Sri Chandra Stotram 3 – ஶ்ரீ சந்த்³ர ஸ்தோத்ரம் – 3

த்⁴யாநம் –
ஶ்வேதாம்ப³ரோஜ்ஜ்வலதநும் ஸிதமால்யக³ந்த⁴ம்
ஶ்வேதாஶ்வயுக்தரத²க³ம் ஸுரஸேவிதாங்க்⁴ரிம் ।
தோ³ர்ப்⁴யாம் த்⁴ருதாப⁴யக³த³ம் வரத³ம் ஸுதா⁴ம்ஶும்
ஶ்ரீவத்ஸமௌக்திகத⁴ரம் ப்ரணமாமி சந்த்³ரம் ॥ 1 ॥

ஆக்³நேயபா⁴கே³ ஸரதோ² த³ஶாஶ்வ-
-ஶ்சாத்ரேயஜோ யாமுநதே³ஶஜஶ்ச ।
ப்ரத்யங்முக²ஸ்த²ஶ்சதுரஶ்ரபீடே²
க³தா³த⁴ரோ நோ(அ)வது ரோஹிணீஶ꞉ ॥ 2 ॥

அத² ஸ்தோத்ரம் –
சந்த்³ரம் நமாமி வரத³ம் ஶங்கரஸ்ய விபூ⁴ஷணம் ।
கலாநிதி⁴ம் காந்திரூபம் கேயூரமகுடோஜ்ஜ்வலம் ॥ 3 ॥

வரத³ம் வந்த்³யசரணம் வாஸுதே³வஸ்ய லோசநம் ।
வஸுதா⁴ஹ்லாத³நகரம் விது⁴ம் தம் ப்ரணமாம்யஹம் ॥ 4 ॥

ஶ்வேதமால்யாம்ப³ரத⁴ரம் ஶ்வேதக³ந்தா⁴நுலேபநம் ।
ஶ்வேதச்ச²த்ரோல்லஸந்மௌளிம் ஶஶிநம் ப்ரணமாம்யஹம் ॥ 5 ॥

ஸர்வம் ஜக³ஜ்ஜீவயஸி ஸுதா⁴ரஸமயை꞉ கரை꞉ ।
ஸோம தே³ஹி மமாரோக்³யம் ஸுதா⁴பூரிதமண்ட³லம் ॥ 6 ॥

ராஜா த்வம் ப்³ராஹ்மணாநாம் ச ரமாயா அபி ஸோத³ர꞉ ।
ராஜா நாத²ஶ்சௌஷதீ⁴நாம் ரக்ஷ மாம் ரஜநீகர ॥ 7 ॥

ஶங்கரஸ்ய ஶிரோரத்நம் ஶார்ங்கி³ணஶ்ச விளோசநம் ।
தாரகாணாமதீ⁴ஶஸ்த்வம் தாரயா(அ)ஸ்மாந்மஹாபத³꞉ ॥ 8 ॥

கல்யாணமூர்தே வரத³ கருணாரஸவாரிதே⁴ ।
கலஶோத³தி⁴ஸஞ்ஜாதகலாநாத² க்ருபாம் குரு ॥ 9 ॥

க்ஷீரார்ணவஸமுத்³பூ⁴த சிந்தாமணிஸஹோத்³ப⁴வ ।
காமிதார்தா²ந் ப்ரதே³ஹி த்வம் கல்பத்³ருமஸஹோத³ர ॥ 10 ॥

ஶ்வேதாம்ப³ர꞉ ஶ்வேதவிபூ⁴ஷணாட்⁴யோ
க³தா³த⁴ர꞉ ஶ்வேதருசிர்த்³விபா³ஹு꞉ ।
சந்த்³ர꞉ ஸுதா⁴த்மா வரத³꞉ கிரீடீ
ஶ்ரேயாம்ஸி மஹ்யம் ப்ரத³தா³து தே³வ꞉ ॥ 11 ॥

இத³ம் நிஶாகரஸ்தோத்ரம் ய꞉ படே²த் ப்ரத்யஹம் நர꞉ ।
உபத்³ரவாத் ஸ முச்யேத நாத்ர கார்யா விசாரணா ॥ 12 ॥

இதி ஶ்ரீ சந்த்³ர ஸ்தோத்ரம் ।

Did you see any mistake/variation in the content above? Click here to report mistakes and corrections in Stotranidhi content.