Read in తెలుగు / ಕನ್ನಡ / தமிழ் / देवनागरी / English (IAST)
(Note: This stotra is printed in prabhāta stōtranidhi (IAST) book. Click here to buy.)
śrī kr̥ṣṇa uvāca |
sulabhō bhaktiyuktānāṁ durdarśō duṣṭacētasām |
ananyagatikānāṁ ca prabhurbhaktaikavatsalaḥ || 1
śanaiścarastatra nr̥siṁhadēva
stutiṁ cakārāmala cittavr̥tiḥ |
praṇamya sāṣṭāṅgamaśēṣalōka
kirīṭa nīrājita pādapadmam || 2 ||
śrī śaniruvāca |
yatpādapaṅkajarajaḥ paramādarēṇa
saṁsēvitaṁ sakalakalmaṣarāśināśam |
kalyāṇakārakamaśēṣanijānugānāṁ
sa tvaṁ nr̥siṁha mayi dēhi kr̥pāvalōkam || 3 ||
sarvatra cañcalatayā sthitayā hi lakṣmyā
brahmādivandyapadayā sthirayānyasēvī |
pādāravindayugalaṁ paramādarēṇa
sa tvaṁ nr̥siṁha mayi dēhi kr̥pāvalōkam || 4 ||
yadrūpamāgamaśiraḥ pratipādyamādyaṁ
ādhyātmikādi paritāpaharaṁ vicintyam |
yōgīśvarairapagatā:’khiladōṣasaṅghaiḥ
sa tvaṁ nr̥siṁha mayi dēhi kr̥pāvalōkam || 5 ||
prahlādabhaktavacasā harirāvirāsīt
stambhē hiraṇyakaśipuṁ ya udārabhāvaḥ |
ūrvō nidhāya udaraṁ nakharairdadāra
sa tvaṁ nr̥siṁha mayi dēhi kr̥pāvalōkam || 6 ||
yō naijabhaktamanalāmbudhi bhūdharōgra-
-śr̥ṅgaprapāta viṣadantasarīsr̥pēbhyaḥ |
sarvātmakaḥ paramakāruṇikō rarakṣa
sa tvaṁ nr̥siṁha mayi dēhi kr̥pāvalōkam || 7 ||
yannirvikāra pararūpa vicintanēna
yōgīśvarā viṣayavīta samastarāgāḥ |
viśrāntimāpura vināśavatīṁ parākhyāṁ
sa tvaṁ nr̥siṁha mayi dēhi kr̥pāvalōkam || 8 ||
yadrūpamugramarimardana bhāvaśālī
sañcintanēna sakalābhavabhītihārī | [aghavināśakāri]
bhūta jvara graha samudbhava bhītināśaṁ
sa tvaṁ nr̥siṁha mayi dēhi kr̥pāvalōkam || 9 ||
yasyōttamaṁ yaśa umāpatimagrajanma
śakrādi daivata sabhāsu samastagītam |
śrutvaika sarvaśamalapraśamēkadakṣaṁ [śaktyaiva]
sa tvaṁ nr̥siṁha mayi dēhi kr̥pāvalōkam || 10 ||
śrīkr̥ṣṇa uvāca |
itthaṁ śrutvā stutiṁ dēvaḥ śaninā kalpitāṁ hariḥ |
uvāca brahma vr̥ndasthaṁ śaniṁ taṁ bhaktavatsalaḥ || 11 ||
śrīnr̥siṁha uvāca |
prasannō:’haṁ śanē tubhyaṁ varaṁ varaya śōbhanam |
yaṁ vāñchasi tamēva tvaṁ sarvalōka hitāvaham || 12 ||
śrī śaniruvāca |
nr̥siṁha tvaṁ mayi kr̥pāṁ kuru dēva dayānidhē |
madvāsarastava prītikaraḥ syāddēvatāpatē || 13 ||
matkr̥taṁ tvatparaṁ stōtraṁ śr̥ṇvanti ca paṭhanti ca |
sarvān kāman pūrayēthāḥ tēṣāṁ tvaṁ lōkabhāvana || 14 ||
śrī nr̥siṁha uvāca |
tathaivāstu śanē:’haṁ vai rakṣō bhuvanasaṁsthitaḥ |
bhakta kāmān pūrayiṣyē tvaṁ mamaikaṁ vacaḥ śr̥ṇu || 15 ||
tvatkr̥taṁ matparaṁ stōtraṁ yaḥ paṭhēcchr̥ṇuyācca yaḥ |
dvādaśāṣṭama janmasthāt tvadbhayaṁ māstu tasya vai || 16 ||
śanirnarahariṁ dēvaṁ tathēti pratyuvāca ha |
tataḥ paramasantuṣṭō jayēti munayōvadan || 17 ||
śrī kr̥ṣṇa uvāca |
idaṁ śanaiścarasyātha nr̥siṁha dēva
saṁvādamētat stavanaṁ ca mānavaḥ |
śr̥ṇōti yaḥ śrāvayatē ca bhaktyā
sarvāṇyabhīṣṭāni ca vindatē dhruvam || 18 ||
iti śrī bhaviṣyōttarapurāṇē śrī śanaiścara kr̥ta śrī nr̥siṁha stutiḥ |
Note: The stotra given above is printed in this book.
prabhāta stōtranidhi
( shloka book )
See more śrī nr̥siṁha stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
