Deepa Lakshmi Stavam – śrī dīpalakṣmī stavam


antargr̥hē hēmasuvēdikāyāṁ
sammārjanālēpanakarma kr̥tvā |
vidhānadhūpātula pañcavarṇaṁ
cūrṇaprayuktādbhuta raṅgavalyām || 1 ||

agādha sampūrṇa sarassamānē
gōsarpiṣāpūrita madhyadēśē |
mr̥ṇālatantukr̥ta vartiyuktē
puṣpāvataṁsē tilakābhirāmē || 2 ||

pariṣkr̥ta sthāpita ratnadīpē
jyōtirmayīṁ prajjvalayāmi dēvīm |
namāmyahaṁ matkulavr̥ddhidātrīṁ
saudādi sarvāṅgaṇa śōbhamānām || 3 ||

bhō dīpalakṣmi prathitaṁ yaśō mē
pradēhi māṅgalyamamōghaśīlē |
bhartr̥priyāṁ dharmaviśiṣṭa śīlāṁ
kuruṣva kalyāṇyanukampayā mām || 4 ||

yāntarbahiścāpi tamō:’pahantrī
sandhyāmukhārādhita pādapadmā |
trayīsamudghōṣita vaibhavā sā
hyananyakāmē hr̥dayē vibhātu || 5 ||

bhō dīpa brahmarūpastvaṁ jyōtiṣāṁ prabhuravyayaḥ |
ārōgyaṁ dēhi putrāṁśca avaidhavyaṁ prayaccha mē || 6 ||

sandhyādīpastavamidaṁ nityaṁ nārī paṭhēttu yā |
sarvasaubhāgyayuktā syāllakṣmyanugrahataḥ sadā || 7 ||

śarīrārōgyamaiśvaryaṁ aripakṣakṣayaḥ sukham |
dēvi tvaddr̥ṣṭidr̥ṣṭānāṁ puruṣāṇāṁ na durlabham || 8 ||

iti śrī dīpalakṣmī stavam |


See more śrī lakṣmī stōtrāṇi for chanting.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed