Read in తెలుగు / ಕನ್ನಡ / தமிழ் / देवनागरी / English (IAST)
pañcamadaśakam (5) – virāṭpuruṣotpattiḥ
vyaktāvyaktamidaṁ na kiñcidabhavat prāk prākṛtaprakṣaye
māyāyāṁ guṇasāmyaruddhavikṛtau tvayyāgatāyāṁ layam |
no mṛtyuśca tadāmṛtaṁ ca samabhūnnāhno na rātreḥ sthiti-
-statraikastvamaśiṣyathāḥ kila parānandaprakāśātmanā || 5-1 ||
kālaḥ karma guṇāśca jīvanivahā viśvaṁ ca kāryaṁ vibho
cillīlāratimeyuṣi tvayi tadā nirlīnatāmāyayuḥ |
teṣāṁ naiva vadantyasattvamayi bhoḥ śaktyātmanā tiṣṭhatāṁ
no cet kiṁ gaganaprasūnasadṛśāṁ bhūyo bhavet sambhavaḥ || 5-2 ||
evaṁ ca dviparārdhakālavigatāvīkṣāṁ sisṛkṣātmikāṁ
bibhrāṇe tvayi cukṣubhe tribhuvanībhāvāya māyā svayam |
māyātaḥ khalu kālaśaktirakhilādṛṣṭaṁ svabhāvo’pi ca
prādurbhūya guṇān vikāsya vidadhustasyāḥ sahāyakriyām || 5-3 ||
māyāsannihito’praviṣṭavapuṣā sākṣīti gīto bhavān
bhedaistāṁ pratibimbito viviśivān jīvo’pi naivāparaḥ |
kālādipratibodhitā’tha bhavatā sañcoditā ca svayaṁ
māyā sā khalu buddhitattvamasṛjadyo’sau mahānucyate || 5-4 ||
tatrāsau triguṇātmako’pi ca mahān sattvapradhānaḥ svayaṁ
jīve’smin khalu nirvikalpamahamityudbodhaniṣpādakaḥ |
cakre’smin savikalpabodhakamahantattvaṁ mahān khalvasau
sampuṣṭaṁ triguṇaistamo’tibahulaṁ viṣṇo bhavatpreraṇāt || 5-5 ||
so’haṁ ca triguṇakramāt trividhatāmāsādya vaikāriko
bhūyastaijasatāmasāviti bhavannādyena sattvātmanā |
devānindriyamānino’kṛta diśāvātārkapāśyaśvino
vahnīndrācyutamitrakān vidhuvidhiśrīrudraśārīrakān || 5-6 ||
bhūman mānasabuddhyahaṅkṛtimilaccittākhyavṛttyanvitaṁ
taccāntaḥkaraṇaṁ vibho tava balāt sattvāṁśa evāsṛjat |
jātastaijasato daśendriyagaṇastattāmasāṁśāt puna-
-stanmātraṁ nabhaso marutpurapate śabdo’jani tvadbalāt || 5-7 ||
śabdādvyoma tataḥ sasarjitha vibho sparśaṁ tato mārutaṁ
tasmādrūpamato maho’tha ca rasaṁ toyaṁ ca gandhaṁ mahīm |
evaṁ mādhava pūrvapūrvakalanādādyādyadharmānvitaṁ
bhūtagrāmamimaṁ tvameva bhagavan prākāśayastāmasāt || 5-8 ||
ete bhūtagaṇāstathendriyagaṇā devāśca jātā pṛthak
no śekurbhuvanāṇḍanirmitividhau devairamībhistadā |
tvaṁ nānāvidhasūktibhirnutaguṇastattvānyamūnyāviśaṁ-
-śceṣṭāśaktimudīrya tāni ghaṭayan hairaṇyamaṇḍaṁ vyadhāḥ || 5-9 ||
aṇḍaṁ tatkhalu pūrvasṛṣṭasalile’tiṣṭhat sahasraṁ samāḥ
nirbhindannakṛthāścaturdaśajagadrūpaṁ virāḍāhvayam |
sāhasraiḥ karapādamūrdhanivahairniśśeṣajīvātmako
nirbhāto’si marutpurādhipa sa māṁ trāyasva sarvāmayāt || 5-10 ||
iti pañcamadaśakaṁ samāptam |
See complete nārāyaṇīyam for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
