Yuddha Kanda Sarga 73 – யுத்³த⁴காண்ட³ த்ரிஸப்ததிதம꞉ ஸர்க³꞉ (73)


॥ இந்த்³ரஜிந்மாயாயுத்³த⁴ம் ॥

ததோ ஹதாந்ராக்ஷஸபுங்க³வாம்ஸ்தாந்
தே³வாந்தகாதி³த்ரிஶிரோதிகாயாந் ।
ரக்ஷோக³ணாஸ்தத்ர ஹதாவஶிஷ்டா-
-ஸ்தே ராவணாய த்வரிதம் ஶஶம்ஸு꞉ ॥ 1 ॥

ததோ ஹதாம்ஸ்தாந்ஸஹஸா நிஶம்ய
ராஜா முமோஹாஶ்ருபரிப்லுதாக்ஷ꞉ ।
புத்ரக்ஷயம் ப்⁴ராத்ருவத⁴ம் ச கோ⁴ரம்
விசிந்த்ய ராஜா விபுலம் ப்ரத³த்⁴யௌ ॥ 2 ॥

ததஸ்து ராஜாநமுதீ³க்ஷ்ய தீ³நம்
ஶோகார்ணவே ஸம்பரிபுப்லுவாநம் ।
ரத²ர்ஷபோ⁴ ராக்ஷஸராஜஸூநு-
-ஸ்தமிந்த்³ரஜித்³வாக்யமித³ம் ப³பா⁴ஷே ॥ 3 ॥

ந தாத மோஹம் ப்ரதிக³ந்துமர்ஹஸி
யத்ரேந்த்³ரஜிஜ்ஜீவதி ராக்ஷஸேந்த்³ர ।
நேந்த்³ராரிபா³ணாபி⁴ஹதோ ஹி கஶ்சித்
ப்ராணாந்ஸமர்த²꞉ ஸமரே(அ)பி⁴பாதும் ॥ 4 ॥

பஶ்யாத்³ய ராமம் ஸஹ லக்ஷ்மணேந
மத்³பா³ணநிர்பி⁴ந்நவிகீர்ணதே³ஹம் ।
க³தாயுஷம் பூ⁴மிதலே ஶயாநம்
ஶிதை꞉ ஶரைராசிதஸர்வகா³த்ரம் ॥ 5 ॥

இமாம் ப்ரதிஜ்ஞாம் ஶ்ருணு ஶக்ரஶத்ரோ꞉
ஸுநிஶ்சிதாம் பௌருஷதை³வயுக்தாம் ।
அத்³யைவ ராமம் ஸஹ லக்ஷ்மணேந
ஸந்தர்பயிஷ்யாமி ஶரைரமோகை⁴꞉ ॥ 6 ॥

அத்³யேந்த்³ரவைவஸ்வதவிஷ்ணுமித்ர
ஸாத்⁴யாஶ்விவைஶ்வாநரசந்த்³ரஸூர்யா꞉ ।
த்³ரக்ஷ்யந்து மே விக்ரமமப்ரமேயம்
விஷ்ணோரிவோக்³ரம் ப³லியஜ்ஞவாடே ॥ 7 ॥

ஸ ஏவமுக்த்வா த்ரித³ஶேந்த்³ரஶத்ரு-
-ராப்ருச்ச்²ய ராஜாநமதீ³நஸத்த்வ꞉ ।
ஸமாருரோஹாநிலதுல்யவேக³ம்
ரத²ம் க²ரஶ்ரேஷ்ட²ஸமாதி⁴யுக்தம் ॥ 8 ॥

தமாஸ்தா²ய மஹாதேஜா ரத²ம் ஹரிரதோ²பமம் ।
ஜகா³ம ஸஹஸா தத்ர யத்ர யுத்³த⁴மரிந்த³ம꞉ ॥ 9 ॥

தம் ப்ரஸ்தி²தம் மஹாத்மாநமநுஜக்³முர்மஹாப³லா꞉ ।
ஸம்ஹர்ஷமாணா ப³ஹவோ த⁴நுஷ்ப்ரவரபாணய꞉ ॥ 10 ॥

க³ஜஸ்கந்த⁴க³தா꞉ கேசித்கேசித்ப்ரவரவாஜிபி⁴꞉ ।
ப்ராஸமுத்³க³ரநிஸ்த்ரிம்ஶபரஶ்வத⁴க³தா³த⁴ரா꞉ ॥ 11 ॥

ஸ ஶங்க²நிநதை³꞉ பூர்ணைர்பே⁴ரீணாம் சாபி நி꞉ஸ்வநை꞉ ।
ஜகா³ம த்ரித³ஶேந்த்³ராரி꞉ ஸ்தூயமாநோ நிஶாசரை꞉ ॥ 12 ॥

ஸ ஶங்க²ஶஶிவர்ணேந ச²த்ரேண ரிபுஸூத³ந꞉ ।
ரராஜ ப்ரதிபூர்ணேந நப⁴ஶ்சாந்த்³ரமஸா யதா² ॥ 13 ॥

அவீஜ்யத ததோ வீரோ ஹைமைர்ஹேமவிபூ⁴ஷிதை꞉ ।
சாருசாமரமுக்²யைஶ்ச முக்²ய꞉ ஸர்வத⁴நுஷ்மதாம் ॥ 14 ॥

ததஸ்த்விந்த்³ரஜிதா லங்கா ஸூர்யப்ரதிமதேஜஸா ।
ரராஜாப்ரதிவீரேண த்³யௌரிவார்கேண பா⁴ஸ்வதா ॥ 15 ॥

ஸ ஸம்ப்ராப்ய மஹாதேஜா யுத்³த⁴பூ⁴மிமரிந்த³ம꞉ ।
ஸ்தா²பயாமாஸ ரக்ஷாம்ஸி ரத²ம் ப்ரதி ஸமந்தத꞉ ॥ 16 ॥

ததஸ்து ஹுதபோ⁴க்தாரம் ஹுதபு⁴க்ஸத்³ருஶப்ரப⁴꞉ ।
ஜுஹாவ ராக்ஷஸஶ்ரேஷ்டோ² மந்த்ரவத்³விதி⁴வத்ததா³ ॥ 17 ॥

ஸ ஹவிர்லாஜஸம்ஸ்காரைர்மால்யக³ந்த⁴புரஸ்க்ருதை꞉ ।
ஜுஹுவே பாவகம் தத்ர ராக்ஷஸேந்த்³ர꞉ ப்ரதாபவாந் ॥ 18 ॥

ஶஸ்த்ராணி ஶரபத்ராணி ஸமிதோ⁴(அ)த² விபீ⁴தகா꞉ ।
லோஹிதாநி ச வாஸாம்ஸி ஸ்ருவம் கார்ஷ்ணாயஸம் ததா² ॥ 19 ॥

ஸ தத்ராக்³நிம் ஸமாஸ்தீர்ய ஶரபத்ரை꞉ ஸதோமரை꞉ ।
சா²க³ஸ்ய க்ருஷ்ணவர்ணஸ்ய க³ளம் ஜக்³ராஹ ஜீவத꞉ ॥ 20 ॥

ஸக்ருதே³வ ஸமித்³த⁴ஸ்ய விதூ⁴மஸ்ய மஹார்சிஷ꞉ ।
ப³பூ⁴வுஸ்தாநி லிங்கா³நி விஜயம் யாந்யத³ர்ஶயந் ॥ 21 ॥

ப்ரத³க்ஷிணாவர்தஶிக²ஸ்தப்தகாஞ்சநபூ⁴ஷண꞉ ।
ஹவிஸ்தத்ப்ரதிஜக்³ராஹ பாவக꞉ ஸ்வயமாஸ்தி²த꞉ ॥ 22 ॥

ஸோ(அ)ஸ்த்ரமாஹாரயாமாஸ ப்³ராஹ்மமிந்த்³ரரிபுஸ்ததா³ ।
த⁴நுஶ்சாத்மரத²ம் சைவ ஸர்வம் தத்ராப்⁴யமந்த்ரயத் ॥ 23 ॥

தஸ்மிந்நாஹூயமாநே(அ)ஸ்த்ரே ஹூயமாநே ச பாவகே ।
ஸார்த⁴ம் க்³ரஹேந்து³நக்ஷத்ரைர்விதத்ராஸ நப⁴꞉ஸ்த²லம் ॥ 24 ॥

ஸ பாவகம் பாவகதீ³ப்ததேஜா
ஹுத்வா மஹேந்த்³ரப்ரதிமப்ரபா⁴வ꞉ ।
ஸசாபபா³ணாஸிரதா²ஶ்வஸூத꞉
கே²(அ)ந்தர்த³தே⁴த்மாநமசிந்த்யரூப꞉ ॥ 25 ॥

ததோ ஹயரதா²கீர்ணம் பதாகாத்⁴வஜஶோபி⁴தம் ।
நிர்யயௌ ராக்ஷஸப³லம் நர்த³மாநம் யுயுத்ஸயா ॥ 26 ॥

தே ஶரைர்ப³ஹுபி⁴ஶ்சித்ரைஸ்தீக்ஷ்ணவேகை³ரளங்க்ருதை꞉ ।
தோமரைரங்குஶைஶ்சாபி வாநராந்ஜக்⁴நுராஹவே ॥ 27 ॥

ராவணிஸ்து தத꞉ க்ருத்³த⁴ஸ்தாந்நிரீக்ஷ்ய நிஶாசராந் ।
ஹ்ருஷ்டா ப⁴வந்தோ யுத்⁴யந்து வாநராணாம் ஜிகா⁴ம்ஸயா ॥ 28 ॥

ததஸ்தே ராக்ஷஸா꞉ ஸர்வே நர்த³ந்தோ ஜயகாங்க்ஷிண꞉ ।
அப்⁴யவர்ஷம்ஸ்ததோ கோ⁴ராந்வாநராந் ஶரவ்ருஷ்டிபி⁴꞉ ॥ 29 ॥

ஸ து நாலீகநாராசைர்க³தா³பி⁴ர்முஸலைரபி ।
ரக்ஷோபி⁴꞉ ஸம்வ்ருத꞉ ஸங்க்²யே வாநராந்விசகர்த ஹ ॥ 30 ॥

தே வத்⁴யமாநா꞉ ஸமரே வாநரா꞉ பாத³பாயுதா⁴꞉ ।
அப்⁴யத்³ரவந்த ஸஹிதா ராவணிம் ரணகர்கஶம் ॥ 31 ॥

இந்த்³ரஜித்து தத꞉ க்ருத்³தோ⁴ மஹாதேஜா மஹாப³ல꞉ ।
வாநராணாம் ஶரீராணி வ்யத⁴மத்³ராவணாத்மஜ꞉ ॥ 32 ॥

ஶரேணைகேந ச ஹரீந்நவ பஞ்ச ச ஸப்த ச ।
சிச்சே²த³ ஸமரே க்ருத்³தோ⁴ ராக்ஷஸாந்ஸம்ப்ரஹர்ஷயந் ॥ 33 ॥

ஸ ஶரை꞉ ஸூர்யஸங்காஶை꞉ ஶாதகும்ப⁴விபூ⁴ஷிதை꞉ ।
வாநராந்ஸமரே வீர꞉ ப்ரமமாத² ஸுது³ர்ஜய꞉ ॥ 34 ॥

தே பி⁴ந்நகா³த்ரா꞉ ஸமரே வாநரா꞉ ஶரபீடி³தா꞉ ।
பேதுர்மதி²தஸங்கல்பா꞉ ஸுரைரிவ மஹாஸுரா꞉ ॥ 35 ॥

தம் தபந்தமிவாதி³த்யம் கோ⁴ரைர்பா³ணக³ப⁴ஸ்திபி⁴꞉ ।
அப்⁴யதா⁴வந்த ஸங்க்ருத்³தா⁴꞉ ஸம்யுகே³ வாநரர்ஷபா⁴꞉ ॥ 36 ॥

ததஸ்து வாநரா꞉ ஸர்வே பி⁴ந்நதே³ஹா விசேதஸ꞉ ।
வ்யதி²தா வித்³ரவந்தி ஸ்ம ருதி⁴ரேண ஸமுக்ஷிதா꞉ ॥ 37 ॥

ராமஸ்யார்தே² பராக்ரம்ய வாநராஸ்த்யக்தஜீவிதா꞉ ।
நர்த³ந்தஸ்தே(அ)பி⁴வ்ருத்தாஸ்து ஸமரே ஸஶிலாயுதா⁴꞉ ॥ 38 ॥

தே த்³ருமை꞉ பர்வதாக்³ரைஶ்ச ஶிலாபி⁴ஶ்ச ப்லவங்க³மா꞉ ।
அப்⁴யவர்ஷந்த ஸமரே ராவணிம் பர்யவஸ்தி²தா꞉ ॥ 39 ॥

தத்³த்³ருமாணாம் ஶிலாநாம் ச வர்ஷம் ப்ராணஹரம் மஹத் ।
வ்யபோஹத மஹாதேஜா ராவணி꞉ ஸமிதிஞ்ஜய꞉ ॥ 40 ॥

தத꞉ பாவகஸங்காஶை꞉ ஶரைராஶீவிஷோபமை꞉ ।
வாநராணாமநீகாநி பி³பே⁴த³ ஸமரே ப்ரபு⁴꞉ ॥ 41 ॥

அஷ்டாத³ஶஶரைஸ்தீக்ஷ்ணை꞉ ஸ வித்³த்⁴வா க³ந்த⁴மாத³நம் ।
விவ்யாத⁴ நவபி⁴ஶ்சைவ ளம் தூ³ராத³வஸ்தி²தம் ॥ 42 ॥

ஸப்தபி⁴ஸ்து மஹாவீர்யோ மைந்த³ம் மர்மவிதா³ரணை꞉ ।
பஞ்சபி⁴ர்விஶிகை²ஶ்சைவ க³ஜம் விவ்யாத⁴ ஸம்யுகே³ ॥ 43 ॥

ஜாம்ப³வந்தம் து த³ஶபி⁴ர்நீலம் த்ரிம்ஶத்³பி⁴ரேவ ச ।
ஸுக்³ரீவம்ருஷப⁴ம் சைவ ஸோ(அ)ங்க³த³ம் த்³விவித³ம் ததா² ॥ 44 ॥

கோ⁴ரைர்த³த்தவரைஸ்தீக்ஷ்ணைர்நிஷ்ப்ராணாநகரோத்ததா³ ।
அந்யாநபி ததா³ முக்²யாந்வாநராந்ப³ஹுபி⁴꞉ ஶரை꞉ ॥ 45 ॥

அர்த³யாமாஸ ஸங்க்ருத்³த⁴꞉ காலாக்³நிரிவ மூர்சி²த꞉ ।
ஸ ஶரை꞉ ஸூர்யஸங்காஶை꞉ ஸுமுக்தை꞉ ஶீக்⁴ரகா³மிபி⁴꞉ ॥ 46 ॥

வாநராணாமநீகாநி நிர்மமந்த² மஹாரணே ।
ஆகுலாம் வாநரீம் ஸேநாம் ஶரஜாலேந மோஹிதாம் ॥ 47 ॥

ஹ்ருஷ்ட꞉ ஸ பரயா ப்ரீத்யா த³த³ர்ஶ க்ஷதஜோக்ஷிதாம் ।
புநரேவ மஹாதேஜா ராக்ஷஸேந்த்³ராத்மஜோ ப³லீ ॥ 48 ॥

ஸம்ஸ்ருஜ்ய பா³ணவர்ஷம் ச ஶஸ்த்ரவர்ஷம் ச தா³ருணம் ।
மமர்த³ வாநராநீகமிந்த்³ரஜித்த்வரிதோ ப³லீ ॥ 49 ॥

ஸ்வஸைந்யமுத்ஸ்ருஜ்ய ஸமேத்ய தூர்ணம்
மஹாரணே வாநரவாஹிநீஷு ।
அத்³ருஶ்யமாந꞉ ஶரஜாலமுக்³ரம்
வவர்ஷ நீலாம்பு³த⁴ரோ யதா²(அ)ம்பு³ ॥ 50 ॥

தே ஶக்ரஜித்³பா³ணவிஶீர்ணதே³ஹா
மாயாஹதா விஸ்வரமுந்நத³ந்த꞉ ।
ரணே நிபேதுர்ஹரயோ(அ)த்³ரிகல்பா
யதே²ந்த்³ரவஜ்ராபி⁴ஹதா நகே³ந்த்³ரா꞉ ॥ 51 ॥

தே கேவலம் ஸந்த³த்³ருஶு꞉ ஶிதாக்³ராந்
பா³ணாந்ரணே வாநரவாஹிநீஷு ।
மாயாநிகூ³ட⁴ம் து ஸுரேந்த்³ரஶத்ரும்
ந சாவ்ருதம் ராக்ஷஸமப்⁴யபஶ்யந் ॥ 52 ॥

தத꞉ ஸ ரக்ஷோதி⁴பதிர்மஹாத்மா
ஸர்வே தி³ஶோ பா³ணக³ணை꞉ ஶிதாக்³ரை꞉ ।
ப்ரச்சா²த³யாமாஸ ரவிப்ரகாஶை꞉
விஷாத³யாமாஸ ச வாநரேந்த்³ராந் ॥ 53 ॥

ஸ ஶூலநிஸ்த்ரிம்ஶபரஶ்வதா⁴நி
வ்யாவித்⁴ய தீ³ப்தாநலஸந்நிபா⁴நி ।
ஸவிஸ்பு²லிங்கோ³ஜ்ஜ்வலபாவகாநி
வவர்ஷ தீவ்ரம் ப்லவகே³ந்த்³ரஸைந்யே ॥ 54 ॥

ததோ ஜ்வலநஸங்காஶை꞉ ஶரைர்வாநரயூத²பா꞉ ।
தாடி³தா꞉ ஶக்ரஜித்³பா³ணை꞉ ப்ரபு²ல்லா இவ கிம்ஶுகா꞉ ॥ 55 ॥

தே(அ)ந்யோந்யமபி⁴ஸர்பந்தோ நிநத³ந்தஶ்ச விஸ்வரம் ।
ராக்ஷஸேந்த்³ராஸ்த்ரநிர்பி⁴ந்நா நிபேதுர்வாநரர்ஷபா⁴꞉ ॥ 56 ॥

உதீ³க்ஷமாணா க³க³நம் கேசிந்நேத்ரேஷு தாடி³தா꞉ ।
ஶரைர்விவிஶுரந்யோந்யம் பேதுஶ்ச ஜக³தீதலே ॥ 57 ॥

ஹநுமந்தம் ச ஸுக்³ரீவமங்க³த³ம் க³ந்த⁴மாத³நம் ।
ஜாம்ப³வந்தம் ஸுஷேணம் ச வேக³த³ர்ஶிநமேவ ச ॥ 58 ॥

மைந்த³ம் ச த்³விவித³ம் நீலம் க³வாக்ஷம் க³ஜகோ³முகௌ² ।
கேஸரிம் ஹரிலோமாநம் வித்³யுத்³த³ம்ஷ்ட்ரம் ச வாநரம் ॥ 59 ॥

ஸூர்யாநநம் ஜ்யோதிமுக²ம் ததா² த³தி⁴முக²ம் ஹரிம் ।
பாவகாக்ஷம் ளம் சைவ குமுத³ம் சைவ வாநரம் ॥ 60 ॥

ப்ராஸை꞉ ஶூலை꞉ ஶிதைர்பா³ணைரிந்த்³ரஜிந்மந்த்ரஸம்ஹிதை꞉ ।
விவ்யாத⁴ ஹரிஶார்தூ³ளாந்ஸர்வாம்ஸ்தாந்ராக்ஷஸோத்தம꞉ ॥ 61 ॥

ஸ வை க³தா³பி⁴ர்ஹரியூத²முக்²யாந்
நிர்பி⁴த்³ய பா³ணைஸ்தபநீயபுங்கை²꞉ ।
வவர்ஷ ராமம் ஶரவ்ருஷ்டிஜாலை꞉
ஸலக்ஷ்மணம் பா⁴ஸ்கரரஶ்மிகல்பை꞉ ॥ 62 ॥

ஸ பா³ணவர்ஷைரபி⁴வர்ஷ்யமாணோ
தா⁴ராநிபாதாநிவ தாநசிந்த்ய ।
ஸமீக்ஷமாண꞉ பரமாத்³பு⁴தஶ்ரீ
ராமஸ்ததா³ லக்ஷ்மணமித்யுவாச ॥ 63 ॥

அஸௌ புநர்லக்ஷ்மண ராக்ஷஸேந்த்³ரோ
ப்³ரஹ்மாஸ்த்ரமாஶ்ரித்ய ஸுரேந்த்³ரஶத்ரு꞉ ।
நிபாதயித்வா ஹரிஸைந்யமுக்³ர-
-மஸ்மாந் ஶரைரர்த³யதி ப்ரஸக்த꞉ ॥ 64 ॥

ஸ்வயம்பு⁴வா த³த்தவரோ மஹாத்மா
க²மாஸ்தி²தோ(அ)ந்தர்ஹிதபீ⁴மகாய꞉ ।
கத²ம் நு ஶக்யோ யுதி⁴ நஷ்டதே³ஹோ
நிஹந்துமத்³யேந்த்³ரஜிது³த்³யதாஸ்த்ர꞉ ॥ 65 ॥

மந்யே ஸ்வயம்பூ⁴ர்ப⁴க³வாநசிந்த்யோ
யஸ்யைதத³ஸ்த்ரம் ப்ரப⁴வஶ்ச யோ(அ)ஸ்ய ।
பா³ணாவபாதாம்ஸ்த்வமிஹாத்³ய தீ⁴மந்
மயா ஸஹாவ்யக்³ரமநா꞉ ஸஹஸ்வ ॥ 66 ॥

ப்ரச்சா²த³யத்யேஷ ஹி ராக்ஷஸேந்த்³ர꞉
ஸர்வா தி³ஶ꞉ ஸாயகவ்ருஷ்டிஜாலை꞉ ।
ஏதச்ச ஸர்வம் பதிதாக்³ர்யஶூரம்
ந ப்⁴ராஜதே வாநரராஜஸைந்யம் ॥ 67 ॥

ஆவாம் து த்³ருஷ்ட்வா பதிதௌ விஸஞ்ஜ்ஞௌ
நிவ்ருத்தயுத்³தௌ⁴ க³தரோஷஹர்ஷௌ ।
த்⁴ருவம் ப்ரவேக்ஷ்யத்யமராரிவாஸ-
-மஸௌ ஸமாதா³ய ரணாக்³ரளக்ஷ்மீம் ॥ 68 ॥

ததஸ்து தாவிந்த்³ரஜித³ஸ்த்ரஜாலை꞉
ப³பூ⁴வதுஸ்தத்ர ததா² விஶஸ்தௌ ।
ஸ சாபி தௌ தத்ர வித³ர்ஶயித்வா
நநாத³ ஹர்ஷாத்³யுதி⁴ ராக்ஷஸேந்த்³ர꞉ ॥ 69 ॥

ஸ தத்ததா³ வாநரஸைந்யமேவம்
ராமம் ச ஸங்க்²யே ஸஹ லக்ஷ்மணேந ।
விஷாத³யித்வா ஸஹஸா விவேஶ
புரீம் த³ஶக்³ரீவபு⁴ஜாபி⁴கு³ப்தாம் ॥ 70 ॥

[* அதி⁴கபாட²꞉ –
ஸம்ஸ்தூயமாந꞉ ஸ து யாதுதா⁴நை꞉ ।
பித்ரே ச ஸர்வம் ஹ்ருஷிதோ(அ)ப்⁴யுவாச ॥
*]

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ த்ரிஸப்ததிதம꞉ ஸர்க³꞉ ॥ 73 ॥

யுத்³த⁴காண்ட³ சது꞉ஸப்ததிதம꞉ ஸர்க³꞉ (74) >>


ஸம்பூர்ண வால்மீகி ராமாயணே யுத்³த⁴காண்ட³ பார்க்க.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed