Read in తెలుగు / ಕನ್ನಡ / தமிழ் / देवनागरी / English (IAST)
|| kr̥cchragatasītōpamāḥ ||
tasminnēva tataḥ kālē rājaputrī tvaninditā |
rūpayauvanasampannaṁ bhūṣaṇōttamabhūṣitam || 1 ||
tatō dr̥ṣṭvaiva vaidēhī rāvaṇaṁ rākṣasādhipam |
prāvēpata varārōhā pravātē kadalī yathā || 2 ||
ācchādyōdaramūrubhyāṁ bāhubhyāṁ ca payōdharau |
upaviṣṭā viśālākṣī rudantī varavarṇinī || 3 ||
daśagrīvastu vaidēhīṁ rakṣitāṁ rākṣasīgaṇaiḥ |
dadarśa sītāṁ duḥkhārtāṁ nāvaṁ sannāmivārṇavē || 4 ||
asaṁvr̥tāyāmāsīnāṁ dharaṇyāṁ saṁśitavratām |
chinnāṁ prapatitāṁ bhūmau śākhāmiva vanaspatēḥ || 5 ||
malamaṇḍanacitrāṅgīṁ maṇḍanārhāmamaṇḍitām |
mr̥ṇālī paṅkadigdhēva vibhāti na vibhāti ca || 6 ||
samīpaṁ rājasiṁhasya rāmasya viditātmanaḥ |
saṅkalpahayasamyuktairyāntīmiva manōrathaiḥ || 7 ||
śuṣyantīṁ rudatīmēkāṁ dhyānaśōkaparāyaṇām |
duḥkhasyāntamapaśyantīṁ rāmāṁ rāmamanuvratām || 8 ||
vēṣṭamānāṁ tathā:’:’viṣṭāṁ pannagēndravadhūmiva |
dhūpyamānāṁ grahēṇēva rōhiṇīṁ dhūmakētunā || 9 ||
vr̥ttaśīlakulē jātāmācāravati dhārmikē |
punaḥ saṁskāramāpannāṁ jātāmiva ca duṣkulē || 10 ||
abhūtēnāpavādēna kīrtiṁ nipatitāmiva |
amnāyānāmayōgēna vidyāṁ praśithilāmiva || 11 ||
sannāmiva mahākīrtiṁ śraddhāmiva vimānitām |
prajñāmiva parikṣīṇāmāśāṁ pratihatāmiva || 12 || [pūjā]
āyatīmiva vidhvastāmājñāṁ pratihatāmiva |
dīptāmiva diśaṁ kālē pūjāmapahr̥tāmiva || 13 ||
padminīmiva vidhvastāṁ hataśūrāṁ camūmiva |
prabhāmiva tamōdhvastāmupakṣīṇāmivāpagām || 14 ||
vēdīmiva parāmr̥ṣṭāṁ śāntāmagniśikhāmiva |
paurṇamāsīmiva niśāṁ rāhugrastēndumaṇḍalām || 15 ||
utkr̥ṣṭaparṇakamalāṁ vitrāsitavihaṅgamām |
hastihastaparāmr̥ṣṭāmākulāṁ padminīmiva || 16 ||
patiśōkāturāṁ śuṣkāṁ nadīṁ visrāvitāmiva |
parayā mr̥jayā hīnāṁ kr̥ṣṇapakṣaniśāmiva || 17 ||
sukumārīṁ sujātāṅgīṁ ratnagarbhagr̥hōcitām |
tapyamānāmivōṣṇēna mr̥ṇālīmacirōddhr̥tām || 18 ||
gr̥hītāmālitāṁ stambhē yūthapēna vinākr̥tām |
niḥśvasantīṁ suduḥkhārtāṁ gajarājavadhūmiva || 19 ||
ēkayā dīrghayā vēṇyā śōbhamānāmayatnataḥ |
nīlayā nīradāpāyē vanarājyā mahīmiva || 20 ||
upavāsēna śōkēna dhyānēna ca bhayēna ca |
parikṣīṇāṁ kr̥śāṁ dīnāmalpāhārāṁ tapōdhanām || 21 ||
āyācamānāṁ duḥkhārtāṁ prāñjaliṁ dēvatāmiva |
bhāvēna raghumukhyasya daśagrīvaparābhavam || 22 ||
samīkṣamāṇāṁ rudatīmaninditāṁ
supakṣmatāmrāyataśuklalōcanām |
anuvratāṁ rāmamatīva maithilīṁ
pralōbhayāmāsa vadhāya rāvaṇaḥ || 23 ||
ityārṣē śrīmadrāmāyaṇē vālmīkīyē ādikāvyē sundarakāṇḍē ēkōnaviṁśaḥ sargaḥ || 19 ||
sundarakāṇḍa viṁśaḥ sargaḥ (20)>>
See Complete vālmīki sundarakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
