Read in తెలుగు / English (IAST)
śrīmatpayōruhasudhākalaśātapatra
matsyadhvajāṁkuśadharādimahārṣacihnau |
padmapravāḷamaṇividrumamaṁjuśōbhau
bhadrādrirāmacaraṇau śaraṇaṁ prapadyē || 1 ||
vāmāṁkahastadhr̥tabhūmisutārathāṁga
saṁkhāśugapraṇayisavyakarā:’bjanētra |
pārśvasthacāpadharalakṣmaṇa tāvakīnau
bhadrādrirāmacaraṇau śaraṇaṁ prapadyē || 2 ||
phullāraviṁdarucirā vaniśaṁ lasaṁtau
saṁvartikāḷisamatālalitāṁguḷīkau |
tatsūtamauktikaphalāyitasannibhau tē
bhadrādrirāmacaraṇau śaraṇaṁ prapadyē || 3 ||
bhaktyarpitasphuradudārasarōruhāḷī
samyagvilagnamakaraṁdalavābhiśaṁkām |
pādāṁguḷīnakhamiṣāt parikalpayantau
bhadrādrirāmacaraṇau śaraṇaṁ prapadyē || 4 ||
muktāvaḷī lasati viṣṇupadē tavēti
vēdaḥ prabōdhayati tāṁ nakharāḷirakṣyāt |
pratyakṣataḥ prakaṭanēna tatō:’dikau tē
bhadrādrirāmacaraṇau śaraṇaṁ prapadyē || 5 ||
nīhārabiṁdudaḷaśōbhitanāḷapadmē
bhāsvannakhāṁguḷisujaṁghatayā vijitya |
vidhyarcitai riva sumai rvihitāṭṭahāsau
bhadrādrirāmacaraṇau śaraṇaṁ prapadyē || 6 ||
pūrṇaḥ kaḷaṁkarahitō vidhu rānanātma
sūryaprabhā:’bhibhavamuktamati prasannām |
tārāvaḷī miva nakhāvaḷi māvahastau
bhadrādrirāmacaraṇau śaraṇaṁ prapadyē || 7 ||
śrutyaṁganākacabharāṁtararājamāna
siṁdūrarēṇumiḷanā diva bhaktāhr̥tsu |
vāsātirēkavaśataḥ kila jātarāgau
bhadrādrirāmacaraṇau śaraṇaṁ prapadyē || 8 ||
kōṭīrakōṭighaṭanā diva dēvatānāṁ
kōpādivāṁburuhavidrumapallavēṣu |
bhaktāḷivairikalanā datimātraraktau
bhadrādrirāmacaraṇau śaraṇaṁ prapadyē || 9 ||
bhēdō:’sti naiva khalu dāruśilādikānāṁ
ālōcya caiva makhilākaracūrṇabhājau |
saṁkṣāḷitau sumanasā tarijīvinā tē
bhadrādrirāmacaraṇau śaraṇaṁ prapadyē || 10 ||
dhyānaikanighnamunimānasavāsakālē
saktānurāgayutasatyaguṇaikaśaṁkām |
bhaktāvaḷē rnakharucā parikalpayantau
bhadrādrirāmacaraṇau śaraṇaṁ prapadyē || 11 ||
unmārgakarṣimunimānasavāraṇānāṁ
śabdādibhōgamadavārimalīmasānām |
ālānapādadr̥ḍhatākarakīlagulphau
bhadrādrirāmacaraṇau śaraṇaṁ prapadyē || 12 ||
māyāmr̥gārtha mavanītanayāniyōgāt
āyāsapūrva maṭavītaṭadūracārāt |
āraktakōkanadakōmalakāntibhājau
bhadrādrirāmacaraṇau śaraṇaṁ prapadyē || 13 ||
bhūmīsutākaratalōdararājamāna
kāśmīrakāṁtimiḷanā diva rāgavantau |
bhaktaugharakṣaṇakaḷātivicakṣaṇau tē
bhadrādrirāmacaraṇau śaraṇaṁ prapadyē || 14 ||
pāthōdhijanmaparikalpitapādyadhārau
phālākṣamūrdhadha:’tapāvanatīrthahētū |
pāṣāṇa mēṇanayanāvibhavaṁ nayantau
bhadrādrirāmacaraṇau śaraṇaṁ prapadyē || 15 ||
śrī vēṁkaṭāryapadapaṁkajasēvakēna
śrī śrīnivāsa caramāvadhikiṁka rēṇa |
prōktā prapattivinutiṁ paṭhatāṁ janānām
bhadrādrirā ḍdiśatu bhadra manidramēva || 16 ||
iti śrī bhadrādrīrāma śaraṇāgatiḥ
See more śrī rāma stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
