Read in తెలుగు / ಕನ್ನಡ / தமிழ் / देवनागरी / English (IAST)
|| rambhāśāpaḥ ||
surakāryamidaṁ rambhē kartavyaṁ sumahattvayā |
lōbhanaṁ kauśikasyēha kāmamōhasamanvitam || 1 ||
tathōktā sā:’psarā rāma sahasrākṣēṇa dhīmatā |
vrīḍitā prāñjalirbhūtvā pratyuvāca surēśvaram || 2 ||
ayaṁ surapatē ghōrō viśvāmitrō mahāmuniḥ |
krōdhamutsr̥jatē ghōraṁ mayi dēva na saṁśayaḥ || 3 ||
tatō hi mē bhayaṁ dēva prasādaṁ kartumarhasi |
ēvamuktastayā rāma rambhayā bhītayā tayā || 4 ||
tāmuvāca sahasrākṣō vēpamānāṁ kr̥tāñjalim |
mā bhaiṣi rambhē bhadraṁ tē kuruṣva mama śāsanam || 5 ||
kōkilō hr̥dayagrāhī mādhavē ruciradrumē |
ahaṁ kandarpasahitaḥ sthāsyāmi tava pārśvataḥ || 6 ||
tvaṁ hi rūpaṁ bahuguṇaṁ kr̥tvā paramabhāsvaram |
tamr̥ṣiṁ kauśikaṁ rambhē bhēdayasva tapasvinam || 7 ||
sā śrutvā vacanaṁ tasya kr̥tvā rūpamanuttamam |
lōbhayāmāsa lalitā viśvāmitraṁ śucismitā || 8 ||
kōkilasya sa śuśrāva valgu vyāharataḥ svanam |
samprahr̥ṣṭēna manasā tata ēnāmudaikṣata || 9 ||
atha tasya ca śabdēna gītēnāpratimēna ca |
darśanēna ca rambhāyā muniḥ sandēhamāgataḥ || 10 ||
sahasrākṣasya tatkarma vijñāya munipuṅgavaḥ |
rambhāṁ krōdhasamāviṣṭaḥ śaśāpa kuśikātmajaḥ || 11 ||
yanmāṁ lōbhayasē rambhē kāmakrōdhajayaiṣiṇam |
daśa varṣasahasrāṇi śailī sthāsyasi durbhagē || 12 ||
brāhmaṇaḥ sumahātējāstapōbalasamanvitaḥ |
uddhariṣyati rambhē tvāṁ matkrōdhakaluṣīkr̥tām || 13 ||
ēvamuktvā mahātējā viśvāmitrō mahāmuniḥ |
aśaknuvandhārayituṁ krōdhaṁ santāpamāgataḥ || 14 ||
tasya śāpēna mahatā rambhā śailī tadā:’bhavat |
vacaḥ śrutvā ca kandarpō maharṣēḥ sa ca nirgataḥ || 15 ||
kōpēna sumahātējāstapō:’paharaṇē kr̥tē |
indriyairajitai rāma na lēbhē śāntimātmanaḥ || 16 ||
babhūvāsya manaścintā tapō:’paharaṇē kr̥tē |
naiva krōdhaṁ gamiṣyāmi na ca vakṣyāmi kiñcana || 17 ||
athavā nōcchvasiṣyāmi saṁvatsaraśatānyapi |
ahaṁ viśōṣayiṣyāmi hyātmānaṁ vijitēndriyaḥ || 18 ||
tāvadyāvaddhi mē prāptaṁ brāhmaṇyaṁ tapasārjitam |
anucchvasannabhuñjānastiṣṭhēyaṁ śāśvatīḥ samāḥ || 19 ||
na hi mē tapyamānasya kṣayaṁ yāsyanti mūrtayaḥ |
ēvaṁ varṣasahasrasya dīkṣāṁ sa munipuṅgavaḥ |
cakārāpratimāṁ lōkē pratijñāṁ raghunandana || 20 ||
ityārṣē śrīmadrāmāyaṇē vālmīkīyē ādikāvyē bālakāṇḍē catuḥṣaṣṭitamaḥ sargaḥ || 64 ||
bālakāṇḍa pañcaṣaṣṭitamaḥ sargaḥ (65) >>
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē bālakāṇḍa for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
