Read in తెలుగు / ಕನ್ನಡ / தமிழ் / देवनागरी / English (IAST)
|| vasiṣṭhavākyam ||
tacchrutvā vacanaṁ tasya snēhaparyākulākṣaram |
samanyuḥ kauśikō vākyaṁ pratyuvāca mahīpatim || 1 ||
pūrvamarthaṁ pratiśrutya pratijñāṁ hātumicchasi |
rāghavāṇāmayuktō:’yaṁ kulasyāsya viparyayaḥ || 2 ||
yadīdaṁ tē kṣamaṁ rājangamiṣyāmi yathāgatam |
mithyāpratijñaḥ kākutstha sukhī bhava sabāndhavāḥ || 3 ||
tasya rōṣaparītasya viśvāmitrasya dhīmataḥ |
cacāla vasudhā kr̥tsnā vivēśa ca bhayaṁ surān || 4 ||
trastarūpaṁ tu vijñāya jagatsarvaṁ mahānr̥ṣiḥ |
nr̥patiṁ suvratō dhīrō vasiṣṭhō vākyamabravīt || 5 ||
ikṣvākūṇāṁ kulē jātaḥ sākṣāddharma ivāparaḥ |
dhr̥timānsuvrataḥ śrīmānna dharmaṁ hātumarhasi || 6 ||
triṣu lōkēṣu vikhyātō dharmātmā iti rāghava |
svadharmaṁ pratipadyasva nādharmaṁ vōḍhumarhasi || 7 ||
saṁśrutyaivaṁ kariṣyāmītyakurvāṇasya rāghava |
iṣṭāpūrtavadhō bhūyāttasmādrāmaṁ visarjaya || 8 ||
kr̥tāstramakr̥tāstraṁ vā naivaṁ śakṣyanti rākṣasāḥ |
guptaṁ kuśikaputrēṇa jvalanēnāmr̥taṁ yathā || 9 ||
ēṣa vigrahavāndharma ēṣa vīryavatāṁ varaḥ |
ēṣa buddhyādhikō lōkē tapasaśca parāyaṇam || 10 ||
ēṣō:’strānvividhānvētti trailōkyē sacarācarē |
nainamanyaḥ pumānvētti na ca vētsyanti kēcana || 11 ||
na dēvā narṣayaḥ kēcinnāsurā na ca rākṣasāḥ |
gandharvayakṣapravarāḥ sakinnaramahōragāḥ || 12 ||
sarvāstrāṇi kr̥śāśvasya putrāḥ paramadhārmikāḥ |
kauśikāya purā dattā yadā rājyaṁ praśāsati || 13 ||
tē:’pi putrā kr̥śāśvasya prajāpatisutāsutāḥ |
naikarūpā mahāvīryā dīptimantō jayāvahāḥ || 14 ||
jayā ca suprabhā caiva dakṣakanyē sumadhyamē |
tē suvātē:’straśastrāṇi śataṁ paramabhāsvaram || 15 ||
pañcāśataṁ sutām̐llēbhē jayā nāma parānpurā |
vadhāyāsurasainyānāmamēyān kāmarūpiṇaḥ || 16 ||
suprabhā:’janayaccāpi putrānpañcāśataṁ punaḥ |
saṁhārānnāma durdharṣāndurākrāmānbalīyasaḥ || 17 ||
tāni cāstrāṇi vēttyēṣa yathāvatkuśikātmajaḥ |
apūrvāṇāṁ ca jananē śaktō bhūyaśca dharmavit || 18 ||
tēnāsya munimukhyasya sarvajñasya mahātmanaḥ |
na kiñcidapyaviditaṁ bhūtaṁ bhavyaṁ ca rāghava || 19 ||
ēvaṁ vīryō mahātējā viśvāmitrō mahātapāḥ | [mahāyaśāḥ]
na rāmagamanē rājansaṁśayaṁ gantumarhasi || 20 ||
tēṣāṁ nigrahaṇē śaktaḥ svayaṁ ca kuśikātmajaḥ |
tava putrahitārthāya tvāmupētyābhiyācatē || 21 ||
iti munivacanātprasannacittō
raghuvr̥ṣabhaśca mumōda bhāsvarāṅgaḥ |
gamanamabhirurōca rāghavasya
prathitayaśāḥ kuśikātmajāya budhyā || 22 ||
ityārṣē śrīmadrāmāyaṇē vālmīkīyē ādikāvyē bālakāṇḍē ēkaviṁśaḥ sargaḥ || 21 ||
bālakāṇḍa dvāviṁśaḥ sargaḥ (22) >>
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē bālakāṇḍa for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
