Read in తెలుగు / ಕನ್ನಡ / தமிழ் / देवनागरी / English (IAST)
dēvi krōḍamukhi tvadaṅghrikamaladvandvānuraktātmanē
mahyaṁ druhyati yō mahēśi manasā kāyēna vācā naraḥ |
tasyāśu tvadayōgraniṣṭhurahalāghātaprabhūtavyathā-
-paryasyanmanasō bhavantu vapuṣaḥ prāṇāḥ prayāṇōnmukhāḥ || 1 ||
dēvi tvatpadapadmabhaktivibhavaprakṣīṇaduṣkarmaṇi
prādurbhūtanr̥śaṁsabhāvamalināṁ vr̥ttiṁ vidhattē mayi |
yō dēhī bhuvanē tadīyahr̥dayānnirgatvarairlōhitaiḥ
sadyaḥ pūrayasē karābjacaṣakaṁ vāñchāphalairmāmapi || 2 ||
caṇḍōttuṇḍavidīrṇadaṁṣṭrahr̥dayaprōdbhinnaraktacchaṭā
hālāpānamadāṭ-ṭahāsaninadāṭōpapratāpōtkaṭam |
mātarmatparipanthināmapahr̥taiḥ prāṇaistvadaṅghridvayaṁ
dhyānōddāmaravairbhavōdayavaśātsantarpayāmi kṣaṇāt || 3 ||
śyāmāṁ tāmarasānanāṅghrinayanāṁ sōmārdhacūḍāṁ jaga-
-ttrāṇavyagrahalāyudhāgramusalāṁ santrāsamudrāvatīm |
yē tvāṁ raktakapālinīṁ haravarārōhē varāhānanāṁ
bhāvaiḥ sandadhatē kathaṁ kṣaṇamapi prāṇanti tēṣāṁ dviṣaḥ || 4 ||
viśvādhīśvaravallabhē vijayasē yā tvaṁ niyantryātmikā
bhūtāntā puruṣāyuṣāvadhikarī pākapradākarmaṇām |
tvāṁ yācē bhavatīṁ kimapyavitathaṁ yō madvirōdhījana-
-stasyāyurmama vāñchitāvadhibhavēnmātastavaivājñayā || 5 ||
mātaḥ samyagupāsituṁ jaḍamatistvāṁ naiva śaknōmyahaṁ
yadyapyanvitadaiśikāṅghrikamalānukrōśapātrasya mē |
jantuḥ kaścana cintayatyakuśalaṁ yastasya tadvaiśasaṁ
bhūyāddēvi virōdhinō mama ca tē śrēyaḥ padāsaṅginaḥ || 6 ||
vārāhī vyathamānamānasagalatsaukhyaṁ tadāśābaliṁ
sīdantaṁ yamapākr̥tādhyavasitaṁ prāptākhilōtpāditam |
krandadbandhujanaiḥ kalaṅkitatulaṁ kaṇṭhavraṇōdyatkr̥mi
paśyāmi pratipakṣamāśu patitaṁ bhrāntaṁ luṭhantaṁ muhuḥ || 7 ||
vārāhī tvamaśēṣajantuṣu punaḥ prāṇātmikā spandasē
śaktivyāptacarācarā khalu yatastvāmētadabhyarthayē |
tvatpādāmbujasaṅginō mama sakr̥tpāpaṁ cikīrṣanti yē
tēṣāṁ mā kuru śaṅkarapriyatamē dēhāntarāvasthitim || 8 ||
iti śrīvārāhīnigrahāṣṭakam |
See more śrī vārāhī stōtrāṇi for chanting.
గమనిక: రాబోయే ధనుర్మాసం సందర్భంగా "శ్రీ కృష్ణ స్తోత్రనిధి" ముద్రించుటకు ఆలోచన చేయుచున్నాము. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
