Read in తెలుగు / ಕನ್ನಡ / தமிழ் / देवनागरी / English (IAST)
cidaṁśaṁ vibhuṁ nirmalaṁ nirvikalpaṁ
nirīhaṁ nirākāramōṅkāragamyam |
guṇātītamavyaktamēkaṁ turīyaṁ
paraṁ brahma yaṁ vēda tasmai namastē || 1 ||
viśuddhaṁ śivaṁ śāntamādyantaśūnyaṁ
jagajjīvanaṁ jyōtirānandarūpam |
adigdēśakālavyavacchēdanīyaṁ
trayī vakti yaṁ vēda tasmai namastē || 2 ||
mahāyōgapīṭhē paribhrājamānē
dharaṇyāditattvātmakē śaktiyuktē |
guṇāhaskarē vahnibimbārdhamadhyē
samāsīnamōṅkarṇikē:’ṣṭākṣarābjē || 3 ||
samānōditānēkasūryēndukōṭi-
-prabhāpūratulyadyutiṁ durnirīkṣam |
na śītaṁ na cōṣṇaṁ suvarṇāvadāta-
-prasannaṁ sadānandasaṁvitsvarūpam || 4 ||
sunāsāpuṭaṁ sundarabhrūlalāṭaṁ
kirīṭōcitākuñcitasnigdhakēśam |
sphuratpuṇḍarīkābhirāmāyatākṣaṁ
samutphullaratnaprasūnāvataṁsam || 5 ||
lasatkuṇḍalāmr̥ṣṭagaṇḍasthalāntaṁ
japārāgacōrādharaṁ cāruhāsam |
alivyākulāmōdimandāramālaṁ
mahōrasphuratkaustubhōdārahāram || 6 ||
suratnāṅgadairanvitaṁ bāhudaṇḍai-
-ścaturbhiścalatkaṅkaṇālaṅkr̥tāgraiḥ |
udārōdarālaṅkr̥taṁ pītavastraṁ
padadvandvanirdhūtapadmābhirāmam || 7 ||
svabhaktēṣu sandarśitākāramēvaṁ
sadā bhāvayan sanniruddhēndriyāśvaḥ |
durāpaṁ narō yāti saṁsārapāraṁ
parasmai parēbhyō:’pi tasmai namastē || 8 ||
śriyā śātakumbhadyutisnigdhakāntyā
dharaṇyā ca dūrvādalaśyāmalāṅgyā |
kalatradvayēnāmunā tōṣitāya
trilōkīgr̥hasthāya viṣṇō namastē || 9 ||
śarīraṁ kalatraṁ sutaṁ bandhuvargaṁ
vayasyaṁ dhanaṁ sadma bhr̥tyaṁ bhuvaṁ ca |
samastaṁ parityajya hā kaṣṭamēkō
gamiṣyāmi duḥkhēna dūraṁ kilāham || 10 ||
jarēyaṁ piśācīva hā jīvatō mē
vasāmatti raktaṁ ca māṁsaṁ balaṁ ca |
ahō dēva sīdāmi dīnānukampin
kimadyāpi hanta tvayōdāsitavyam || 11 ||
kaphavyāhatōṣṇōlbaṇaśvāsavēga
-vyathāvisphuratsarvamarmāsthibandhām |
vicintyāhamantyāmasaṅkhyāmavasthāṁ
bibhēmi prabhō kiṁ karōmi prasīda || 12 ||
lapannacyutānanta gōvinda viṣṇō
murārē harē nātha nārāyaṇēti |
yathānusmariṣyāmi bhaktyā bhavantaṁ
tathā mē dayāśīla dēva prasīda || 13 ||
bhujaṅgaprayātaṁ paṭhēdyastu bhaktyā
samādhāya cittē bhavantaṁ murārē |
sa mōhaṁ vihāyāśu yuṣmat prasādāt
samāśritya yōgaṁ vrajatyacyutaṁ tvām || 14 ||
iti śrīmatparamahaṁsaparivrājakācāryasya śrīgōvindabhagavatpūjyapādaśiṣyasya śrīmacchaṅkarabhagavataḥ kr̥tau śrī viṣṇu bhujaṅga prayāta stōtraṁ sampūrṇam |
See more śrī viṣṇu stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
