Sri Skanda Shatkam – śrī skanda ṣaṭkam

stōtranidhi → śrī subrahmaṇya stōtrāṇi → śrī skanda ṣaṭkam

ṣaṇmukhaṁ pārvatīputraṁ krauñcaśailavimardanam |
dēvasēnāpatiṁ dēvaṁ skandaṁ vandē śivātmajam || 1 ||

tārakāsurahantāraṁ mayūrāsanasaṁsthitam |
śaktipāṇiṁ ca dēvēśaṁ skandaṁ vandē śivātmajam || 2 ||

viśvēśvarapriyaṁ dēvaṁ viśvēśvaratanūdbhavam |
kāmukaṁ kāmadaṁ kāntaṁ skandaṁ vandē śivātmajam || 3 ||

kumāraṁ muniśārdūlamānasānandagōcaram |
vallīkāntaṁ jagadyōniṁ skandaṁ vandē śivātmajam || 4 ||

pralayasthitikartāraṁ ādikartāramīśvaram |
bhaktapriyaṁ madōnmattaṁ skandaṁ vandē śivātmajam || 5 ||

viśākhaṁ sarvabhūtānāṁ svāminaṁ kr̥ttikāsutam |
sadābalaṁ jaṭādhāraṁ skandaṁ vandē śivātmajam || 6 ||

skandaṣaṭkaṁ stōtramidaṁ yaḥ paṭhēcchr̥ṇuyānnaraḥ |
vāñchitān labhatē sadyaścāntē skandapuraṁ vrajēt || 7 ||

iti śrīskandaṣaṭkam |

---

See more śrī subrahmaṇya stōtrāṇi for chanting.

Did you see any mistake/variation in the content above? Click here to report mistakes and corrections in Stotranidhi content.