Shani Krutha Sri Narasimha Stuti – ஶ்ரீ ந்ருஸிம்ஹ ஸ்துதி (ஶநைஶ்சர க்ருதம்)


ஶ்ரீ க்ருஷ்ண உவாச ।
ஸுலபோ⁴ ப⁴க்தியுக்தாநாம் து³ர்த³ர்ஶோ து³ஷ்டசேதஸாம் ।
அநந்யக³திகாநாம் ச ப்ரபு⁴ர்ப⁴க்தைகவத்ஸல꞉ ॥ 1

ஶநைஶ்சரஸ்தத்ர ந்ருஸிம்ஹதே³வ
ஸ்துதிம் சகாராமல சித்தவ்ருதி꞉ ।
ப்ரணம்ய ஸாஷ்டாங்க³மஶேஷலோக
கிரீட நீராஜித பாத³பத்³மம் ॥ 2 ॥

ஶ்ரீ ஶநிருவாச ।
யத்பாத³பங்கஜரஜ꞉ பரமாத³ரேண
ஸம்ஸேவிதம் ஸகலகல்மஷராஶிநாஶம் ।
கல்யாணகாரகமஶேஷநிஜாநுகா³நாம்
ஸ த்வம் ந்ருஸிம்ஹ மயி தே³ஹி க்ருபாவளோகம் ॥ 3 ॥

ஸர்வத்ர சஞ்சலதயா ஸ்தி²தயா ஹி லக்ஷ்ம்யா
ப்³ரஹ்மாதி³வந்த்³யபத³யா ஸ்தி²ரயாந்யஸேவீ ।
பாதா³ரவிந்த³யுக³ளம் பரமாத³ரேண
ஸ த்வம் ந்ருஸிம்ஹ மயி தே³ஹி க்ருபாவளோகம் ॥ 4 ॥

யத்³ரூபமாக³மஶிர꞉ ப்ரதிபாத்³யமாத்³யம்
ஆத்⁴யாத்மிகாதி³ பரிதாபஹரம் விசிந்த்யம் ।
யோகீ³ஶ்வரைரபக³தா(அ)கி²லதோ³ஷஸங்கை⁴꞉
ஸ த்வம் ந்ருஸிம்ஹ மயி தே³ஹி க்ருபாவளோகம் ॥ 5 ॥

ப்ரஹ்லாத³ப⁴க்தவசஸா ஹரிராவிராஸீத்
ஸ்தம்பே⁴ ஹிரண்யகஶிபும் ய உதா³ரபா⁴வ꞉ ।
ஊர்வோ நிதா⁴ய உத³ரம் நக²ரைர்த³தா³ர
ஸ த்வம் ந்ருஸிம்ஹ மயி தே³ஹி க்ருபாவளோகம் ॥ 6 ॥

யோ நைஜப⁴க்தமநலாம்பு³தி⁴ பூ⁴த⁴ரோக்³ர-
-ஶ்ருங்க³ப்ரபாத விஷத³ந்தஸரீஸ்ருபேப்⁴ய꞉ ।
ஸர்வாத்மக꞉ பரமகாருணிகோ ரரக்ஷ
ஸ த்வம் ந்ருஸிம்ஹ மயி தே³ஹி க்ருபாவளோகம் ॥ 7 ॥

யந்நிர்விகார பரரூப விசிந்தநேந
யோகீ³ஶ்வரா விஷயவீத ஸமஸ்தராகா³꞉ ।
விஶ்ராந்திமாபுர விநாஶவதீம் பராக்²யாம்
ஸ த்வம் ந்ருஸிம்ஹ மயி தே³ஹி க்ருபாவளோகம் ॥ 8 ॥

யத்³ரூபமுக்³ரமரிமர்த³ந பா⁴வஶாலீ
ஸஞ்சிந்தநேந ஸகலாப⁴வபீ⁴திஹாரீ । [அக⁴விநாஶகாரி]
பூ⁴த ஜ்வர க்³ரஹ ஸமுத்³ப⁴வ பீ⁴திநாஶம்
ஸ த்வம் ந்ருஸிம்ஹ மயி தே³ஹி க்ருபாவளோகம் ॥ 9 ॥

யஸ்யோத்தமம் யஶ உமாபதிமக்³ரஜந்ம
ஶக்ராதி³ தை³வத ஸபா⁴ஸு ஸமஸ்தகீ³தம் ।
ஶ்ருத்வைக ஸர்வஶமலப்ரஶமேகத³க்ஷம் [ஶக்த்யைவ]
ஸ த்வம் ந்ருஸிம்ஹ மயி தே³ஹி க்ருபாவளோகம் ॥ 10 ॥

ஶ்ரீக்ருஷ்ண உவாச ।
இத்த²ம் ஶ்ருத்வா ஸ்துதிம் தே³வ꞉ ஶநிநா கல்பிதாம் ஹரி꞉ ।
உவாச ப்³ரஹ்ம வ்ருந்த³ஸ்த²ம் ஶநிம் தம் ப⁴க்தவத்ஸல꞉ ॥ 11 ॥

ஶ்ரீந்ருஸிம்ஹ உவாச ।
ப்ரஸந்நோ(அ)ஹம் ஶநே துப்⁴யம் வரம் வரய ஶோப⁴நம் ।
யம் வாஞ்ச²ஸி தமேவ த்வம் ஸர்வலோக ஹிதாவஹம் ॥ 12 ॥

ஶ்ரீ ஶநிருவாச ।
ந்ருஸிம்ஹ த்வம் மயி க்ருபாம் குரு தே³வ த³யாநிதே⁴ ।
மத்³வாஸரஸ்தவ ப்ரீதிகர꞉ ஸ்யாத்³தே³வதாபதே ॥ 13 ॥

மத்க்ருதம் த்வத்பரம் ஸ்தோத்ரம் ஶ்ருண்வந்தி ச பட²ந்தி ச ।
ஸர்வாந் காமந் பூரயேதா²꞉ தேஷாம் த்வம் லோகபா⁴வந ॥ 14 ॥

ஶ்ரீ ந்ருஸிம்ஹ உவாச ।
ததை²வாஸ்து ஶநே(அ)ஹம் வை ரக்ஷோ பு⁴வநஸம்ஸ்தி²த꞉ ।
ப⁴க்த காமாந் பூரயிஷ்யே த்வம் மமைகம் வச꞉ ஶ்ருணு ॥ 15 ॥

த்வத்க்ருதம் மத்பரம் ஸ்தோத்ரம் ய꞉ படே²ச்ச்²ருணுயாச்ச ய꞉ ।
த்³வாத³ஶாஷ்டம ஜந்மஸ்தா²த் த்வத்³ப⁴யம் மாஸ்து தஸ்ய வை ॥ 16 ॥

ஶநிர்நரஹரிம் தே³வம் ததே²தி ப்ரத்யுவாச ஹ ।
தத꞉ பரமஸந்துஷ்டோ ஜயேதி முநயோவத³ந் ॥ 17 ॥

ஶ்ரீ க்ருஷ்ண உவாச ।
இத³ம் ஶநைஶ்சரஸ்யாத² ந்ருஸிம்ஹ தே³வ
ஸம்வாத³மேதத் ஸ்தவநம் ச மாநவ꞉ ।
ஶ்ருணோதி ய꞉ ஶ்ராவயதே ச ப⁴க்த்யா
ஸர்வாண்யபீ⁴ஷ்டாநி ச விந்த³தே த்⁴ருவம் ॥ 18 ॥

இதி ஶ்ரீ ப⁴விஷ்யோத்தரபுராணே ஶ்ரீ ஶநைஶ்சர க்ருத ஶ்ரீ ந்ருஸிம்ஹ ஸ்துதி꞉ ।


மேலும் ஶ்ரீ ந்ருஸிம்ஹ ஸ்தோத்திரங்கள் பார்க்க.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

மறுமொழி இடவும்

error: Not allowed