Balakanda Sarga 64 – பா³லகாண்ட³ சது꞉ஷஷ்டிதம꞉ ஸர்க³꞉ (64)

॥ ரம்பா⁴ஶாப꞉ ॥

ஸுரகார்யமித³ம் ரம்பே⁴ கர்தவ்யம் ஸுமஹத்த்வயா ।
லோப⁴நம் கௌஶிகஸ்யேஹ காமமோஹஸமந்விதம் ॥ 1 ॥

ததோ²க்தா ஸா(அ)ப்ஸரா ராம ஸஹஸ்ராக்ஷேண தீ⁴மதா ।
வ்ரீடி³தா ப்ராஞ்ஜலிர்பூ⁴த்வா ப்ரத்யுவாச ஸுரேஶ்வரம் ॥ 2 ॥

அயம் ஸுரபதே கோ⁴ரோ விஶ்வாமித்ரோ மஹாமுநி꞉ ।
க்ரோத⁴முத்ஸ்ருஜதே கோ⁴ரம் மயி தே³வ ந ஸம்ஶய꞉ ॥ 3 ॥

ததோ ஹி மே ப⁴யம் தே³வ ப்ரஸாத³ம் கர்துமர்ஹஸி ।
ஏவமுக்தஸ்தயா ராம ரம்ப⁴யா பீ⁴தயா தயா ॥ 4 ॥

தாமுவாச ஸஹஸ்ராக்ஷோ வேபமாநாம் க்ருதாஞ்ஜலிம் ।
மா பை⁴ஷி ரம்பே⁴ ப⁴த்³ரம் தே குருஷ்வ மம ஶாஸநம் ॥ 5 ॥

கோகிலோ ஹ்ருத³யக்³ராஹீ மாத⁴வே ருசிரத்³ருமே ।
அஹம் கந்த³ர்பஸஹித꞉ ஸ்தா²ஸ்யாமி தவ பார்ஶ்வத꞉ ॥ 6 ॥

த்வம் ஹி ரூபம் ப³ஹுகு³ணம் க்ருத்வா பரமபா⁴ஸ்வரம் ।
தம்ருஷிம் கௌஶிகம் ரம்பே⁴ பே⁴த³யஸ்வ தபஸ்விநம் ॥ 7 ॥

ஸா ஶ்ருத்வா வசநம் தஸ்ய க்ருத்வா ரூபமநுத்தமம் ।
லோப⁴யாமாஸ லலிதா விஶ்வாமித்ரம் ஶுசிஸ்மிதா ॥ 8 ॥

கோகிலஸ்ய ஸ ஶுஶ்ராவ வல்கு³ வ்யாஹரத꞉ ஸ்வநம் ।
ஸம்ப்ரஹ்ருஷ்டேந மநஸா தத ஏநாமுதை³க்ஷத ॥ 9 ॥

அத² தஸ்ய ச ஶப்³தே³ந கீ³தேநாப்ரதிமேந ச ।
த³ர்ஶநேந ச ரம்பா⁴யா முநி꞉ ஸந்தே³ஹமாக³த꞉ ॥ 10 ॥

ஸஹஸ்ராக்ஷஸ்ய தத்கர்ம விஜ்ஞாய முநிபுங்க³வ꞉ ।
ரம்பா⁴ம் க்ரோத⁴ஸமாவிஷ்ட꞉ ஶஶாப குஶிகாத்மஜ꞉ ॥ 11 ॥

யந்மாம் லோப⁴யஸே ரம்பே⁴ காமக்ரோத⁴ஜயைஷிணம் ।
த³ஶ வர்ஷஸஹஸ்ராணி ஶைலீ ஸ்தா²ஸ்யஸி து³ர்ப⁴கே³ ॥ 12 ॥

ப்³ராஹ்மண꞉ ஸுமஹாதேஜாஸ்தபோப³லஸமந்வித꞉ ।
உத்³த⁴ரிஷ்யதி ரம்பே⁴ த்வாம் மத்க்ரோத⁴கலுஷீக்ருதாம் ॥ 13 ॥

ஏவமுக்த்வா மஹாதேஜா விஶ்வாமித்ரோ மஹாமுநி꞉ ।
அஶக்நுவந்தா⁴ரயிதும் க்ரோத⁴ம் ஸந்தாபமாக³த꞉ ॥ 14 ॥

தஸ்ய ஶாபேந மஹதா ரம்பா⁴ ஶைலீ ததா³(அ)ப⁴வத் ।
வச꞉ ஶ்ருத்வா ச கந்த³ர்போ மஹர்ஷே꞉ ஸ ச நிர்க³த꞉ ॥ 15 ॥

கோபேந ஸுமஹாதேஜாஸ்தபோ(அ)பஹரணே க்ருதே ।
இந்த்³ரியைரஜிதை ராம ந லேபே⁴ ஶாந்திமாத்மந꞉ ॥ 16 ॥

ப³பூ⁴வாஸ்ய மநஶ்சிந்தா தபோ(அ)பஹரணே க்ருதே ।
நைவ க்ரோத⁴ம் க³மிஷ்யாமி ந ச வக்ஷ்யாமி கிஞ்சந ॥ 17 ॥

அத²வா நோச்ச்²வஸிஷ்யாமி ஸம்வத்ஸரஶதாந்யபி ।
அஹம் விஶோஷயிஷ்யாமி ஹ்யாத்மாநம் விஜிதேந்த்³ரிய꞉ ॥ 18 ॥

தாவத்³யாவத்³தி⁴ மே ப்ராப்தம் ப்³ராஹ்மண்யம் தபஸார்ஜிதம் ।
அநுச்ச்²வஸந்நபு⁴ஞ்ஜாநஸ்திஷ்டே²யம் ஶாஶ்வதீ꞉ ஸமா꞉ ॥ 19 ॥

ந ஹி மே தப்யமாநஸ்ய க்ஷயம் யாஸ்யந்தி மூர்தய꞉ ।
ஏவம் வர்ஷஸஹஸ்ரஸ்ய தீ³க்ஷாம் ஸ முநிபுங்க³வ꞉ ।
சகாராப்ரதிமாம் லோகே ப்ரதிஜ்ஞாம் ரகு⁴நந்த³ந ॥ 20 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ சது꞉ஷஷ்டிதம꞉ ஸர்க³꞉ ॥ 64 ॥

பா³லகாண்ட³ பஞ்சஷஷ்டிதம꞉ ஸர்க³꞉ (65) >>


ஸம்பூர்ண வால்மீகி ராமாயணே பா³லகாண்ட³ பார்க்க.


గమనిక: "శ్రీ శివ స్తోత్రనిధి" పుస్తకము ముద్రణ చేయుటకు ఆలోచన చేయుచున్నాము.

Facebook Comments

You may also like...

error: Not allowed
%d bloggers like this: