Read in తెలుగు / ಕನ್ನಡ / தமிழ் / देवनागरी / English (IAST)
namastē bhagavan dēva dattātrēya jagatprabhō |
sarvabādhāpraśamanaṁ kuru śāntiṁ prayaccha mē || 1 ||
anasūyāsuta śrīśaḥ janapātakanāśana |
digambara namō nityaṁ tubhyaṁ mē varadō bhava || 2 ||
bhūtaprētapiśācādyāḥ yasya smaraṇa mātrataḥ |
dūrādēva palāyantē dattātrēyaṁ namāmi tam || 3 ||
yannāmasmaraṇāddainyaṁ pāpaṁ tāpaṁ ca naśyati |
bhītargrahārtiduḥsvapnaṁ dattātrēyaṁ namāmi tam || 4 ||
dadrusphōṭaka kuṣṭādi mahāmārī viṣūcikāḥ |
naśyantyanyēpi rōgāśca dattātrēyaṁ namāmi tam || 5 ||
saṅgajā dēśakālōtthāḥ tāpatraya samutthitāḥ |
śāmyanti yat smaraṇatō dattātrēyaṁ namāmi tam || 6 ||
sarpavr̥ścikadaṣṭāṇāṁ viṣārtānāṁ śarīriṇām |
yannāma śāntidaṁ śīghraṁ dattātrēyaṁ namāmi tam || 7 ||
trividhōtpātaśamanaṁ vividhāriṣṭanāśanam |
yannāma krūrabhītighnaṁ dattātrēyaṁ namāmi tam || 8 ||
vairyādikr̥tamantrādi prayōgā yasya kīrtanāt |
naśyanti dēhabādhāśca dattātrēyaṁ namāmi tam || 9 ||
yacchiṣyasmaraṇāt sadyō gatanaṣṭādi labhyatē |
yaścamē sarvatastrātā dattātrēyaṁ namāmi tam || 10 ||
jaya lābha yaśaḥ kāma dāturdattasya yaḥ stavam |
bhōgamōkṣapradasyēmaṁ paṭhēddattapriyō bhavēt || 11 ||
dēvanāthagurō svāmin dēśika svātmanāyaka |
trāhi trāhi kr̥pāsindhō pūrṇapārāyaṇaṁ kuru ||
iti śrīmatparamahaṁsa parivrājakācāryavarya śrīvāsudēvānandasarasvatī viracita śrī dattātrēya śānti stōtram |
See more śrī dattātrēya stōtrāṇi for chanting.
ಗಮನಿಸಿ :"ಪ್ರಭಾತ ಸ್ತೋತ್ರನಿಧಿ" ಪುಸ್ತಕ ಬಿಡುಗಡೆಯಾಗಿದೆ ಮತ್ತು ಈಗ ಖರೀದಿಗೆ ಲಭ್ಯವಿದೆ. Click here to buy
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
