் பரைர்நித்யாபராஜிதா꞉ ॥ 3 ॥
நிஹதாஸ்தே மஹாவீர்யா ராமேணாக்லிஷ்டகர்மணா ।
ராக்ஷஸா꞉ ஸுமஹாகாயா நாநாஶஸ்த்ரவிஶாரதா³꞉ ॥ 4 ॥
அந்யே ச ப³ஹவ꞉ ஶூரா மஹாத்மாநோ நிபாதிதா꞉ ।
ப்ரக்²யாதப³லவீர்யேண புத்ரேணேந்த்³ரஜிதா மம ॥ 5 ॥
யௌ ஹி தௌ ப்⁴ராதரௌ வீரௌ ப³த்³தௌ⁴ த³த்தவரை꞉ ஶரை꞉ ।
யந்ந ஶக்யம் ஸுரை꞉ ஸர்வைரஸுரைர்வா மஹாப³லை꞉ ॥ 6 ॥
மோக்தும் தத்³ப³ந்த⁴நம் கோ⁴ரம் யக்ஷக³ந்த⁴ர்வகிந்நரை꞉ ।
தந்ந ஜாநே ப்ரபா⁴வைர்வா மாயயா மோஹநேந வா ॥ 7 ॥
ஶரப³ந்தா⁴த்³விமுக்தௌ தௌ ப்⁴ராதரௌ ராமலக்ஷ்மணௌ ।
யே யோதா⁴ நிர்க³தா꞉ ஶூரா ராக்ஷஸா மம ஶாஸநாத் ॥ 8 ॥
தே ஸர்வே நிஹதா யுத்³தே⁴ வாநரை꞉ ஸுமஹாப³லை꞉ ।
தம் ந பஶ்யாம்யஹம் யுத்³தே⁴ யோ(அ)த்³ய ராமம் ஸலக்ஷ்மணம் ॥ 9 ॥
ஶாஸயேத்ஸப³லம் வீரம் ஸஸுக்³ரீவவிபீ⁴ஷணம் ।
அஹோ நு ப³லவாந்ராமோ மஹத³ஸ்த்ரப³லம் ச வை ॥ 10 ॥
யஸ்ய விக்ரமமாஸாத்³ய ராக்ஷஸா நித⁴நம் க³தா꞉ ।
தம் மந்யே ராக⁴வம் வீரம் நாராயணமநாமயம் ॥ 11 ॥
தத்³ப⁴யாத்³தி⁴ புரீ லங்கா பிஹிதத்³வாரதோரணா ।
அப்ரமத்தைஶ்ச ஸர்வத்ர கு³ப்தை ரக்ஷ்யா புரீ த்வியம் ॥ 12 ॥
அஶோகவநிகாயாம் ச யத்ர ஸீதா(அ)பி⁴ரக்ஷ்யதே ।
நிஷ்க்ராமோ வா ப்ரவேஶோ வா ஜ்ஞாதவ்ய꞉ ஸர்வதை²வ ந꞉ ॥ 13 ॥
யத்ர யத்ர ப⁴வேத்³கு³ள்மஸ்தத்ர தத்ர புந꞉ புந꞉ ।
ஸர்வதஶ்சாபி திஷ்ட²த்⁴வம் ஸ்வை꞉ ஸ்வை꞉ பரிவ்ருதா ப³லை꞉ ॥ 14 ॥
த்³ரஷ்டவ்யம் ச பத³ம் தேஷாம் வாநராணாம் நிஶாசரா꞉ ।
ப்ரதோ³ஷே வா(அ)ர்த⁴ராத்ரே வா ப்ரத்யூஷே வா(அ)பி ஸர்வத꞉ ॥ 15 ॥
நாவஜ்ஞா தத்ர கர்தவ்யா வாநரேஷு கதா³சந ।
த்³விஷதாம் ப³லமுத்³யுக்தமாபதத்கிம் ஸ்தி²தம் ஸதா³ ॥ 16 ॥
ததஸ்தே ராக்ஷஸா꞉ ஸர்வே ஶ்ருத்வா லங்காதி⁴பஸ்ய தத் ।
வசநம் ஸர்வமாதிஷ்ட²ந்யதா²வத்து மஹாப³லா꞉ ॥ 17 ॥
ஸ தாந்ஸர்வாந்ஸமாதி³ஶ்ய ராவணோ ராக்ஷஸாதி⁴ப꞉ ।
மந்யுஶல்யம் வஹந்தீ³ந꞉ ப்ரவிவேஶ ஸ்வமாலயம் ॥ 18 ॥
தத꞉ ஸ ஸந்தீ³பிதகோபவஹ்நி꞉
நிஶாசராணாமதி⁴போ மஹாப³ல꞉ ।
ததே³வ புத்ரவ்யஸநம் விசிந்தயந்
முஹுர்முஹுஶ்சைவ ததா³ வ்யநிஶ்வஸத் ॥ 19 ॥
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ த்³விஸப்ததிதம꞉ ஸர்க³꞉ ॥ 72 ॥
யுத்³த⁴காண்ட³ த்ரிஸப்ததிதம꞉ ஸர்க³꞉ (73) >>
ஸம்பூர்ண வால்மீகி ராமாயணே யுத்³த⁴காண்ட³ பார்க்க.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
