Read in తెలుగు / ಕನ್ನಡ / தமிழ் / देवनागरी / English (IAST)
sāmbō naḥ kuladaivataṁ paśupatē sāmba tvadīyā vayaṁ
sāmbaṁ staumi surāsurōragagaṇāḥ sāmbēna santāritāḥ |
sāmbāyāstu namō mayā viracitaṁ sāmbātparaṁ nō bhajē
sāmbasyānucarō:’smyahaṁ mama ratiḥ sāmbē parabrahmaṇi || 1 ||
viṣṇvādyāśca puratrayaṁ suragaṇā jētuṁ na śaktāḥ svayaṁ
yaṁ śambhuṁ bhagavanvayaṁ tu paśavō:’smākaṁ tvamēvēśvaraḥ |
svasvasthānaniyōjitāḥ sumanasaḥ svasthā babhūvustata-
-stasminmē hr̥dayaṁ sukhēna ramatāṁ sāmbē parabrahmaṇi || 2 ||
kṣōṇī yasya rathō rathāṅgayugalaṁ candrārkabimbadvayaṁ
kōdaṇḍaḥ kanakācalō harirabhūdbāṇō vidhiḥ sārathiḥ |
tūṇīrō jaladhirhayāḥ śruticayō maurvī bhujaṅgādhipa-
-stasminmē hr̥dayaṁ sukhēna ramatāṁ sāmbē parabrahmaṇi || 3 ||
yēnāpāditamaṅgajāṅgabhasitaṁ divyāṅgarāgaiḥ samaṁ
yēna svīkr̥tamabjasambhavaśiraḥ sauvarṇapātraiḥ samam |
yēnāṅgīkr̥tamacyutasya nayanaṁ pūjāravindaiḥ samaṁ
tasminmē hr̥dayaṁ sukhēna ramatāṁ sāmbē parabrahmaṇi || 4 ||
gōvindādadhikaṁ na daivatamiti prōccārya hastāvubhā-
-vuddhr̥tyātha śivasya saṁnidhigatō vyāsō munīnāṁ varaḥ |
yasya stambhitapāṇirānatikr̥tā nandīśvarēṇābhava-
-ttasminmē hr̥dayaṁ sukhēna ramatāṁ sāmbē parabrahmaṇi || 5 ||
ākāśaścikurāyatē daśadiśābhōgō dukūlāyatē
śītāṁśuḥ prasavāyatē sthiratarānandaḥ svarūpāyatē |
vēdāntō nilayāyatē suvinayō yasya svabhāvāyatē
tasminmē hr̥dayaṁ sukhēna ramatāṁ sāmbē parabrahmaṇi || 6 ||
viṣṇuryasya sahasranāmaniyamādambhōruhāṇyarcaya-
-nnēkōnōpacitēṣu nētrakamalaṁ naijaṁ padābjadvayē |
sampūjyāsurasaṁhatiṁ vidalayaṁstrailōkyapālō:’bhava-
-ttasminmē hr̥dayaṁ sukhēna ramatāṁ sāmbē parabrahmaṇi || 7 ||
śauriṁ satyagiraṁ varāhavapuṣaṁ pādāmbujādarśanē
cakrē yō dayayā samastajagatāṁ nāthaṁ śirōdarśanē |
mithyāvācamapūjyamēva satataṁ haṁsasvarūpaṁ vidhiṁ
tasminmē hr̥dayaṁ sukhēna ramatāṁ sāmbē parabrahmaṇi || 8 ||
yasyāsandharaṇījalāgnipavanavyōmārkacandrādayō
vikhyātāstanavō:’ṣṭadhā pariṇatā nānyattatō vartatē |
ōṅkārārthavivēcanī śrutiriyaṁ cācaṣṭa turyaṁ śivaṁ
tasminmē hr̥dayaṁ sukhēna ramatāṁ sāmbē parabrahmaṇi || 9 ||
viṣṇubrahmasurādhipaprabhr̥tayaḥ sarvē:’pi dēvā yadā
sambhūtājjaladhērviṣātparibhavaṁ prāptāstadā satvaram |
tānārtāṁśaraṇāgatāniti surānyō:’rakṣadardhakṣaṇā-
-ttasminmē hr̥dayaṁ sukhēna ramatāṁ sāmbē parabrahmaṇi || 10 ||
iti śrīmatparamahaṁsaparivrājakācāryasya śrīgōvindabhagavatpūjyapādaśiṣyasya śrīmacchaṅkarabhagavataḥ kr̥tau daśaślōkīstutiḥ sampūrṇā ||
See more śrī śiva stotras for chanting.
స్తోత్రనిధి (తెలుగు) వాట్సాప్ ఛానల్ : మా వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
