Sri Venkateshwara Panchaka Stotram – śrī vēṅkaṭēśvara pañcaka stōtram

stōtranidhi → śrī vēṅkaṭēśvara stōtrāṇi → śrī vēṅkaṭēśvara pañcaka stōtram

śrīdharādhināyakaṁ śritāpavargadāyakaṁ
śrīgirīśamitramambujēkṣaṇaṁ vicakṣaṇam |
śrīnivāsamādidēvamakṣaraṁ parātparaṁ
nāgarāḍgirīśvaraṁ namāmi vēṅkaṭēśvaram || 1 ||

upēndraminduśēkharāravindajāmarēndrabr̥-
-ndārakādisēvyamānapādapaṅkajadvayam |
candrasūryalōcanaṁ mahēndranīlasannibham
nāgarāḍgirīśvaraṁ namāmi vēṅkaṭēśvaram || 2 ||

nandagōpanandanaṁ sanandanādivanditaṁ
kundakuṭmalāgradantamindirāmanōharam |
nandakāravindaśaṅkhacakraśārṅgasādhanaṁ
nāgarāḍgirīśvaraṁ namāmi vēṅkaṭēśvaram || 3 ||

nāgarājapālanaṁ bhōgināthaśāyinaṁ
nāgavairigāminaṁ nagāriśatrusūdanam |
nāgabhūṣaṇārcitaṁ sudarśanādyudāyudhaṁ
nāgarāḍgirīśvaraṁ namāmi vēṅkaṭēśvaram || 4 ||

tārahīraśāradābhratārakēśakīrti saṁ-
-vihārahāramādimadhyāntaśūnyamavyayam |
tārakāsurāṭavīkuṭhāramadvitīyakaṁ
nāgarāḍgirīśvaraṁ namāmi vēṅkaṭēśvaram || 5 ||

iti śrī vēṅkaṭēśvara pañcaka stōtram |

---

See more śrī vēṅkaṭēśvara stōtrāṇi for chanting.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

Share this:

• Tweet
• 

Like this:

Like Loading...

Related