Sri Narasimha Stotram 3 (Rama Satkavi Krutam) – śrī nr̥siṁha stōtram – 3 (rāmasatkavi kr̥tam)


śrīramākucāgrabhāsikuṅkumāṅkitōrasaṁ
tāpanāṅghrisārasaṁ sadādayāsudhārasam |
kundaśubhraśāradāravindacandrasundaraṁ
siṁhaśailamandiraṁ nr̥siṁhadēvamāśrayē || 1 ||

pāpapāśamōcanaṁ virōcanēndulōcanaṁ
phālalōcanādidēvasannutaṁ mahōnnatam |
śēṣatalpaśāyinaṁ manōrathapradāyinaṁ
siṁhaśailamandiraṁ nr̥siṁhadēvamāśrayē || 2 ||

sañcarassaṭājaṭābhirunnamēghamaṇḍalaṁ
bhairavāravāṭahāsabhēdidāmihōdaram |
dīnalōkasādaraṁ dharābharaṁ jaṭādharaṁ
siṁhaśailamandiraṁ nr̥siṁhadēvamāśrayē || 3 ||

śākinīpiśācighōraḍhākinībhayaṅkaraṁ
brahmarākṣasavyathā kṣayaṅkaraṁ śivaṅkaram |
dēvatāsuhr̥ttamaṁ divākaraṁ sudhākaraṁ
siṁhaśailamandiraṁ nr̥siṁhadēvamāśrayē || 4 ||

matsyakūrmakrōḍanārasiṁhavāmanākr̥tiṁ
bhārgavaṁ raghūdvahaṁ pralambhagarpurāpaham |
buddhakalkivigrahaṁ jagadvirōdhinigrahaṁ
siṁhaśailamandiraṁ nr̥siṁhadēvamāśrayē || 5 ||

dhāruṇī vadhūmaṇī gr̥hītapādapallavaṁ
nandagōṣṭravallavīsatīmanōjñavallabham |
māyināṁ viśāradaṁ bhavāmburāśipāradaṁ
siṁhaśailamandiraṁ nr̥siṁhadēvamāśrayē || 6 ||

mōhatāpahāriṇaṁ gadārathāṅgadhāriṇaṁ
śrīmanōvihāriṇaṁ vidēhajōrnivāriṇam |
dānavēndravairiṇaṁ tapōdhanēṣṭakāriṇaṁ
siṁhaśailamandiraṁ nr̥siṁhadēvamāśrayē || 7 ||

rāmasatkavipraṇītamētadaṣṭakā śivaṁ
dēvasārasaṅgrahaṁ mahōgrapātakāntakam |
jalpitāṁ nirantaraṁ samastakāmapūrakaṁ
siṁhaśailamandiraṁ nr̥siṁhadēvamāśrayē || 8 ||

iti rāmasatkavi kr̥ta śrī nr̥siṁha aṣṭaka stōtram ||


See more śrī nr̥siṁha stōtrāṇi for chanting.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

One thought on “Sri Narasimha Stotram 3 (Rama Satkavi Krutam) – śrī nr̥siṁha stōtram – 3 (rāmasatkavi kr̥tam)

Leave a Reply

error: Not allowed