Read in తెలుగు / ಕನ್ನಡ / தமிழ் / English (IAST)
nārāyaṇīyaṁ ēkōnasaptatitamadaśakam (69) – rāsakrīḍā
kēśapāśadhr̥tapiñchikāvitatisañcalanmakarakuṇḍalaṁ
hārajālavanamālikālalitamaṅgarāgaghanasaurabham |
pītacēladhr̥takāñcikāñcitamudañcadaṁśumaṇinūpuraṁ
rāsakēliparibhūṣitaṁ tava hi rūpamīśa kalayāmahē || 69-1 ||
tāvadēva kr̥tamaṇḍanē kalitakañculīkakucamaṇḍalē
gaṇḍalōlamaṇikuṇḍalē yuvatimaṇḍalē:’tha parimaṇḍalē |
antarā sakalasundarīyugalamindirāramaṇa sañcaran
mañjulāṁ tadanu rāsakēlimayi kañjanābha samupādadhāḥ || 69-2 ||
vāsudēva tava bhāsamānamiha rāsakēlirasasaurabhaṁ
dūratō:’pi khalu nāradāgaditamākalayya kutukākulāḥ |
vēṣabhūṣaṇavilāsapēśalavilāsinīśatasamāvr̥tā
nākatō yugapadāgatā viyati vēgatō:’tha suramaṇḍalī || 69-3 ||
vēṇunādakr̥tatānadānakalagānarāgagatiyōjanā-
lōbhanīyamr̥dupādapātakr̥tatālamēlanamanōharam |
pāṇisaṅkvaṇitakaṅkaṇaṁ ca muhuraṁsalaṁbitakarāṁbujaṁ
śrōṇibiṁbacaladaṁbaraṁ bhajata rāsakēlirasaḍaṁbaram || 69-4 ||
śraddhayā viracitānugānakr̥tatāratāramadhurasvarē
nartanē:’tha lalitāṅgahāralulitāṅgahāramaṇibhūṣaṇē |
sammadēna kr̥tapuṣpavarṣamalamunmiṣaddiviṣadāṁ kulaṁ
cinmayē tvayi nilīyamānamiva sammumōha savadhūkulam || 69-5 ||
svinnasannatanuvallarī tadanu kāpi nāma paśupāṅganā
kāntamaṁsamavalaṁbatē sma tava tāntibhāramukulēkṣaṇā |
kācidācalitakuntalā navapaṭīrasāraghanasaurabhaṁ
vañcanēna tava sañcucuṁba bhujamañcitōrupulakāṅkurā || 69-6 ||
kāpi gaṇḍabhuvi sannidhāya nijagaṇḍamākulitakuṇḍalaṁ
puṇyapūranidhiranvavāpa tava pūgacarvitarasāmr̥tam |
indirāvihr̥timandiraṁ bhuvanasundaraṁ hi naṭanāntarē
tvāmavāpya dadhuraṅganāḥ kimu na sammadōnmadadaśāntaram || 69-7 ||
gānamīśa virataṁ kramēṇa kila vādyamēlanamupārataṁ
brahmasammadarasākulāḥ sadasi kēvalaṁ nanr̥turaṅganāḥ |
nāvidannapi ca nīvikāṁ kimapi kuntalīmapi ca kañculīṁ
jyōtiṣāmapi kadaṁbakaṁ divi vilaṁbitaṁ kimaparaṁ bruvē || 69-8 ||
mōdasīmni bhuvanaṁ vilāpya vihr̥tiṁ samāpya ca tatō vibhō
kēlisammr̥ditanirmalāṅganavagharmalēśasubhagātmanām |
manmathāsahanacētasāṁ paśupayōṣitāṁ sukr̥tacōdita-
stāvadākalitamūrtirādadhitha māravīraparamōtsavān || 69-9 ||
kēlibhēdaparilōlitābhiratilālitābhirabalālibhiḥ
svairamīśa nanu sūrajāpayasi cāru nāma vihr̥tiṁ vyadhāḥ |
kānanē:’pi ca visāriśītalakiśōramārutamanōharē
sūnasaurabhamayē vilēsitha vilāsinīśatavimōhanam || 69-10 ||
kāminīriti hi yāminīṣu khalu kāmanīyakanidhē bhavān
pūrṇasammadarasārṇavaṁ kamapi yōgigamyamanubhāvayan |
brahmaśaṅkaramukhānapīha paśupāṅganāsu bahumānayan
bhaktalōkagamanīyarūpa kamanīya kr̥ṣṇa paripāhi mām || 69-11 ||
iti ēkōnasaptatitamadaśakaṁ samāptaṁ
See complete nārāyaṇīyam for chanting.
గమనిక: శరన్నవరాత్రుల సందర్భంగా "శ్రీ లలితా స్తోత్రనిధి" మరియు "శ్రీ దుర్గా స్తోత్రనిధి" పుస్తకములు కొనుగోలుకు అందుబాటులో ఉన్నాయి.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
