Sri Yajna Varaha Stotram (Bhagavate) – ஶ்ரீ யஜ்ஞவராஹமூர்தி ஸ்துதி꞉ (பா⁴க³வதே)

ஸ்தோத்ரநிதி → த³ஶாவதார ஸ்தோத்திரங்கள் → ஶ்ரீ யஜ்ஞவராஹமூர்தி ஸ்துதி꞉ (பா⁴க³வதே)

ருஷய ஊசு꞉ ।
ஜிதம் ஜிதம் தே(அ)ஜித யஜ்ஞபா⁴வநா
த்ரயீம் தநூம் ஸ்வாம் பரிது⁴ந்வதே நம꞉ ।
யத்³ரோமக³ர்தேஷு நிலில்யுரத்⁴வரா-
-ஸ்தஸ்மை நம꞉ காரணஸூகராய தே ॥ 1 ॥

ரூபம் தவைதந்நநு து³ஷ்க்ருதாத்மநாம்
து³ர்த³ர்ஶநம் தே³வ யத³த்⁴வராத்மகம் ।
ச²ந்தா³ம்ஸி யஸ்ய த்வசி ப³ர்ஹிரோம-
-ஸ்வாஜ்யம் த்³ருஶி த்வங்க்⁴ரிஷு சாதுர்ஹோத்ரம் ॥ 2 ॥

ஸ்ருக்துண்ட³ ஆஸீத் ஸ்ருவ ஈஶ நாஸயோ-
-ரிடோ³த³ரே சமஸா꞉ கர்ணரந்த்⁴ரே ।
ப்ராஶித்ரமாஸ்யே க்³ரஸநே க்³ரஹாஸ்து தே
யச்சர்வணம் தே ப⁴க³வந்நக்³நிஹோத்ரம் ॥ 3 ॥

தீ³க்ஷாநுஜந்மோபஸத³꞉ ஶிரோத⁴ரம்
த்வம் ப்ராயணீயோத³யநீயத³ம்ஷ்ட்ர꞉ ।
ஜிஹ்வா ப்ரவர்க்³யஸ்தவ ஶீர்ஷகம் க்ரதோ꞉
ஸப்⁴யாவஸத்²யம் சிதயோ(அ)ஸவோ ஹி தே ॥ 4 ॥

ஸோமஸ்து ரேத꞉ ஸவநாந்யவஸ்தி²தி꞉
ஸம்ஸ்தா²விபே⁴தா³ஸ்தவ தே³வ தா⁴தவ꞉ ।
ஸத்ராணி ஸர்வாணி ஶரீரஸந்தி⁴-
-ஸ்த்வம் ஸர்வயஜ்ஞக்ரதுரிஷ்டிப³ந்த⁴ந꞉ ॥ 5 ॥

நமோ நமஸ்தே(அ)கி²லமந்த்ரதே³வதா
த்³ரவ்யாய ஸர்வக்ரதவே க்ரியாத்மநே ।
வைராக்³யப⁴க்த்யாத்மஜயா(அ)நுபா⁴வித
ஜ்ஞாநாய வித்³யாகு³ரவே நமோ நம꞉ ॥ 6 ॥

த³ம்ஷ்ட்ராக்³ரகோட்யா ப⁴க³வம்ஸ்த்வயா த்⁴ருதா
விராஜதே பூ⁴த⁴ர பூ⁴꞉ ஸபூ⁴த⁴ரா ।
யதா² வநாந்நி꞉ஸரதோ த³தா த்⁴ருதா
மதங்க³ஜேந்த்³ரஸ்ய ஸபத்ரபத்³மிநீ ॥ 7 ॥

த்ரயீமயம் ரூபமித³ம் ச ஸௌகரம்
பூ⁴மண்ட³லேநாத² த³தா த்⁴ருதேந தே ।
சகாஸ்தி ஶ்ருங்கோ³ட⁴க⁴நேந பூ⁴யஸா
குலாசலேந்த்³ரஸ்ய யதை²வ விப்⁴ரம꞉ ॥ 8 ॥

ஸம்ஸ்தா²பயைநாம் ஜக³தாம் ஸதஸ்து²ஷாம்
லோகாய பத்நீமஸி மாதரம் பிதா ।
விதே⁴ம சாஸ்யை நமஸா ஸஹ த்வயா
யஸ்யாம் ஸ்வதேஜோ(அ)க்³நிமிவாரணாவதா⁴꞉ ॥ 9 ॥

க꞉ ஶ்ரத்³த⁴தீ⁴தாந்யதமஸ்தவ ப்ரபோ⁴
ரஸாம் க³தாயா பு⁴வ உத்³விப³ர்ஹணம் ।
ந விஸ்மயோ(அ)ஸௌ த்வயி விஶ்வவிஸ்மயே
யோ மாயயேத³ம் ஸஸ்ருஜே(அ)திவிஸ்மயம் ॥ 10 ॥

விது⁴ந்வதா வேத³மயம் நிஜம் வபு-
-ர்ஜநஸ்தப꞉ ஸத்யநிவாஸிநோ வயம் ।
ஸடாஶிகோ²த்³தூ⁴தஶிவாம்பு³பி³ந்து³பி⁴-
-ர்விம்ருஜ்யமாநா ப்⁴ருஶமீஶ பாவிதா꞉ ॥ 11 ॥

ஸ வை ப³த ப்⁴ரஷ்டமதிஸ்தவைஷ தே
ய꞉ கர்மணாம் பாரமபாரகர்மண꞉ ।
யத்³யோக³மாயாகு³ணயோக³மோஹிதம்
விஶ்வம் ஸமஸ்தம் ப⁴க³வந் விதே⁴ஹி ஶம் ॥ 12 ॥

இதி ஶ்ரீமத்³பா⁴க³வதே மஹாபுராணே த்ருதீயஸ்கந்தே⁴ த்ரயோத³ஶோத்⁴யாயே ஶ்ரீ யஜ்ஞவராஹமூர்தி ஸ்துதி꞉ ।

---

மேலும் ஶ்ரீ விஷ்ணு ஸ்தோத்திரங்கள் பார்க்க.

---