Sri Saraswati Kavacham – śrī sarasvatī kavacam

(brahmavaivarta mahāpurāṇāntargatam)

bhr̥guruvāca |
brahmanbrahmavidāṁśrēṣṭha brahmajñānaviśārada |
sarvajña sarvajanaka sarvapūjakapūjita || 1

sarasvatyāśca kavacaṁ brūhi viśvajayaṁ prabhō |
ayātayāmamantrāṇāṁ samūhō yatra samyutaḥ || 2

brahmōvāca |
śr̥ṇu vatsa pravakṣyāmi kavacaṁ sarvakāmadam |
śrutisāraṁ śrutisukhaṁ śrutyuktaṁ śrutipūjitam || 3

uktaṁ kr̥ṣṇēna gōlōkē mahyaṁ vr̥ndāvanē vanē |
rāsēśvarēṇa vibhunā rāsē vai rāsamaṇḍalē || 4

atīva gōpanīyañca kalpavr̥kṣasamaṁ param |
aśrutādbhutamantrāṇāṁ samūhaiśca samanvitam || 5

yaddhr̥tvā paṭhanādbrahmanbuddhimāṁśca br̥haspatiḥ |
yaddhr̥tvā bhagavāñchukraḥ sarvadaityēṣu pūjitaḥ || 6

paṭhanāddhāraṇādvāgmī kavīndrō vālmikī muniḥ |
svāyambhuvō manuścaiva yaddhr̥tvā sarvapūjitāḥ || 7

kaṇādō gautamaḥ kaṇvaḥ pāṇiniḥ śākaṭāyanaḥ |
granthaṁ cakāra yaddhr̥tvā dakṣaḥ kātyāyanaḥ svayam || 8

dhr̥tvā vēdavibhāgañca purāṇānyakhilāni ca |
cakāra līlāmātrēṇa kr̥ṣṇadvaipāyanaḥ svayam || 9

śātātapaśca saṁvartō vasiṣṭhaśca parāśaraḥ |
yaddhr̥tvā paṭhanādgranthaṁ yājñavalkyaścakāra saḥ || 10

r̥ṣyaśr̥ṅgō bharadvājaścāstīkō dēvalastathā |
jaigīṣavyō:’tha jābāliryaddhr̥tvā sarvapūjitaḥ || 11

kavacasyāsya viprēndra r̥ṣirēṣa prajāpatiḥ |
svayaṁ br̥haspatiśchandō dēvō rāsēśvaraḥ prabhuḥ || 12

sarvatattvaparijñānē sarvārthē:’pi ca sādhanē |
kavitāsu ca sarvāsu viniyōgaḥ prakīrtitaḥ || 13

( kavacaṁ )
ōṁ hrīṁ sarasvatyai svāhā śirō mē pātu sarvataḥ |
śrīṁ vāgdēvatāyai svāhā bhālaṁ mē sarvadā:’vatu || 14

ōṁ sarasvatyai svāhēti śrōtraṁ pātu nirantaram |
ōṁ śrīṁ hrīṁ bhāratyai svāhā nētrayugmaṁ sadā:’vatu || 15

ōṁ hrīṁ vāgvādinyai svāhā nāsāṁ mē sarvatō:’vatu |
hrīṁ vidyādhiṣṭhātr̥dēvyai svāhā śrōtraṁ sadā:’vatu || 16

ōṁ śrīṁ hrīṁ brāhmyai svāhēti dantapaṅktīḥ sadā:’vatu |
aimityēkākṣarō mantrō mama kaṇṭhaṁ sadā:’vatu || 17

ōṁ śrīṁ hrīṁ pātu mē grīvāṁ skandhaṁ mē śrīṁ sadā:’vatu |
śrīṁ vidyādhiṣṭhātr̥dēvyai svāhā vakṣaḥ sadā:’vatu || 18

ōṁ hrīṁ vidyāsvarūpāyai svāhā mē pātu nābhikām |
ōṁ hrīṁ hrīṁ vāṇyai svāhēti mama pr̥ṣṭhaṁ sadā:’vatu || 19

ōṁ sarvavarṇātmikāyai pādayugmaṁ sadā:’vatu |
ōṁ rāgādhiṣṭhātr̥dēvyai sarvāṅgaṁ mē sadā:’vatu || 20

ōṁ sarvakaṇṭhavāsinyai svāhā pracyāṁ sadā:’vatu |
ōṁ hrīṁ jihvāgravāsinyai svāhā:’gnidiśi rakṣatu || 21

ōṁ aiṁ hrīṁ śrīṁ sarasvatyai budhajananyai svāhā |
satataṁ mantrarājō:’yaṁ dakṣiṇē māṁ sadā:’vatu || 22

ōṁ hrīṁ śrīṁ tryakṣarō mantrō nairr̥tyāṁ mē sadā:’vatu |
kavijihvāgravāsinyai svāhā māṁ vāruṇē:’vatu || 23

ōṁ sadambikāyai svāhā vāyavyē māṁ sadā:’vatu |
ōṁ gadyapadyavāsinyai svāhā māmuttarē:’vatu || 24

ōṁ sarvaśāstravāsinyai svāhaiśānyāṁ sadā:’vatu |
ōṁ hrīṁ sarvapūjitāyai svāhā cōrdhvaṁ sadā:’vatu || 25

aiṁ hrīṁ pustakavāsinyai svāhā:’dhō māṁ sadā:’vatu |
ōṁ granthabījarūpāyai svāhā māṁ sarvatō:’vatu || 26

iti tē kathitaṁ vipra sarvamantraughavigraham |
idaṁ viśvajayaṁ nāma kavacaṁ brahmārūpakam || 27

purā śrutaṁ dharmavaktrātparvatē gandhamādanē |
tava snēhānmayā:’:’khyātaṁ pravaktavyaṁ na kasyacit || 28

gurumabhyarcya vidhivadvastrālaṅkāracandanaiḥ |
praṇamya daṇḍavadbhūmau kavacaṁ dhārayētsudhīḥ || 29

pañcalakṣajapēnaiva siddhaṁ tu kavacaṁ bhavēt |
yadi syātsiddhakavacō br̥haspati samō bhavēt || 30

mahāvāgmī kavīndraśca trailōkyavijayī bhavēt |
śaknōti sarvaṁ jētuṁ sa kavacasya prabhāvataḥ || 31

idaṁ tē kāṇvaśākhōktaṁ kathitaṁ kavacaṁ munē |
stōtraṁ pūjāvidhānaṁ ca dhyānam vai vandanaṁ tathā || 32

iti śrī brahmavaivartē mahāpurāṇē prakr̥tikhaṇḍē nāradanārāyaṇasaṁvādē sarasvatīkavacaṁ nāma caturthō:’dhyāyaḥ || 4 ||


See more śrī sarasvatī stōtrāṇi for chanting.

గమనిక: శ్రీరామచంద్రమూర్తి మరియు ఆంజనేయస్వామి వార్ల స్తోత్రములతో "శ్రీరామ స్తోత్రనిధి" అనే పుస్తకము ప్రచురించుటకు ఆలోచన చేయుచున్నాము. సహకరించగలరు.

Facebook Comments

You may also like...

2 Responses

  1. Sarada Pachalla says:

    Dear Sir/ Madam,

    I live in California, USA. How can I get a pdf of this Saraswati Kavacham in English please?

    Thanks & regards,
    Sarada

  2. Stotra Nidhi says:

    Please use Stotranidhi mobile app for offline reading.

Leave a Reply

Your email address will not be published.

error: Not allowed
%d bloggers like this: