Read in తెలుగు / ಕನ್ನಡ / தமிழ் / देवनागरी / English (IAST)
vidyāraṇyamahāyōgī mahāvidyāprakāśakaḥ |
śrīvidyānagarōddhartā vidyāratnamahōdadhiḥ || 1 ||
rāmāyaṇamahāsaptakōṭimantraprakāśakaḥ |
śrīdēvīkaruṇāpūrṇaḥ paripūrṇamanōrathaḥ || 2 ||
virūpākṣamahākṣētrasvarṇavr̥ṣṭiprakalpakaḥ |
vēdatrayōllasadbhāṣyakartā tattvārthakōvidaḥ || 3 ||
bhagavatpādanirṇītasiddhāntasthāpanaprabhuḥ |
varṇāśramavyavasthātā nigamāgamasāravit || 4 ||
śrīmatkarṇāṭarājyaśrīsampatsiṁhāsanapradaḥ |
śrīmadbukkamahīpālarājyapaṭ-ṭābhiṣēkakr̥t || 5 ||
ācāryakr̥tabhāṣyādigranthavr̥ttiprakalpakaḥ |
sakalōpaniṣadbhāṣyadīpikādiprakāśakr̥t || 6 ||
sarvaśāstrārthatattvajñō mantraśāstrābdhimantharaḥ |
vidvanmaṇiśiraśślāghyabahugranthavidhāyakaḥ || 7 ||
sārasvatasamuddhartā sārāsāravicakṣaṇaḥ |
śrautasmārtasadācārasaṁsthāpanadhurandharaḥ || 8 ||
vēdaśāstrabahirbhūtadurmatāmbōdhiśōṣakaḥ |
durvādigarvadāvāgniḥ pratipakṣēbhakēsarī || 9 ||
yaśōjaivātr̥kajyōtsnāprakāśitadigantaraḥ |
aṣṭāṅgayōganiṣṇātassāṅkhyayōgaviśāradaḥ || 10 ||
rājādhirājasandōhapūjyamānapadāmbujaḥ |
mahāvaibhavasampanna audāryaśrīnivāsabhūḥ || 11 ||
tiryagāndōlikāmukhyasamastabirudārjakaḥ |
mahābhōgī mahāyōgī vairāgyaprathamāśrayaḥ || 12 ||
śrīmānparamahaṁsādisadguruḥ karuṇānidhiḥ |
tapaḥprabhāvanirdhūtadurvārakalivaibhavaḥ || 13 ||
nirantaraśivadhyānaśōṣitākhilakalmaṣaḥ |
nirjitārātiṣaḍvargō dāridryōnmūlanakṣamaḥ || 14 ||
jitēndriyassatyavādī satyasandhō dr̥ḍhavrataḥ |
śāntātmā sucaritrāḍhyassarvabhūtahitōtsukaḥ || 15 ||
kr̥takr̥tyō dharmaśīlō dāntō lōbhavivarjitaḥ |
mahābuddhirmahāvīryō mahātējā mahāmanāḥ || 16 ||
tapōrāśirjñānarāśiḥ kalyāṇaguṇavaridhiḥ |
nītiśāstrasamuddhartā prājñamauliśirōmaṇiḥ || 17 ||
śuddhasattvamayōdhīrō dēśakālavibhāgavit |
atīndriyajñānanidhirbhūtabhāvyarthakōvidaḥ || 18 ||
guṇatrayavibhāgajñassanyāsāśramadīkṣitaḥ |
jñānātmakaikadaṇḍāḍhyaḥ kausumbhavasanōjjvalaḥ || 19 ||
rudrākṣamālikādhārī bhasmōddhūlitadēhavān |
akṣamālālasaddhastastripuṇḍrāṅkitamastakaḥ || 20 ||
dharāsuratapassampatphalaṁ śubhamahōdayaḥ |
candramaulīśvaraśrīmatpādapadmārcanōtsukaḥ || 21 ||
śrīmacchaṅkarayōgīndracaraṇāsaktamānasaḥ |
ratnagarbhagaṇēśānaprapūjanaparāyaṇaḥ || 22 ||
śāradāmbādivyapīṭhasaparyātatparāśayaḥ |
avyājakaruṇāmūrtiḥ prajñānirjitagīṣpatiḥ || 23 ||
sujñānasatkr̥tajagallōkānandavidhāyakaḥ |
vāṇīvilāsabhavanaṁ brahmānandaikalōlupaḥ || 24 ||
nirmamō nirahaṅkārō nirālasyō nirākulaḥ |
niścintō nityasantuṣṭō niyatātmā nirāmayaḥ || 25 ||
gurubhūmaṇḍalācāryō gurupīṭhapratiṣṭhitaḥ |
sarvatantrasvatantraśca yantramantravicakṣaṇaḥ || 26 ||
śiṣṭēṣṭaphaladātā ca duṣṭanigrahadīkṣitaḥ |
pratijñātārthanirvōḍhā nigrahānugrahaprabhuḥ || 27 ||
jagatpūjyassadānandassākṣācchaṅkararūpabhr̥t |
mahālakṣmīmahāmantrapuraścaryāparāyaṇaḥ || 28 ||
vidyāraṇyamahāyōgi namnāmaṣṭōttaraṁ śatam |
yaḥ paṭhētsatataṁ sampatsārasvatanidhirbhavēt || 29 ||
iti śrīvidyāraṇyāṣṭōttaraśatanāmastōtram |
See more śrī guru stōtrāṇi for chanting.
గమనిక: శరన్నవరాత్రుల సందర్భంగా "శ్రీ లలితా స్తోత్రనిధి" మరియు "శ్రీ దుర్గా స్తోత్రనిధి" పుస్తకములు కొనుగోలుకు అందుబాటులో ఉన్నాయి.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
