Read in తెలుగు / ಕನ್ನಡ / தமிழ் / English (IAST)
nārāyaṇīyaṁ catustriṁśadaśakam (34) – śrīrāmāvatāram
gīrvāṇairarthyamānō daśamukhanidhanaṁ kōsalē:’ṣvr̥ṣyaśr̥ṅgē
putrīyāmiṣṭimiṣṭvā daduṣi daśarathakṣmābhr̥tē pāyasāgryam |
tadbhuktyā tatpurandhrīṣvapi tisr̥ṣu samaṁ jātagarbhāsu jātō
rāmastvaṁ lakṣmaṇēna svayamatha bharatēnāpi śatrughnanāmnā || 34-1 ||
kōdaṇḍī kauśikasya kratuvaramavituṁ lakṣmaṇēnānuyātō
yātō:’bhūstātavācā munikathitamanudvandvaśāntādhvakhēdaḥ |
nr̥ṇāṁ trāṇāya bāṇairmunivacanabalāttāṭakāṁ pāṭayitvā
labdhvāsmādastrajālaṁ munivanamagamō dēva siddhāśramākhyam || 34-2 ||
mārīcaṁ drāvayitvā makhaśirasi śarairanyarakṣāṁsi nighnan
kalyāṁ kurvannahalyāṁ pathi padarajasā prāpya vaidēhagēham |
bhindānaścāndracūḍaṁ dhanuravanisutāmindirāmēva labdhvā
rājyaṁ prātiṣṭhathāstvaṁ tribhirapi ca samaṁ bhrātr̥vīraiḥ sadāraiḥ || 34-3 ||
ārundhānē ruṣāndhē bhr̥gukulatilakē saṅkramayya svatējō
yātē yātō:’syayōdhyāṁ sukhamiha nivasankāntayā kāntamūrtē |
śatrughnēnaikadāthō gatavati bharatē mātulasyādhivāsaṁ
tātārabdhō:’bhiṣēkastava kila vihataḥ kēkayādhīśaputryā || 34-4 ||
tātōktyā yātukāmō vanamanujavadhūsaṁyutaścāpadhāraḥ
paurānārudhya mārgē guhanilayagatastvaṁ jaṭācīradhārī |
nāvā santīrya gaṅgāmadhipadavi punastaṁ bharadvājamārā-
nnatvā tadvākyahētōratisukhamavasaścitrakūṭē girīndrē || 34-5 ||
śrutvā putrārtikhinnaṁ khalu bharatamukhātsvargayātaṁ svatātaṁ
taptō dattvāṁbu tasmai nidadhitha bharatē pādukāṁ mēdinīṁ ca |
atriṁ natvātha gatvā vanamativipulaṁ daṇḍakaṁ caṇḍakāyaṁ
hatvā daityaṁ virādhaṁ sugatimakalayaścāru bhōḥ śārabhaṅgīm || 34-6 ||
natvā:’gastyaṁ samastāśaranikarasapatrākr̥tiṁ tāpasēbhyaḥ
pratyaśrauṣīḥ priyaiṣī tadanu ca muninā vaiṣṇavē divyacāpē |
brahmāstrē cāpi dattē pathi pitr̥suhr̥daṁ vīkṣya bhūyō jaṭāyuṁ
mōdādgōdātaṭāntē pariramasi purā pañcavaṭyāṁ vadhūṭyā || 34-7 ||
prāptāyāḥ śūrpaṇakhyā madanacaladhr̥tērarthanairnissahātmā
tāṁ saumitrau visr̥jya prabalatamaruṣā tēna nirlūnanāsām |
dr̥ṣṭvaināṁ ruṣṭacittaṁ kharamabhipatitaṁ duṣaṇaṁ ca trimūrdhaṁ
vyāhiṁsīrāśarānapyayutasamadhikāṁstatkṣaṇādakṣatōṣmā || 34-8 ||
sōdaryāprōktavārtāvivaśadaśamukhādiṣṭamārīcamāyā-
sāraṅgaṁ sārasākṣyā spr̥hitamanugataḥ prāvadhīrbāṇaghātam |
tanmāyākrandaniryāpitabhavadanujāṁ rāvaṇastāmahārṣī-
ttēnārtō:’pi tvamantaḥ kimapi mudamadhāstadvadhōpāyalābhāt || 34-9 ||
bhūyastanvīṁ vicinvannahr̥ta daśamukhastvadvadhūṁ madvadhēnē-
tyuktvā yātē jaṭāyau divamatha suhr̥daḥ prātanōḥ prētakāryam |
gr̥hṇānaṁ taṁ kabandhaṁ jaghanitha śabarīṁ prēkṣya pampātaṭē tvaṁ
samprāptō vātasūnuṁ bhr̥śamuditamanāḥ pāhi vātālayēśa || 34-10 ||
iti catustriṁśadaśakaṁ samāptam ||
See complete nārāyaṇīyam for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
