Read in తెలుగు / ಕನ್ನಡ / தமிழ் / देवनागरी / English (IAST)
|| prahastapraśnaḥ ||
tamudvīkṣya mahābāhuḥ piṅgākṣaṁ purataḥ sthitam |
rōṣēṇa mahatāviṣṭō rāvaṇō lōkarāvaṇaḥ || 1 || [kōpēna]
śaṅkāhatātmā dadhyau sa kapīndraṁ tējasāvr̥tam |
kimēṣa bhagavānnandī bhavētsākṣādihāgataḥ || 2 ||
yēna śaptō:’smi kailāsē mayā sañcālitē purā |
sō:’yaṁ vānaramūrtiḥ syātkiṁsvidbāṇō:’pi vāsuraḥ || 3 ||
sa rājā rōṣatāmrākṣaḥ prahastaṁ mantrisattamam |
kālayuktamuvācēdaṁ vacō vipulamarthavat || 4 ||
durātmā pr̥cchyatāmēṣa kutaḥ kiṁ vāsya kāraṇam |
vanabhaṅgē ca kō:’syārthō rākṣasīnāṁ ca tarjanē || 5 ||
matpurīmapradhr̥ṣyāṁ vāgamanē kiṁ prayōjanam |
āyōdhanē vā kiṁ kāryaṁ pr̥cchyatāmēṣa durmatiḥ || 6 ||
rāvaṇasya vacaḥ śrutvā prahastō vākyamabravīt |
samāśvasihi bhadraṁ tē na bhīḥ kāryā tvayā kapē || 7 ||
yadi tāvattvamindrēṇa prēṣitō rāvaṇālayam |
tattvamākhyāhi mā bhūttē bhayaṁ vānara mōkṣyasē || 8 ||
yadi vaiśravaṇasya tvaṁ yamasya varuṇasya ca |
cārarūpamidaṁ kr̥tvā praviṣṭō naḥ purīmimām || 9 ||
viṣṇunā prēṣitō vāpi dūtō vijayakāṅkṣiṇā |
na hi tē vānaraṁ tējō rūpamātraṁ tu vānaram || 10 ||
tattvataḥ kathayasvādya tatō vānara mōkṣyasē |
anr̥taṁ vadataścāpi durlabhaṁ tava jīvitam || 11 ||
athavā yannimittaṁ tē pravēśō rāvaṇālayē |
ēvamuktō hariśrēṣṭhastadā rakṣōgaṇēśvaram || 12 ||
abravīnnāsmi śakrasya yamasya varuṇasya vā |
dhanadēna na mē sakhyaṁ viṣṇunā nāsmi cōditaḥ || 13 ||
jātirēva mama tvēṣā vānarō:’hamihāgataḥ |
darśanē rākṣasēndrasya durlabhē tadidaṁ mayā || 14 ||
vanaṁ rākṣasarājasya darśanārthē vināśitam |
tatastē rākṣasāḥ prāptā balinō yuddhakāṅkṣiṇaḥ || 15 ||
rakṣaṇārthaṁ tu dēhasya pratiyuddhā mayā raṇē |
astrapāśairna śakyō:’haṁ baddhuṁ dēvāsurairapi || 16 ||
pitāmahādēva varō mamāpyēṣōbhyupāgataḥ |
rājānaṁ draṣṭukāmēna mayāstramanuvartitam || 17 ||
vimuktō hyahamastrēṇa rākṣasaistvabhipīḍitaḥ |
kēnacidrājakāryēṇa samprāptō:’smi tavāntikam || 18 ||
dūtō:’hamiti vijñēyō rāghavasyāmitaujasaḥ |
śrūyatāṁ cāpi vacanaṁ mama pathyamidaṁ prabhō || 19 ||
ityārṣē śrīmadrāmāyaṇē vālmīkīyē ādikāvyē sundarakāṇḍē pañcāśaḥ sargaḥ || 50 ||
sundarakāṇḍa ēkapañcāśaḥ sargaḥ (51)>>
See Complete vālmīki sundarakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
