Read in తెలుగు / ಕನ್ನಡ / தமிழ் / देवनागरी / English (IAST)
|| ditigarbhabhēdaḥ ||
hatēṣu tēṣu putrēṣu ditiḥ paramaduḥkhitā |
mārīcaṁ kaśyapaṁ rāma bhartāramidamabravīt || 1 ||
hataputrā:’smi bhagavaṁstava putrairmahābalaiḥ |
śakrahantāramicchāmi putraṁ dīrghatapōrjitam || 2 ||
sā:’haṁ tapaścariṣyāmi garbhaṁ mē dātumarhasi |
balavantaṁ mahēṣvāsaṁ sthitijñaṁ samadarśinam || 3 ||
īśvaraṁ śakrahantāraṁ tvamanujñātumarhasi |
tasyāstadvacanaṁ śrutvā mārīcaḥ kāśyapastadā || 4 ||
pratyuvāca mahātējā ditiṁ paramaduḥkhitām |
ēvaṁ bhavatu bhadraṁ tē śucirbhava tapōdhanē || 5 ||
janayiṣyasi putraṁ tvaṁ śakrahantāramāhavē |
pūrṇē varṣasahasrē tu śuciryadi bhaviṣyasi || 6 ||
putraṁ trailōkyabhartāraṁ mattastvaṁ janayiṣyasi |
ēvamuktvā mahātējāḥ pāṇinā sa mamārja tām || 7 ||
samālabhya tataḥ svastītyuktvā sa tapasē yayau |
gatē tasminnaraśrēṣṭha ditiḥ paramaharṣitā || 8 ||
kuśaplavanamāsādya tapastēpē sudāruṇam |
tapastasyāṁ hi kurvantyāṁ paricaryāṁ cakāra ha || 9 ||
sahasrākṣō naraśrēṣṭha parayā guṇasampadā |
agniṁ kr̥śānkāṣṭhamapaḥ phalaṁ mūlaṁ tathaiva ca || 10 || [kuśān]
nyavēdayatsahasrākṣō yaccānyadapi kāṅkṣitam |
gātrasaṁvahanaiścaiva śramāpanayanaistathā || 11 ||
śakraḥ sarvēṣu kālēṣu ditiṁ paricacāra ha |
atha varṣasahasrē tu daśōnē raghunandana || 12 ||
ditiḥ paramasamprītā sahasrākṣamathābravīt |
yācitēna suraśrēṣṭha tava pitrā mahātmanā || 13 ||
varō varṣasahasrāntē mama dattaḥ sutaṁ prati |
tapaścarantyā varṣāṇi daśa vīryavatāṁ vara || 14 ||
avaśiṣṭāni bhadraṁ tē bhrātaraṁ drakṣyasē tataḥ |
tamahaṁ tvatkr̥tē putraṁ samādhāsyē jayōtsukam || 15 ||
trailōkyavijayaṁ putra saha bhōkṣyasi vijvaraḥ |
ēvamuktvā ditiḥ śakraṁ prāptē madhyaṁ divākarē || 16 ||
nidrayā:’pahr̥tā dēvī pādau kr̥tvā:’tha śīrṣataḥ |
dr̥ṣṭvā tāmaśuciṁ śakraḥ pādataḥ kr̥tamūrdhajām || 17 ||
śiraḥsthānē kr̥tau pādau jahāsa ca mumōda ca |
tasyāḥ śarīravivaraṁ vivēśa ca purandaraḥ || 18 ||
garbhaṁ ca saptadhā rāma bibhēda paramātmavān |
bhidyamānastatō garbhō vajrēṇa śataparvaṇā || 19 ||
rurōda susvaraṁ rāma tatō ditirabudhyata |
mā rudō mā rudaścēti garbhaṁ śakrō:’bhyabhāṣata || 20 ||
bibhēda ca mahātējā rudantamapi vāsavaḥ |
na hantavyō na hantavya ityēvaṁ ditirabravīt || 21 ||
niṣpapāta tataḥ śakrō māturvacanagauravāt |
prāñjalirvajrasahitō ditiṁ śakrō:’bhyabhāṣata || 22 ||
aśucirdēvi suptāsi pādayōḥ kr̥tamūrdhajā |
tadantaramahaṁ labdhvā śakrahantāramāhavē |
abhidaṁ saptadhā dēvi tanmē tvaṁ kṣantumarhasi || 23 ||
ityārṣē śrīmadrāmāyaṇē vālmīkīyē ādikāvyē bālakāṇḍē ṣaṭcatvāriṁśaḥ sargaḥ || 46 ||
bālakāṇḍa saptacatvāriṁśaḥ sargaḥ (47) >>
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē bālakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
