Read in తెలుగు / ಕನ್ನಡ / தமிழ் / देवनागरी / English (IAST)
r̥ṣaya ūcuḥ |
jitaṁ jitaṁ tē:’jita yajñabhāvanā
trayīṁ tanūṁ svāṁ paridhunvatē namaḥ |
yadrōmagartēṣu nililyuradhvarā-
-stasmai namaḥ kāraṇasūkarāya tē || 1 ||
rūpaṁ tavaitannanu duṣkr̥tātmanāṁ
durdarśanaṁ dēva yadadhvarātmakam |
chandāṁsi yasya tvaci barhirōma-
-svājyaṁ dr̥śi tvaṅghriṣu cāturhōtram || 2 ||
sruktuṇḍa āsīt sruva īśa nāsayō-
-riḍōdarē camasāḥ karṇarandhrē |
prāśitramāsyē grasanē grahāstu tē
yaccarvaṇaṁ tē bhagavannagnihōtram || 3 ||
dīkṣānujanmōpasadaḥ śirōdharaṁ
tvaṁ prāyaṇīyōdayanīyadaṁṣṭraḥ |
jihvā pravargyastava śīrṣakaṁ kratōḥ
sabhyāvasathyaṁ citayō:’savō hi tē || 4 ||
sōmastu rētaḥ savanānyavasthitiḥ
saṁsthāvibhēdāstava dēva dhātavaḥ |
satrāṇi sarvāṇi śarīrasandhi-
-stvaṁ sarvayajñakraturiṣṭibandhanaḥ || 5 ||
namō namastē:’khilamantradēvatā
dravyāya sarvakratavē kriyātmanē |
vairāgyabhaktyātmajayā:’nubhāvita
jñānāya vidyāguravē namō namaḥ || 6 ||
daṁṣṭrāgrakōṭyā bhagavaṁstvayā dhr̥tā
virājatē bhūdhara bhūḥ sabhūdharā |
yathā vanānniḥsaratō datā dhr̥tā
mataṅgajēndrasya sapatrapadminī || 7 ||
trayīmayaṁ rūpamidaṁ ca saukaraṁ
bhūmaṇḍalēnātha datā dhr̥tēna tē |
cakāsti śr̥ṅgōḍhaghanēna bhūyasā
kulācalēndrasya yathaiva vibhramaḥ || 8 ||
saṁsthāpayaināṁ jagatāṁ satasthuṣāṁ
lōkāya patnīmasi mātaraṁ pitā |
vidhēma cāsyai namasā saha tvayā
yasyāṁ svatējō:’gnimivāraṇāvadhāḥ || 9 ||
kaḥ śraddhadhītānyatamastava prabhō
rasāṁ gatāyā bhuva udvibarhaṇam |
na vismayō:’sau tvayi viśvavismayē
yō māyayēdaṁ sasr̥jē:’tivismayam || 10 ||
vidhunvatā vēdamayaṁ nijaṁ vapu-
-rjanastapaḥ satyanivāsinō vayam |
saṭāśikhōddhūtaśivāmbubindubhi-
-rvimr̥jyamānā bhr̥śamīśa pāvitāḥ || 11 ||
sa vai bata bhraṣṭamatistavaiṣa tē
yaḥ karmaṇāṁ pāramapārakarmaṇaḥ |
yadyōgamāyāguṇayōgamōhitaṁ
viśvaṁ samastaṁ bhagavan vidhēhi śam || 12 ||
iti śrīmadbhāgavatē mahāpurāṇē tr̥tīyaskandhē trayōdaśōdhyāyē śrī yajñavarāhamūrti stutiḥ |
See more śrī viṣṇu stōtrāṇi for chanting.
See more daśāvatāra stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
