Read in తెలుగు / ಕನ್ನಡ / தமிழ் / देवनागरी / English (IAST)
tṛtīyadaśakam (3) – uttamabhaktasya guṇāḥ (bhaktasvarūpa varṇanam)
paṭhanto nāmāni pramadabharasindhau nipatitāḥ
smaranto rūpaṁ te varada kathayanto guṇakathāḥ |
caranto ye bhaktāstvayi khalu ramante paramamū-
-nahaṁ dhanyān manye samadhigatasarvābhilaṣitān || 3-1 ||
gadakliṣṭaṁ kaṣṭaṁ tava caraṇasevārasabhare-
-‘pyanāsaktaṁ cittaṁ bhavati bata viṣṇo kuru dayām |
bhavatpādāmbhojasmaraṇarasiko nāmanivahā-
-nahaṁ gāyaṁ gāyaṁ kuhacana vivatsyāmi vijane || 3-2 ||
kṛpā te jātā cet kimiva na hi labhyaṁ tanubhṛtāṁ
madīyakleśaughapraśamanadaśā nāma kiyatī |
na ke ke loke’sminnaniśamayi śokābhirahitā
bhavadbhaktā muktāḥ sukhagatimasaktā vidadhate || 3-3 ||
muniprauḍhā rūḍhā jagati khalu gūḍhātmagatayo
bhavat pādāmbhojasmaraṇavirujo nāradamukhāḥ |
carantīśa svairaṁ satataparinirbhātaparaci-
-tsadānandādvaitaprasaraparimagnāḥ kimaparam || 3-4 ||
bhavadbhaktiḥ sphītā bhavatu mama saiva praśamaye-
-daśeṣakleśaughaṁ na khalu hṛdi sandehakaṇikā |
na cedvyāsasyoktistava ca vacanaṁ naigamavaco
bhavenmithyā rathyāpuruṣavacanaprāyamakhilam || 3-5 ||
bhavadbhaktistāvat pramukhamadhurā tvadguṇarasāt
kimapyārūḍhā cedakhilaparitāpapraśamanī |
punaścānte svānte vimalaparibodhodayamila-
-nmahānandādvaitaṁ diśati kimataḥ prārthyamaparam || 3-6 ||
vidhūya kleśān me kuru caraṇayugmaṁ dhṛtarasaṁ
bhavat kṣetraprāptau karamapi ca te pūjanavidhau |
bhavanmūrtyāloke nayanamatha te pādatulasī-
-parighrāṇe ghrāṇaṁ śravaṇamapi te cārucarite || 3-7 ||
prabhūtādhivyādhiprasabhacalite māmakahṛdi
tvadīyaṁ tadrūpaṁ paramarasacidrūpamudiyāt |
udañcadromāñco galitabahuharṣāśrunivaho
yathā vismaryāsaṁ durupaśamapīḍāparibhavān || 3-8 ||
marudgehādhīśa tvayi khalu parāñco’pi sukhino
bhavat snehī so’haṁ subahu paritapye ca kimidam |
akīrtiste mā bhūdvarada gadabhāraṁ praśamayan
bhavadbhaktottaṁsaṁ jhaṭiti kuru māṁ kaṁsadamana || 3-9 ||
kimuktairbhūyobhistava hi karuṇā yāvadudiyā-
-dahaṁ tāvaddeva prahitavividhārtapralapitaḥ |
puraḥ klupte pāde varada tava neṣyāmi divasān
yathāśakti vyaktaṁ natinutiniṣevā viracayan || 3-10 ||
iti tṛtīyadaśakaṁ samāptam |
See complete nārāyaṇīyam for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
