Read in తెలుగు / ಕನ್ನಡ / தமிழ் / English (IAST)
nārāyaṇīyaṁ caturthadaśakam (4) – yōgābhyāsaḥ tathā yōgasiddhiḥ |
kalyatāṁ mama kuruṣva tāvatīṁ kalyatē bhavadupāsanaṁ yayā |
spaṣṭamaṣṭavidhayōgacaryayā puṣṭayā:’:’śu tava tuṣṭimāpnuyām || 4-1 ||
brahmacaryadruḍhatādibhiryamairāplavādiniyamaiśca pāvitāḥ |
kurmahē druḍhamamī sukhāsanaṁ paṅkajādyamapi vā bhavatparāḥ || 4-2 ||
[** tāramantramanucintya **]
tāramantaranucintya santataṁ prāṇavāyumabhiyamya nirmalāḥ |
indriyāṇi viṣayādathāpahr̥tyāsmahē bhavadupāsanōnmukhāḥ || 4-3 ||
asphuṭē vapuṣi tē prayatnatō dhārayēma dhiṣaṇāṁ muhurmuhuḥ |
tēna bhaktirasamantarārdratāmudvahēma bhavadaṅghricintakāḥ || 4-4 ||
visphuṭāvayavabhēdasundaraṁ tvadvapuḥ suciraśīlanāvaśāt |
aśramaṁ manasi cintayāmahē dhyānayōganiratāstvadāśrayāḥ || 4-5 ||
dhyāyatāṁ sakalamūrtimīdr̥śīmunmiṣanmadhuratāhr̥tātmanām |
sāndramōdarasarūpamāntaraṁ brahmarūpamayi tē:’vabhāsatē || 4-6 ||
tatsamāsvadanarūpiṇīṁ sthitiṁ tvatsamādhimayi viśvanāyaka |
āśritāḥ punarataḥ paricyutāvārabhēmahi ca dhāraṇādhikam || 4-7 ||
itthamabhyasananirbharōllasattvatparātmasukhakalpitōtsavāḥ |
muktabhaktakulamaulitāṁ gatāḥ sañcarēma śukanāradādivat || 4-8 ||
tvatsamādhivijayē tu yaḥ punarmaṅkṣu mōkṣarasikaḥ kramēṇa vā |
yōgavaśyamanilaṁ ṣaḍāśrayairunnayatyaja suṣumnayā śanaiḥ || 4-9 ||
liṅgadēhamapi santyajannathō līyatē tvayi parē nirāgrahaḥ |
ūrdhvalōkakutukī tu mūrdhataḥ sārdhamēva karaṇairnirīyatē || 4-10 ||
agnivāsaravalarkṣapakṣagairuttarāyaṇajuṣā ca daivataiḥ |
prāpitō ravipadaṁ bhavatparō mōdavān dhruvapadāntamīyatē || 4-11 ||
āsthitō:’tha maharālayē yadā śēṣavaktradahanōṣmaṇārdyatē |
īyatē bhavadupāśrayastadā vēdhasaḥ padamataḥ puraiva vā || 4-12 ||
tatra vā tava padē:’thavā vasan prākr̥tapralaya ēti muktatām |
svēcchayā khalu purā:’pi mucyatē saṁvibhidya jagadaṇḍamōjasā || 4-13 ||
tasya ca kṣitipayōmahō:’niladyōmahatprakr̥tisaptakāvr̥tīḥ |
tattadātmakatayā viśan sukhī yāti tē padamanāvr̥taṁ vibhō || 4-14 ||
arcirādigatimīdr̥śīṁ vrajan vicyutiṁ na bhajatē jagatpatē |
saccidātmaka bhavadguṇōdayānuccarantamanilēśa pāhi mām || 4-15 ||
iti caturthadaśakaṁ samāptaṁ
See complete nārāyaṇīyam for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
