Read in తెలుగు / ಕನ್ನಡ / தமிழ் / देवनागरी / English (IAST)
pūrvāṅgaṁ paśyatu ||
haridrā gaṇapati pūjā paśyatu ||
punaḥ saṅkalpam –
pūrvōkta ēvaṁ guṇa viśēṣaṇa viśiṣṭāyāṁ śubhatithau vaidikamārga pratiṣṭhāpakānāṁ jagadgurūṇāṁ śrīśaṅkarabhagavatpādapūjāṁ kariṣyē |
dhyānam –
śrutismr̥tipurāṇānāmālayaṁ karuṇālayam |
namāmi bhagavatpādaśaṅkaraṁ lōkaśaṅkaram ||
asmin bimbē śrīśaṅkarabhagavatpādaṁ dhyāyāmi |
āvāhanam –
yamāśritā girāṁ dēvī nandayatyātmasaṁśritān |
tamāśrayē śriyā juṣṭaṁ śaṅkaraṁ karuṇānidhim ||
śrīśaṅkarabhagavatpādamāvāhayāmi |
āsanam –
śrīguruṁ bhagavatpādaṁ śaraṇyaṁ bhaktavatsalam |
śivaṁ śivakaraṁ śuddhamapramēyaṁ namāmyaham ||
śrīśaṅkarabhagavatpādāya namaḥ āsanaṁ samarpayāmi |
pūrṇakumbhapradānam –
nityaṁ śuddhaṁ nirākāraṁ nirābhāsaṁ nirañjanam |
nityabōdhaṁ cidānandaṁ guruṁ brahma namāmyaham ||
śrīśaṅkarabhagavatpādāya namaḥ pūrṇakumbhaṁ samarpayāmi |
pādyam –
sarvatantrasvatantrāya sadātmādvaitarūpiṇē |
śrīmatē śaṅkarāryāya vēdāntaguravē namaḥ ||
śrīśaṅkarabhagavatpādāya namaḥ pādayōḥ pādyaṁ samarpayāmi |
arghyam –
vēdāntārthābhidhānēna sarvānugrahakāriṇam |
yatirūpadharaṁ vandē śaṅkaraṁ lōkaśaṅkaram ||
śrīśaṅkarabhagavatpādāya namaḥ hastayōḥ arghyaṁ samarpayāmi |
ācamanīyam –
saṁsārābdhiniṣaṇṇājñanikaraprōddidhīrṣayā |
kr̥tasaṁhananaṁ vandē bhagavatpādaśaṅkaram ||
śrīśaṅkarabhagavatpādāya namaḥ ācamanīyaṁ samarpayāmi |
snānam –
yatpādapaṅkajadhyānāt tōṭakādyā yatīśvarāḥ |
babhūvustādr̥śaṁ vandē śaṅkaraṁ ṣaṇmatēśvaram ||
śrīśaṅkarabhagavatpādāya namaḥ snāpayāmi |
snānānantaraṁ ācamanīyaṁ samarpayāmi |
vastram –
namaḥ śrīśaṅkarācāryaguravē śaṅkarātmanē |
śarīriṇāṁ śaṅkarāya śaṅkarajñānahētavē ||
śrīśaṅkarabhagavatpādāya namaḥ vastraṁ samarpayāmi |
upavītam –
haralīlāvatārāya śaṅkarāya varaujasē |
kaivalyakalanākalpataravē guravē namaḥ ||
śrīśaṅkarabhagavatpādāya namaḥ upavītaṁ samarpayāmi |
rudrākṣamālā (ābharaṇam) –
vicāryaṁ sarvavēdāntaiḥ sañcāryaṁ hr̥dayāmbujē |
pracāryaṁ sarvalōkēṣu ācāryaṁ śaṅkaraṁ bhajē ||
śrīśaṅkarabhagavatpādāya namaḥ rudrākṣamālāṁ samarpayāmi |
gandham –
yā:’nubhūtiḥ svayañjyōtirādityēśānavigrahā |
śaṅkarākhyā ca tannaumi surēśvaraguruṁ param ||
śrīśaṅkarabhagavatpādāya namaḥ gandha bhasmādikaṁ samarpayāmi |
daṇḍam –
ānandaghanamadvandaṁ nirvikāraṁ nirañjanam |
bhajē:’haṁ bhagavatpādaṁ bhajatāmabhayapradam ||
śrīśaṅkarabhagavatpādāya namaḥ daṇḍaṁ samarpayāmi |
akṣatān –
taṁ vandē śaṅkarācāryaṁ lōkatritayaśaṅkaram |
sattarkanakharōdgīrṇa vāvadūkamataṅgajam ||
śrīśaṅkarabhagavatpādāya namaḥ akṣatān samarpayāmi |
puṣpamālā –
namāmi śaṅkarācāryagurupādasarōruham |
yasya prasādānmūḍhō:’pi sarvajñō bhavati svayam ||
śrīśaṅkarabhagavatpādāya namaḥ puṣpamālāṁ samarpayāmi |
aṣṭōttaraśatanāma pūjā –
śrī śaṅkarabhagavatpāda aṣṭōttaraśatanāmāvalī paśyatu ||
dhūpam –
saṁsārasāgaraṁ ghōraṁ anantaklēśabhājanam |
tvāmēva śaraṇaṁ prāpya nistaranti manīṣiṇaḥ ||
śrīśaṅkarabhagavatpādāya namaḥ dhūpamāghrāpayāmi |
dīpam –
namastasmai bhagavatē śaṅkarācāryarūpiṇē |
yēna vēdāntavidyēyaṁ uddhr̥tā vēdasāgarāt ||
śrīśaṅkarabhagavatpādāya namaḥ dīpaṁ darśayāmi |
naivēdyam –
bhagavatpādapādābjapāṁsavaḥ santu santatam |
apārāsāra saṁsārasāgarōttāra sētavaḥ ||
śrīśaṅkarabhagavatpādāya namaḥ mahānaivēdyaṁ nivēdayāmi |
nivēdanānantaraṁ ācamanīyaṁ samarpayāmi |
hastaprakṣālana pādaprakṣālanādikaṁ samarpayāmi |
tāmbūlaṁ samarpayāmi |
nīrājanam –
ajñānatimirāndhasya jñānāñjanaśalākayā |
cakṣurunmīlitaṁ yēna tasmai śrīguravē namaḥ ||
śrīśaṅkarabhagavatpādāya namaḥ karpūranīrājanaṁ darśayāmi |
nīrājanānantaraṁ ācamanīyaṁ samarpayāmi |
pradakṣiṇa –
ācāryān bhagavatpādān ṣaṇmatasthāpakān hitān |
parahaṁsānnumō:’dvaitasthāpakān jagatō gurūn ||
śrīśaṅkarabhagavatpādāya namaḥ pradakṣiṇa namaskārān samarpayāmi |
prārthanā –
gururbrahmā gururviṣṇurgururdēvō mahēśvaraḥ |
gururēva paraṁ brahma tasmai śrīguravē namaḥ ||
akhaṇḍamaṇḍalākāraṁ vyāptaṁ yēna carācaram |
tatpadaṁ darśitaṁ yēna tasmai śrīguravē namaḥ ||
anēkajanma samprāpta karmabandha vidāhinē |
ātmajñāna pradānēna tasmai śrīguravē namaḥ ||
viśuddha vijñānaghanaṁ śucihārdaṁ tamōnudam |
dayāsindhuṁ lōkabandhuṁ śaṅkaraṁ naumi sadgurum ||
dēhabuddhyā tu dāsō:’smi jīvabuddhyā tvadaṁśakaḥ |
ātmabuddhyā tvamēvāhamiti mē niścitā matiḥ ||
ēkaḥ śākhī śaṅkarākhyaścaturdhā
sthānaṁ bhējē tāpaśāntyai janānām |
śiṣyaskandhaiḥ śiṣya śākhairmahadbhiḥ
jñānaṁ puṣpaṁ yatra mōkṣaḥ prasūtiḥ ||
gāmākramya padē:’dhikāñci nibiḍaṁ skandhaiścaturbhistathā
vyāvr̥ṇvan bhuvanāntaraṁ pariharaṁstāpaṁ samōhajvaram |
yaḥ śākhī dvijasaṁstutaḥ phalati tat svādyaṁ rasākhyaṁ phalaṁ
tasmai śaṅkarapādāya mahatē tanmaḥ trisandhyaṁ namaḥ ||
gurupādōdakaprāśanam –
avidyāmūlanāśāya janmakarmanivr̥ttayē |
jñānavairāgyasiddhyarthaṁ gurupādōdakaṁ śubham ||
gurupādōdakaṁ prāśayāmi |
samarpaṇam –
kāyēna vācā manasēndriyairvā
buddhyātmanā vā prakr̥tēḥ svabhāvāt |
karōmi yadyat sakalaṁ parasmai
nārāyaṇāyēti samarpayāmi ||
anayā pūjayā sarvadēvātmakaḥ bhagavān śrījagadguruḥ prīyatām ||
ōṁ tat sat ||
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
