Read in తెలుగు / ಕನ್ನಡ / தமிழ் / देवनागरी / English (IAST)
kāñcīnūpuraratnakaṅkaṇa lasatkēyūrahārōjjvalāṁ
kāśmīrāruṇakañcukāñcitakucāṁ kastūrikācarcitām |
kalhārāñcitakalpakōjjvalamukhīṁ kāruṇyakallōlinīṁ
kāmākṣīṁ kalayāmi kalpalatikāṁ kāñcīpurīdēvatām || 1 ||
kāmārātimanaḥpriyāṁ kamalabhūsēvyāṁ ramārādhitāṁ
kandarpādhikadarpadānavilasatsaundaryadīpāṅkurām |
kīrālāpavinōdinīṁ bhagavatīṁ kāmyapradānavratāṁ
kāmākṣīṁ kalayāmi kalpalatikāṁ kāñcīpurīdēvatām || 2 ||
gandharvāmarasiddhacāraṇavadhūdgēyāpadānāñcitāṁ
gaurīṁ kuṅkumapaṅkapaṅkita kucadvandvābhirāmāṁ śubhām |
gambhīrasmitavibhramāṅkitamukhīṁ gaṅgādharāliṅgitāṁ
kāmākṣīṁ kalayāmi kalpalatikāṁ kāñcīpurīdēvatām || 3 ||
viṣṇubrahmamukhāmarēndrapariṣatkōṭīrapīṭhasthalāṁ
lākṣārañjitapādapadmayugalāṁ rākēndubimbānanām |
vēdāntāgamavēdyacintyacaritāṁ vidvajjanairādr̥tāṁ
kāmākṣīṁ kalayāmi kalpalatikāṁ kāñcīpurīdēvatām || 4 ||
mākandadrumamūladēśamahitē māṇikyasiṁhāsanē
divyāṁ dīpitahēmakāntinivahāvastrāvr̥tāṁ tāṁ śubhām |
divyākalpitadivyadēhabharitāṁ dr̥ṣṭipramōdāvahāṁ
kāmākṣīṁ kalayāmi kalpalatikāṁ kāñcīpurīdēvatām || 5 ||
ādhārādisamastacakranilayāmādyantaśūnyāmumā-
-mākāśādisamastabhūtanivahākārāmaśēṣātmikām |
yōgīndrairati yōginīśatagaṇairārādhitāmambikāṁ
kāmākṣīṁ kalayāmi kalpalatikāṁ kāñcīpurīdēvatām || 6 ||
hrīṁ-kārapraṇavātmikāṁ praṇamatāṁ śrīvidyavidyāmayīṁ
aiṁ śrīṁ sauṁ rucimantramūrti nivahākārāmaśēṣātmikām |
brahmānandarasānubhūtamahitāṁ brahmapriyaṁvādinīṁ
kāmākṣīṁ kalayāmi kalpalatikāṁ kāñcīpurīdēvatām || 7 ||
siddhānandajanasya cinmayasukhākārāṁ mahāyōgibhiḥ
māyāviśvavimōhinīṁ madhumatīṁ dhyāyēcchubhāṁ brāhmaṇīm |
dhyēyāṁ kinnarasiddhacāraṇavadhūdgēyāṁ sadā yōgibhiḥ
kāmākṣīṁ kalayāmi kalpalatikāṁ kāñcīpurīdēvatām || 8 ||
kāmārikāmāṁ kamalāsanasthāṁ
kāmyapradāṁ kaṅkaṇacūḍahastām |
kāñcīnivāsāṁ kanakaprabhāsāṁ
kāmākṣidēvīṁ kalayāmi cittē || 9 ||
iti śrī kāmākṣī stōtram |
గమనిక: "శ్రీ లక్ష్మీ స్తోత్రనిధి" ముద్రణ పూర్తి అయినది. Click here to buy
Chant other stotras in తెలుగు, ಕನ್ನಡ, தமிழ், देवनागरी, english.
Report mistakes and corrections in Stotranidhi content.
