Sri Varahi Anugraha Ashtakam – śrī vārāhyanugrahāṣṭakam


īśvara uvāca |
mātarjagadracananāṭakasūtradhāra-
-stvadrūpamākalayituṁ paramārthatō:’yam |
īśō:’pyamīśvarapadaṁ samupaiti tādr̥k
kō:’nyaḥ stavaṁ kimiva tāvakamādadhātu || 1 ||

nāmāni kintu gr̥ṇatastava lōkatuṇḍē
nāḍambaraṁ spr̥śati daṇḍadharasya daṇḍaḥ |
yallēśalambitabhavāmbunidhiryatō:’yat
tvannāmasaṁsmr̥tiriyaṁ na nunaḥ stutistē || 2 ||

tvaccintanādarasamullasadapramēyā-
-:’:’nandōdayātsamuditaḥ sphuṭarōmaharṣaḥ |
mātarnamāmi sudināni sadētyamuṁ tvā-
-mabhyarthayē:’rthamiti pūrayatāddayālō || 3 ||

indrēndumaulividhikēśavamauliratna-
-rōciścayōjjvalitapādasarōjayugmē |
cētō natau mama sadā pratibimbitā tvaṁ
bhūyā bhavāni bhavanāśini bhāvayē tvām || 4 ||

līlōddhr̥takṣititalasya varāhamūrtē-
-rvārāhamūrtirakhilārthakarī tvamēva |
prālēyaraśmisukalōllasitāvataṁsā
tvaṁ dēvi vāmatanubhāgaharā harasya || 5 ||

tvāmamba taptakanakōjjvalakāntimanta-
-ryē cintayanti yuvatītanu māgalāntām |
cakrāyudhāṁ trinayanāṁ varapōtr̥vaktrāṁ
tēṣāṁ padāmbujayugaṁ praṇamanti dēvāḥ || 6 ||

tvatsēvanaskhalitapāpacayasya māta-
-rmōkṣō:’pi yasya na satō gaṇanāmupaiti |
dēvāsurōraganr̥pūjitapādapīṭhaḥ
kasyāḥ śriyaḥ sa khalu bhājanatāṁ na dhattē || 7 ||

kiṁ duṣkaraṁ tvayi manōviṣayaṁ gatāyāṁ
kiṁ durlabhaṁ tvayi vidhānuvadarcitāyām |
kiṁ durbharaṁ tvayi sakr̥t smr̥timāgatāyāṁ
kiṁ durjayaṁ tvayi kr̥tastutivādapuṁsām || 8 ||

iti śrī vārāhyanugrahāṣṭakam |


See more śrī vārāhī stōtrāṇi for chanting.


గమనిక : "శ్రీ గాయత్రీ స్తోత్రనిధి" పారాయణ గ్రంథము ముద్రణ చేయుటకు ఆలోచన చేయుచున్నాము.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed