Read in తెలుగు / ಕನ್ನಡ / தமிழ் / देवनागरी / English (IAST)
anasūyātrisambhūtō dattātrēyō digambaraḥ |
smartr̥gāmī svabhaktānāmuddhartā bhava saṅkaṭāt || 1 ||
daridravipragēhē yaḥ śākaṁ bhuktvōttamaśriyam |
dadau śrīdattadēvaḥ sa dāridryācchrīpradō:’vatu || 2 ||
dūrīkr̥tya piśācārtiṁ jīvayitvā mr̥taṁ sutam |
yō:’bhūdabhīṣṭadaḥ pātu sa naḥ santānavr̥ddhikr̥t || 3 ||
jīvayāmāsa bhartāraṁ mr̥taṁ satyā hi mr̥tyuhā |
mr̥tyuñjayaḥ sa yōgīndraḥ saubhāgyaṁ mē prayacchatu || 4 ||
atrērātmapradānēna yō muktō bhagavān r̥ṇāt |
dattātrēyaṁ tamīśānaṁ namāmi r̥ṇamuktayē || 5 ||
japēcchlōkamimaṁ dēvapitrarṣipunnr̥ṇāpaham |
sō:’nr̥ṇō dattakr̥payā parambrahmādhigacchati || 6 ||
atriputrō mahātējō dattātrēyō mahāmuniḥ |
tasya smaraṇamātrēṇa sarvapāpaiḥ pramucyatē || 7 ||
namastē bhagavan dēva dattātrēya jagatprabhō |
sarvabādhāpraśamanaṁ kuru śāntiṁ prayaccha mē || 8 ||
anasūyāsuta śrīśa janapātakanāśana |
digambara namō nityaṁ tubhyaṁ mē varadō bhava || 9 ||
śrīviṣṇōravatārō:’yaṁ dattātrēyō digambaraḥ |
mālākamaṇḍalūcchūlaḍamarūśaṅkhacakradhr̥k || 10 ||
namastē śāradē dēvi sarasvati matipradē |
vasa tvaṁ mama jihvāgrē sarvavidyāpradā bhava || 11 ||
dattātrēyaṁ prapadyē śaraṇamanudinaṁ dīnabandhuṁ mukundaṁ
nairguṇyē sanniviṣṭaṁ pathi paramapadaṁ bōdhayantaṁ munīnām |
bhasmābhyaṅgaṁ jaṭābhiḥ sulalitamukuṭaṁ dikpaṭaṁ divyarūpaṁ
sahyādrau nityavāsaṁ pramuditamamalaṁ sadguruṁ cāruśīlam || 12 ||
iti śrīmatparamahaṁsa parivrājakācārya śrīvāsudēvānandasarasvatī viracitaṁ śrī dattātrēya mantrātmaka ślōkāḥ |
See more śrī dattātrēya stōtrāṇi for chanting.
గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.