Vishnu Suktam – viṣṇu sūktam

ōṁ viṣṇō̲rnukáṁ vī̲ryā́ṇi̲ pravṓca̲ṁ yaḥ pārthívāni vima̲mē
rajāgṁ́si̲ yō askábhāya̲duttáragṁ sa̲dhastháṁ
vicakramā̲ṇastrē̲dhōrúgā̲yō viṣṇṓra̲rāṭámasi̲ viṣṇṑḥ
pr̥̲ṣṭhamási̲ viṣṇō̲ḥ śnaptrḕsthō̲ viṣṇō̲ssyūrási̲
viṣṇṑrdhru̲vamási vaiṣṇa̲vamási̲ viṣṇávē tvā ||

tadásya pri̲yama̲bhipāthṓ aśyām |
narō̲ yatrá dēva̲yavō̲ madánti |
u̲ru̲kra̲masya̲ sa hi bandhúri̲tthā |
viṣṇṑḥ pa̲dē pára̲mē madhva̲ uthsáḥ |
pratadviṣṇússtavatē vī̲ryā́ya |
mr̥̲gō na bhī̲maḥ kúca̲rō gíri̲ṣṭhāḥ |
yasyō̲ruṣú tri̲ṣu vi̲kramáṇēṣu |
adhíkṣi̲yanti̲ bhuvánāni̲ viśvā̀ |
pa̲rō mātráyā ta̲nuvā́ vr̥dhāna |
na tḗ mahi̲tvamanváśnuvanti ||

u̲bhē tḗ vidma̲ rajásī pr̥thi̲vyā viṣṇṓ dēva̲tvam |
pa̲ra̲masyá vithsē | vicákramē pr̥thi̲vīmē̲ṣa ē̲tām |
kṣētrā́ya̲ viṣṇu̲rmanúṣē daśa̲syan |
dhru̲vāsṓ asya kī̲rayō̲ janā́saḥ |
ū̲ru̲kṣi̲tigṁ su̲janímācakāra |
trirdē̲vaḥ pŕ̥thi̲vīmē̲ṣa ē̲tām |
vicákramē śa̲tarcásaṁ mahi̲tvā |
praviṣṇúrastu ta̲vasa̲stavī́yān |
tvē̲ṣagg-hyásya̲ sthavírasya̲ nāmá ||

atṑ dē̲vā ávantunō̲ yatō̲ viṣṇur̀vicakra̲mē |
pr̥̲thi̲vyāssa̲pta dhāmábhiḥ |
i̲daṁ viṣṇu̲rvicákramē trē̲dhā nidádhē pa̲dam |
samū́ḍhamasya pāgṁsu̲rē |
trīṇí pa̲dā vicákramē̲ viṣṇúrgō̲pā adā̀bhyaḥ |
tatō̲ dharmā́ṇi dhā̲rayań |
viṣṇō̲ḥ karmā́ṇi paśyata̲ yatṑ vra̲tāní paspa̲śē |
indrásya̲ yujya̲ssakhā̀ ||

tadviṣṇṑḥ para̲maṁ pa̲dagṁ sadā́ paśyanti sū̲rayáḥ |
di̲vīva̲ cakṣu̲rātátam |
tadviprā́sō vipa̲nyavṓ jāgr̥̲vāṁ sa̲ssamíndhatē |
viṣṇō̲ryatpára̲maṁ pa̲dam |
paryā̀ptyā̲ anántarāyāya̲ sarvástōmō:’ti
rā̲tra útta̲ma mahárbhavati̲ sarva̲syāptyai̲
sarvásya̲ jittyai̲ sarvámē̲va tēnā̀pnōti̲ sarváṁ jayati ||

ōṁ śānti̲ḥ śānti̲ḥ śāntíḥ ||

Facebook Comments

You may also like...

Leave a Reply

Your email address will not be published. Required fields are marked *

error: Not allowed
%d bloggers like this: