Read in తెలుగు / ಕನ್ನಡ / தமிழ் / देवनागरी / English (IAST)
dhyānam –
śvētāmbarōjjvalatanuṁ sitamālyagandhaṁ
śvētāśvayuktarathagaṁ surasēvitāṅghrim |
dōrbhyāṁ dhr̥tābhayagadaṁ varadaṁ sudhāṁśuṁ
śrīvatsamauktikadharaṁ praṇamāmi candram || 1 ||
āgnēyabhāgē sarathō daśāśva-
-ścātrēyajō yāmunadēśajaśca |
pratyaṅmukhasthaścaturaśrapīṭhē
gadādharō nō:’vatu rōhiṇīśaḥ || 2 ||
atha stōtram –
candraṁ namāmi varadaṁ śaṅkarasya vibhūṣaṇam |
kalānidhiṁ kāntirūpaṁ kēyūramakuṭōjjvalam || 3 ||
varadaṁ vandyacaraṇaṁ vāsudēvasya lōcanam |
vasudhāhlādanakaraṁ vidhuṁ taṁ praṇamāmyaham || 4 ||
śvētamālyāmbaradharaṁ śvētagandhānulēpanam |
śvētacchatrōllasanmauliṁ śaśinaṁ praṇamāmyaham || 5 ||
sarvaṁ jagajjīvayasi sudhārasamayaiḥ karaiḥ |
sōma dēhi mamārōgyaṁ sudhāpūritamaṇḍalam || 6 ||
rājā tvaṁ brāhmaṇānāṁ ca ramāyā api sōdaraḥ |
rājā nāthaścauṣadhīnāṁ rakṣa māṁ rajanīkara || 7 ||
śaṅkarasya śirōratnaṁ śārṅgiṇaśca vilōcanam |
tārakāṇāmadhīśastvaṁ tārayā:’smānmahāpadaḥ || 8 ||
kalyāṇamūrtē varada karuṇārasavāridhē |
kalaśōdadhisañjātakalānātha kr̥pāṁ kuru || 9 ||
kṣīrārṇavasamudbhūta cintāmaṇisahōdbhava |
kāmitārthān pradēhi tvaṁ kalpadrumasahōdara || 10 ||
śvētāmbaraḥ śvētavibhūṣaṇāḍhyō
gadādharaḥ śvētarucirdvibāhuḥ |
candraḥ sudhātmā varadaḥ kirīṭī
śrēyāṁsi mahyaṁ pradadātu dēvaḥ || 11 ||
idaṁ niśākarastōtraṁ yaḥ paṭhēt pratyahaṁ naraḥ |
upadravāt sa mucyēta nātra kāryā vicāraṇā || 12 ||
iti śrī candra stōtram |
See more navagraha stōtrāṇi for chanting.
గమనిక : రాబోయే మహాశివరాత్రి సందర్భంగా "శ్రీ శివ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
