Sri Lalitha Trisati Stotram Poorvapeetika – ஶ்ரீ லலிதா த்ரிஶதீ ஸ்தோத்ரம் – பூர்வபீடி²கா


அக³ஸ்த்ய உவாச ।
ஹயக்³ரீவ த³யாஸிந்தோ⁴ ப⁴க³வன் ஶிஷ்யவத்ஸல ।
த்வத்த꞉ ஶ்ருதமஶேஷேண ஶ்ரோதவ்யம் யத்³யத³ஸ்தி தத் ॥ 1 ॥

ரஹஸ்யநாமஸாஹஸ்ரமபி த்வத்த꞉ ஶ்ருதம் மயா ।
இத꞉ பரம் மே நாஸ்த்யேவ ஶ்ரோதவ்யமிதி நிஶ்சய꞉ ॥ 2 ॥

ததா²பி மம சித்தஸ்ய பர்யாப்திர்நைவ ஜாயதே ।
கார்த்ஸ்ந்யார்த²꞉ ப்ராப்ய இத்யேவ ஶோசயிஷ்யாம்யஹம் ப்ரபோ⁴ ॥ 3 ॥

கிமித³ம் காரணம் ப்³ரூஹி ஜ்ஞாதவ்யாம்ஶோ(அ)ஸ்தி வா புந꞉ ।
அஸ்தி சேந்மம தத்³ப்³ரூஹி ப்³ரூஹீத்யுக்தா ப்ரணம்ய தம் ॥ 4 ॥

ஸூத உவாச ।
ஸமாலலம்பே³ தத்பாத³யுக³ளம் கலஶோத்³ப⁴வ꞉ ।
ஹயாநநோ பீ⁴தபீ⁴த꞉ கிமித³ம் கிமித³ம் த்விதி ॥ 5 ॥

முஞ்ச முஞ்சேதி தம் சோக்த்வா சிந்தாக்ராந்தோ ப³பூ⁴வ ஸ꞉ ।
சிரம் விசார்ய நிஶ்சிந்வந்வக்தவ்யம் ந மயேத்யஸௌ ॥ 6 ॥

தூஷ்ணீம் ஸ்தி²த꞉ ஸ்மரந்நாஜ்ஞாம் லலிதாம்பா³க்ருதாம் புரா ।
ப்ரணம்ய விப்ர꞉ ஸ முநிஸ்தத்பாதா³வத்யஜந்ஸ்தி²த꞉ ॥ 7 ॥

வர்ஷத்ரயாவதி⁴ ததா² கு³ருஶிஷ்யௌ ததா² ஸ்தி²தௌ ।
தச்ச்²ருண்வந்தஶ்ச பஶ்யந்த꞉ ஸர்வே லோகா꞉ ஸுவிஸ்மிதா꞉ ॥ 8 ॥

தத꞉ ஶ்ரீலலிதாதே³வீ காமேஶ்வரஸமந்விதா ।
ப்ராது³ர்பூ⁴ய ஹயக்³ரீவம் ரஹஸ்யேவமசோத³யத் ॥ 9 ॥

ஶ்ரீதே³வ்யுவாச ।
அஶ்வாநநாவயோ꞉ ப்ரீதி꞉ ஶாஸ்த்ரவிஶ்வாஸிநி த்வயி ।
ராஜ்யம் தே³யம் ஶிரோ தே³யம் ந தே³யா ஷோட³ஶாக்ஷரீ ॥ 10 ॥

ஸ்வமாத்ருஜாரவத்³கோ³ப்யா வித்³யைஷேத்யாக³மா ஜகு³꞉ ।
ததோ(அ)திகோ³பநீயா மே ஸர்வபூர்திகரீ ஸ்துதி꞉ ॥ 11 ॥

மயா காமேஶ்வரேணாபி க்ருதா ஸங்கோ³பிதா ப்⁴ருஶம் ।
மதா³ஜ்ஞயா வசோதே³வ்யஶ்சக்ருர்நாமஸஹஸ்ரகம் ॥ 12 ॥

ஆவாப்⁴யாம் கதி²தா முக்²யா ஸர்வபூர்திகரீ ஸ்துதி꞉ ।
ஸர்வக்ரியாணாம் வைகல்யபூர்திர்யஜ்ஜபதோ ப⁴வேத் ॥ 13 ॥

ஸர்வபூர்திகரம் தஸ்மாதி³த³ம் நாம க்ருதம் மயா ।
தத்³ப்³ரூஹி த்வமக³ஸ்த்யாய பாத்ரமேவ ந ஸம்ஶய꞉ ॥ 14 ॥

பத்ந்யஸ்ய லோபாமுத்³ராக்²யா மாமுபாஸ்தே(அ)திப⁴க்தித꞉ ।
அயம் ச நிதராம் ப⁴க்தஸ்தஸ்மாத³ஸ்ய வத³ஸ்வ தத் ॥ 15 ॥

அமுஞ்சமாநஸ்த்வத்பாதௌ³ வர்ஷத்ரயமஸௌ ஸ்தி²த꞉ ।
ஏதஜ்ஜ்ஞாதுமதோ ப⁴க்த்யா ஹீத³மேவ நித³ர்ஶநம் ॥ 16 ॥

சித்தபர்யாப்திரேதஸ்ய நாந்யதா² ஸம்ப⁴விஷ்யதி ।
ஸர்வபூர்திகரம் தஸ்மாத³நுஜ்ஞாதோ மயா வத³ ॥ 17 ॥

ஸூத உவாச ।
இத்யுக்த்வா(அ)ந்தரதா⁴த³ம்பா³ காமேஶ்வரஸமந்விதா ।
அதோ²த்தா²ப்ய ஹயக்³ரீவ꞉ பாணிப்⁴யாம் கும்ப⁴ஸம்ப⁴வம் ॥ 18 ॥

ஸம்ஸ்தா²ப்ய நிகடே வாசமுவாச ப்⁴ருஶவிஸ்மித꞉ ।
ஹயக்³ரீவ உவாச ।
க்ருதார்தோ²(அ)ஸி க்ருதார்தோ²(அ)ஸி க்ருதார்தோ²(அ)ஸி க⁴டோத்³ப⁴வ ॥ 19 ॥

த்வத்ஸமோ லலிதாப⁴க்தோ நாஸ்தி நாஸ்தி ஜக³த்த்ரயே ।
யேநாக³ஸ்த்ய ஸ்வயம் தே³வீ தவ வக்தவ்யமந்வஶாத் ॥ 20 ॥

ஸச்சி²ஷ்யேண த்வயா சாஹம் த்³ருஷ்டவாநஸ்மி தாம் ஶிவாம் ।
யதந்தே த³ர்ஶநார்தா²ய ப்³ரஹ்மவிஷ்ண்வீஶபூர்வகா꞉ ॥ 21 ॥

அத꞉ பரம் தே வக்ஷ்யாமி ஸர்வபூர்திகரம் ஸ்தவம் ।
யஸ்ய ஸ்மரணமாத்ரேண பர்யாப்திஸ்தே ப⁴வேத்³த்⁴ருதி³ ॥ 22 ॥

ரஹஸ்யநாமஸாஹஸ்ராத³பி கு³ஹ்யதமம் முநே ।
ஆவஶ்யகம் ததோ(அ)ப்யேதல்லலிதாம் ஸமுபாஸிதும் ॥ 23 ॥

தத³ஹம் ஸம்ப்ரவக்ஷ்யாமி லலிதாம்பா³நுஶாஸநாத் ।
ஶ்ரீமத்பஞ்சத³ஶாக்ஷர்யா꞉ காதி³வர்ணக்ரமாந்முநே ॥ 24 ॥

ப்ருத²க்³விம்ஶதிநாமாநி கதி²தாநி க⁴டோத்³ப⁴வ ।
ஆஹத்ய நாம்நாம் த்ரிஶதீ ஸர்வஸம்பூர்திகாரிணீ ॥ 25 ॥

ரஹஸ்யாதிரஹஸ்யைஷா கோ³பநீயா ப்ரயத்நத꞉ ।
தாம் ஶ்ருணுஷ்வ மஹாபா⁴க³ ஸாவதா⁴நேந சேதஸா ॥ 26 ॥

கேவலம் நாமபு³த்³தி⁴ஸ்தே ந கார்யா தேஷு கும்ப⁴ஜ ।
மந்த்ராத்மகத்வமேதேஷாம் நாம்நாம் நாமாத்மதாபி ச ॥ 27 ॥

தஸ்மாதே³காக்³ரமநஸா ஶ்ரோதவ்யம் ச த்வயா ஸதா³ ।
ஸூத உவாச ।
இத்யுக்த்வா தம் ஹயக்³ரீவ꞉ ப்ரோசே நாமஶதத்ரயம் ॥ 28 ॥

ஶ்ரீ லலிதா த்ரிஶதீ ஸ்தோத்ரரத்னம் >>


மேலும் ஶ்ரீ லலிதா ஸ்தோத்திரங்கள் பார்க்க.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

மறுமொழி இடவும்

error: Not allowed