Read in తెలుగు / ಕನ್ನಡ / தமிழ் / देवनागरी / English (IAST)
|| tārāsamādhānam ||
tathā bruvāṇaṁ saumitriṁ pradīptamiva tējasā |
abravīllakṣmaṇaṁ tārā tārādhipanibhānanā || 1 ||
naivaṁ lakṣmaṇa vaktavyō nāyaṁ paruṣamarhati |
harīṇāmīśvaraḥ śrōtuṁ tava vaktrādviśēṣataḥ || 2 ||
naivākr̥tajñaḥ sugrīvō na śaṭhō nāpi dāruṇaḥ |
naivānr̥takathō vīra na jihmaśca kapīśvaraḥ || 3 ||
upakāraṁ kr̥taṁ vīrō nāpyayaṁ vismr̥taḥ kapiḥ |
rāmēṇa vīra sugrīvō yadanyairduṣkaraṁ raṇē || 4 ||
rāmaprasādātkīrtiṁ ca kapirājyaṁ ca śāśvatam |
prāptavāniha sugrīvō rumāṁ māṁ ca parantapa || 5 ||
suduḥkhaṁ śayitaḥ pūrvaṁ prāpyēdaṁ sukhamuttamam |
prāptakālaṁ na jānītē viśvāmitrō yathā muniḥ || 6 ||
ghr̥tācyāṁ kila saṁsaktō daśa varṣāṇi lakṣmaṇa |
ahō:’manyata dharmātmā viśvāmitrō mahāmuniḥ || 7 ||
sa hi prāptaṁ na jānītē kālaṁ kālavidāṁ varaḥ |
viśvāmitrō mahātējāḥ kiṁ punaryaḥ pr̥thagjanaḥ || 8 ||
dēhadharmaṁ gatasyāsya pariśrāntasya lakṣmaṇa |
avitr̥ptasya kāmēṣu kāmaṁ kṣantumihārhasi || 9 ||
na ca rōṣavaśaṁ tāta gantumarhasi lakṣmaṇa |
niścayārthamavijñāya sahasā prākr̥tō yathā || 10 ||
sattvayuktā hi puruṣāstvadvidhāḥ puruṣarṣabha |
avimr̥śya na rōṣasya sahasā yānti vaśyatām || 11 ||
prasādayē tvāṁ dharmajña sugrīvārthē samāhitā |
mahān rōṣasamutpannaḥ saṁrambhastyajyatāmayam || 12 ||
rumāṁ māṁ kapirājyaṁ ca dhanadhānyavasūni ca |
rāmapriyārthaṁ sugrīvastyajēditi matirmama || 13 ||
samānēṣyati sugrīvaḥ sītayā saha rāghavam |
śaśāṅkamiva rōhiṇyā nihatvā rāvaṇaṁ raṇē || 14 ||
śatakōṭisahasrāṇi laṅkāyāṁ kila rākṣasāḥ |
ayutāni ca ṣaṭtriṁśatsahasrāṇi śatāni ca || 15 ||
ahatvā tāṁśca durdharṣān rākṣasān kāmarūpiṇaḥ |
na śakyō rāvaṇō hantuṁ yēna sā maithilī hr̥tā || 16 ||
tē na śakyā raṇē hantumasahāyēna lakṣmaṇa |
rāvaṇaḥ krūrakarmā ca sugrīvēṇa viśēṣataḥ || 17 ||
ēvamākhyātavān vālī sa hyabhijñō harīśvaraḥ |
āgamastu na mē vyaktaḥ śravaṇāttadbravīmyaham || 18 ||
tvatsahāyanimittaṁ vai prēṣitā haripuṅgavāḥ |
ānētuṁ vānarān yuddhē subahūn hariyūthapān || 19 ||
tāṁśca pratīkṣamāṇō:’yaṁ vikrāntān sumahābalān |
rāghavasyārthasiddhyarthaṁ na niryāti harīśvaraḥ || 20 ||
kr̥tā:’tra saṁsthā saumitrē sugrīvēṇa yathā purā |
adya tairvānaraiḥ sarvairāgantavyaṁ mahābalaiḥ || 21 ||
r̥kṣakōṭisahasrāṇi gōlāṅgūlaśatāni ca |
adya tvāmupayāsyanti jahi kōpamarindama |
kōṭyō:’nēkāstu kākutstha kapīnāṁ dīptatējasām || 22 ||
tava hi mukhamidaṁ nirīkṣya kōpāt
kṣatajanibhē nayanē nirīkṣamāṇāḥ |
harivaravanitā na yānti śāntiṁ
prathamabhayasya hi śaṅkitāḥ sma sarvāḥ || 23 ||
ityārṣē śrīmadrāmāyaṇē vālmīkīyē ādikāvyē kiṣkindhākāṇḍē pañcatriṁśaḥ sargaḥ || 35 ||
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē araṇyakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
