Read in తెలుగు / ಕನ್ನಡ / தமிழ் / देवनागरी / English (IAST)
agastya uvāca |
hayagrīva dayāsindhō bhagavan śiṣyavatsala |
tvattaḥ śrutamaśēṣēṇa śrōtavyaṁ yadyadasti tat || 1 ||
rahasyanāmasāhasramapi tvattaḥ śrutaṁ mayā |
itaḥ paraṁ mē nāstyēva śrōtavyamiti niścayaḥ || 2 ||
tathāpi mama cittasya paryāptirnaiva jāyatē |
kārtsnyārthaḥ prāpya ityēva śōcayiṣyāmyahaṁ prabhō || 3 ||
kimidaṁ kāraṇaṁ brūhi jñātavyāṁśō:’sti vā punaḥ |
asti cēnmama tadbrūhi brūhītyuktā praṇamya tam || 4 ||
sūta uvāca |
samālalambē tatpādayugalaṁ kalaśōdbhavaḥ |
hayānanō bhītabhītaḥ kimidaṁ kimidaṁ tviti || 5 ||
muñca muñcēti taṁ cōktvā cintākrāntō babhūva saḥ |
ciraṁ vicārya niścinvanvaktavyaṁ na mayētyasau || 6 ||
tūṣṇīṁ sthitaḥ smarannājñāṁ lalitāmbākr̥tāṁ purā |
praṇamya vipraḥ sa munistatpādāvatyajansthitaḥ || 7 ||
varṣatrayāvadhi tathā guruśiṣyau tathā sthitau |
tacchr̥ṇvantaśca paśyantaḥ sarvē lōkāḥ suvismitāḥ || 8 ||
tataḥ śrīlalitādēvī kāmēśvarasamanvitā |
prādurbhūya hayagrīvaṁ rahasyēvamacōdayat || 9 ||
śrīdēvyuvāca |
aśvānanāvayōḥ prītiḥ śāstraviśvāsini tvayi |
rājyaṁ dēyaṁ śirō dēyaṁ na dēyā ṣōḍaśākṣarī || 10 ||
svamātr̥jāravadgōpyā vidyaiṣētyāgamā jaguḥ |
tatō:’tigōpanīyā mē sarvapūrtikarī stutiḥ || 11 ||
mayā kāmēśvarēṇāpi kr̥tā saṅgōpitā bhr̥śam |
madājñayā vacōdēvyaścakrurnāmasahasrakam || 12 ||
āvābhyāṁ kathitā mukhyā sarvapūrtikarī stutiḥ |
sarvakriyāṇāṁ vaikalyapūrtiryajjapatō bhavēt || 13 ||
sarvapūrtikaraṁ tasmādidaṁ nāma kr̥taṁ mayā |
tadbrūhi tvamagastyāya pātramēva na saṁśayaḥ || 14 ||
patnyasya lōpāmudrākhyā māmupāstē:’tibhaktitaḥ |
ayaṁ ca nitarāṁ bhaktastasmādasya vadasva tat || 15 ||
amuñcamānastvatpādau varṣatrayamasau sthitaḥ |
ētajjñātumatō bhaktyā hīdamēva nidarśanam || 16 ||
cittaparyāptirētasya nānyathā sambhaviṣyati |
sarvapūrtikaraṁ tasmādanujñātō mayā vada || 17 ||
sūta uvāca |
ityuktvā:’ntaradhādambā kāmēśvarasamanvitā |
athōtthāpya hayagrīvaḥ pāṇibhyāṁ kumbhasambhavam || 18 ||
saṁsthāpya nikaṭē vācamuvāca bhr̥śavismitaḥ |
hayagrīva uvāca |
kr̥tārthō:’si kr̥tārthō:’si kr̥tārthō:’si ghaṭōdbhava || 19 ||
tvatsamō lalitābhaktō nāsti nāsti jagattrayē |
yēnāgastya svayaṁ dēvī tava vaktavyamanvaśāt || 20 ||
sacchiṣyēṇa tvayā cāhaṁ dr̥ṣṭavānasmi tāṁ śivām |
yatantē darśanārthāya brahmaviṣṇvīśapūrvakāḥ || 21 ||
ataḥ paraṁ tē vakṣyāmi sarvapūrtikaraṁ stavam |
yasya smaraṇamātrēṇa paryāptistē bhavēddhr̥di || 22 ||
rahasyanāmasāhasrādapi guhyatamaṁ munē |
āvaśyakaṁ tatō:’pyētallalitāṁ samupāsitum || 23 ||
tadahaṁ sampravakṣyāmi lalitāmbānuśāsanāt |
śrīmatpañcadaśākṣaryāḥ kādivarṇakramānmunē || 24 ||
pr̥thagviṁśatināmāni kathitāni ghaṭōdbhava |
āhatya nāmnāṁ triśatī sarvasampūrtikāriṇī || 25 ||
rahasyātirahasyaiṣā gōpanīyā prayatnataḥ |
tāṁ śr̥ṇuṣva mahābhāga sāvadhānēna cētasā || 26 ||
kēvalaṁ nāmabuddhistē na kāryā tēṣu kumbhaja |
mantrātmakatvamētēṣāṁ nāmnāṁ nāmātmatāpi ca || 27 ||
tasmādēkāgramanasā śrōtavyaṁ ca tvayā sadā |
sūta uvāca |
ityuktvā taṁ hayagrīvaḥ prōcē nāmaśatatrayam || 28 ||
See more śrī lalitā stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
