Read in తెలుగు / ಕನ್ನಡ / தமிழ் / देवनागरी / English (IAST)
mahādēva uvāca |
rakṣa rakṣa mahādēvi durgē durgatināśini |
māṁ bhaktamanuraktaṁ ca śatrugrastaṁ kr̥pāmayi || 1 ||
viṣṇumāyē mahābhāgē nārāyaṇi sanātani |
brahmasvarūpē paramē nityānandasvarūpiṇī || 2 ||
tvaṁ ca brahmādidēvānāmambikē jagadambikē |
tvaṁ sākārē ca guṇatō nirākārē ca nirguṇāt || 3 ||
māyayā puruṣastvaṁ ca māyayā prakr̥tiḥ svayam |
tayōḥ paraṁ brahma paraṁ tvaṁ bibharṣi sanātani || 4 ||
vēdānāṁ jananī tvaṁ ca sāvitrī ca parātparā |
vaikuṇṭhē ca mahālakṣmīḥ sarvasampatsvarūpiṇī || 5 ||
martyalakṣmīśca kṣīrōdē kāminī śēṣaśāyinaḥ |
svargēṣu svargalakṣmīstvaṁ rājalakṣmīśca bhūtalē || 6 ||
nāgādilakṣmīḥ pātālē gr̥hēṣu gr̥hadēvatā |
sarvasasyasvarūpā tvaṁ sarvaiśvaryavidhāyinī || 7 ||
rāgādhiṣṭhātr̥dēvī tvaṁ brahmaṇaśca sarasvatī |
prāṇānāmadhidēvī tvaṁ kr̥ṣṇasya paramātmanaḥ || 8 ||
gōlōkē ca svayaṁ rādhā śrīkr̥ṣṇasyaiva vakṣasi |
gōlōkādhiṣṭhitā dēvī vr̥ndā vr̥ndāvanē vanē || 9 ||
śrīrāsamaṇḍalē ramyā vr̥ndāvanavinōdinī |
śataśr̥ṅgādhidēvī tvaṁ nāmnā citrāvalīti ca || 10 ||
dakṣakanyā kutrakalpē kutrakalpē ca śailajā |
dēvamātā:’ditistvaṁ ca sarvādhārā vasundharā || 11 ||
tvamēva gaṅgā tulasī tvaṁ ca svāhā svadhā satī |
tvadaṁśāṁśāṁśakalayā sarvadēvādiyōṣitaḥ || 12 ||
strīrūpaṁ cāpi puruṣaṁ dēvi tvaṁ ca napuṁsakam |
vr̥kṣāṇāṁ vr̥kṣarūpā tvaṁ sr̥ṣṭā cāṅkurarūpiṇī || 13 ||
vahnau ca dāhikā śaktirjalē śaityasvarūpiṇī |
sūryē tējaḥsvarūpā ca prabhārūpā ca santatam || 14 ||
gandharūpā ca bhūmau ca ākāśē śabdarūpiṇī |
śōbhāsvarūpā candrē ca padmasaṅghē ca niścitam || 15 ||
sr̥ṣṭau sr̥ṣṭisvarūpā ca pālanē paripālikā |
mahāmārī ca saṁhārē jalē ca jalarūpiṇī || 16 ||
kṣut tvaṁ dayā tvaṁ nidrā tvaṁ tr̥ṣṇā tvaṁ buddhirūpiṇī |
tuṣṭistvaṁ cāpi puṣṭistvaṁ śraddhāstvaṁ ca kṣamā svayam || 17 ||
śāntistvaṁ ca svayaṁ bhrāntiḥ kāntistvaṁ kīrtirēva ca |
lajjā tvaṁ ca tathā māyā bhuktimuktisvarūpiṇī || 18 ||
sarvaśaktisvarūpā tvaṁ sarvasampatpradāyinī |
vēdē:’nirvacanīyā tvaṁ tvāṁ na jānāti kaścana || 19 ||
sahasravaktrastvāṁ stōtuṁ na śaktaḥ surēśvari |
vēdā na śaktāḥ kō vidvān na ca śaktā sarasvatī || 20 ||
svayaṁ vidhātā śaktō na na ca viṣṇuḥ sanātanaḥ |
kiṁ staumi pañcavaktraistu raṇatrastō mahēśvari |
kr̥pāṁ kuru mahāmāyē mama śatrukṣayaṁ kuru || 21 ||
iti śrībrahmavaivartē mahāpurāṇē śrīkr̥ṣṇajanmakhaṇḍē nāradanārāyaṇasaṁvādē aṣṭāśītitamō:’dhyāyē mahādēva kr̥ta śrī durgā stōtram |
See more śrī durgā stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
